សេចក្តីប្រកាសព័ត៌មាន! មន្ត្រីជាន់ខ្ពស់កម្ពុជា​ បានជួបប្រាស្រ័យទាក់ទងផ្ទាល់ជាមួយរដ្ឋមន្ត្រីការបរទេសនៃប្រទេសហុងគ្រី ដែលផ្ទុកកូវីដ១៩ កាលពីថ្ងៃ៣០កន្លងទៅ

• 2020-11-04

យោងតាមសេចក្ដីប្រកាសរបស់ ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា " កាលពីថ្ងៃទី ៣០ ខែវិច្ចិកា ឆ្នាំ២០២០កន្លងទៅនេះ ឯកឧត្តម ភីធើ ស៊ីចាតូ រដ្ឋមន្ត្រីការបរទេស និងពាណិជ្ជកម្មហុងគ្រី បានដឹកនាំគណៈប្រតិភូមកបមពេញទស្សនៈកិច្ចជាផ្លូវការនៅក្នុងប្រទេសកម្ពុជា។ នៅពេលដែលឯកឧត្តម និងប្រតិភូបានទៅដល់ទីក្រុងបាងកកនៅល្ងាចថ្ងៃដដែលនោះ ការធ្វើតេស្តរកវីរុសកូវីដ ១៩ នៅទីនោះបានបញ្ជាក់ថា ឯកឧត្តមរដ្ឋមន្ត្រីមានលទ្ធផលវិជ្ជមាន"។

សូមបញ្ជាក់ថា សមាជិកគណៈប្រតិភូហុងគ្រីទាំងអស់ បានធ្វើតេស្ត និងមានវិញ្ញាបនប័ត្របញ្ជាក់ថាគ្មានកូនវីដ១៩ មុនពេលចេញដំណើរមកដល់កម្ពុជា។

បន្ទាប់ពីទទួលបានព័ត៌មានខាងលើនេះភ្លាម រដ្ឋាភិបាលកម្ពុជាបានសម្រេចឱ្យថ្នាក់ដឹកនាំ និងមន្ត្រីទាំងអស់ដែលបានជួប និងប្រាស្រ័យទាក់ទងផ្ទាល់ជាមួយប្រតិភូក្នុងពេលទស្សនកិច្ចធ្វើតេស្តរកវីរុសកូវីដ១៩ និងដាក់ឱ្យនៅដោយឡែកតាមការកំណត់របស់ក្រសួងសុខាភិបាល៕