ក្រៅពីពពួក alcohol អាហារ៤ប្រភេទនេះ ក៏អាចបង្កគ្រោះថ្នាក់ធ្ងន់ធ្ងរដល់ថ្លើមបានដែរ

យើងតែងតែគិត និងប្រយ័ត្នតែចំពោះគ្រឿងស្រវឹង ដែលអាចបង្កគ្រោះថ្នាក់ដល់ថ្លើម តែយ៉ាងណាមិញ ក៏មានអាហារ៤ប្រភេទផ្សេងទៀត ដែលជាពិរុទ្ធជនបង្កគ្រោះថ្នាក់ខ្លាងដល់ថ្លើមផងដែរ។

១. គ្រឿងជ្រក់ / ត្រាំ

Screen Shot 2020 12 19 At 2.30.03 PM

ជ្រក់ គឺជាចំណីដ៏ឆ្ងាញ់ ជាពិសេសបើថែមម្ទេសទៀតនោះ រឹតតែវិសេសវិសាល តែយ៉ាងណា ការទទួលទានច្រើន វានឹងបង្កើនបន្ទុកទៅលើថ្លើមខ្លាំង ព្រោះថាពពួកជ្រក់ជាធម្មតាមានជាតិប្រៃខ្ពស់ និងមាននីត្រាតខ្ពស់។ លើសពីនេះ វាក៏អាំចជាប្រភពបាក់តេរី និងអាចបង្កជាតិពុលខ្ពស់ផងដែរ។

២. សាច់អាំង

Screen Shot 2020 12 19 At 2.30.07 PM

សាច់អាំងវាមានរសជាតិឆ្ងាញ់ ប៉ុន្តែវាមិននាំមកនូវអត្ថប្រយោជន៍ដល់សុខភាពច្រើនទេ។ គុណភាពអាហារូបត្ថម្ភនៃម្ហូបនេះមិនខ្ពស់ទេ ដោយសារតែដំណើរការដោយផ្ទាល់លើអណ្តាតភ្លើងក្នុងរយៈពេលយូរ។ សាច់ដែលត្រូវនឹងគ្រឿងទេសដែលដុតនៅលើភ្លើងគឺងាយឆេះណាស់ ហើយវាតែងតែមានផ្សែងហុំព័ទ្ធ នោះហើយជាការផលិតសារធាតុពុលសម្រាប់ថ្លើម។

លើសពីនេះទៀត សាច់អាំងមានខ្លាញ់ អំបិល និងគ្រឿងទេសច្រើនក៏បង្កើតជាបន្ទុកមេតាប៉ូលីសសម្រាប់ថ្លើម និងតម្រងនោមផងដែរ។

៣. អាហារងាយស្រួល


Screen Shot 2020 12 19 At 2.30.11 PM

អាហារកែច្នៃដូចជាសាច់ក្រក ប្រហិតជាដើម ... ទោះបីងាយស្រួលកាត់បន្ថយពេលវេលាចម្អិនអាហារ ប៉ុន្តែមានផលប៉ះពាល់អវិជ្ជមានដល់សុខភាព។

អាហារកែច្នៃជាញឹកញាប់មានផ្ទុកនូវសារធាតុបន្ថែមដើម្បីថែរក្សារសជាតិ និងពន្យារពេលសម្រាប់ថែទាំ។ ថ្លើមគឺជាសរីរាង្គដែលជួយបំលែង និងយកសារធាតុទាំងនេះចេញពីរាងកាយ។ ប្រសិនបើប្រើច្រើនពេកថ្លើមនឹងមិនអាចបំបែក និងបំប្លែងសារធាតុដែលបង្កគ្រោះថ្នាក់បានទាំងស្រុង ដែលបណ្តាលឱ្យវាត្រូវបានរក្សាទុក។ ក្នុងរយៈពេលយូរថ្លើមនឹងចុះខ្សោយមុខងារបង្កឱ្យមានជំងឺថ្លើម។

៤. អាហារមានជាតិខ្លាញ់ច្រើន

Screen Shot 2020 12 19 At 2.30.16 PM

រាងកាយត្រូវការជាតិខ្លាញ់សម្រាប់ថាមពល និងដើម្បីរក្សាមុខងារសរីរវិទ្យាធម្មតា។ ទោះជាយ៉ាងណាក៏ដោយ ប្រសិនបើអ្នកញុំាខ្លាញ់ច្រើនអ្នកនឹងមិនត្រឹមតែឡើងទម្ងន់ និងធាត់ប៉ុណ្ណោះទេ ប៉ុន្តែអ្នកក៏ប្រឈមនឹងជំងឺថ្លើមផងដែរ។

បន្ទាប់ពីញុំាអាហារដែលមានជាតិខ្លាញ់ ការទទួលទានជាតិខ្លាញ់កើនឡើង ហើយថ្លើមនឹងត្រូវខិតខំបន្ថែមទៀត។ ការធ្វើបែបនេះម្តងហើយម្តងទៀតក្នុងរយៈពេលយូរអាចបណ្តាលឱ្យមានបញ្ហាថ្លើមដូចជាជំងឺខ្លាញ់រុំថ្លើម។

ការញុំាខ្លាញ់សត្វច្រើន តែងតែបង្កគ្រោះថ្នាក់ច្រើន ព្រោះសមត្ថភាពបំបែកថ្លើមគឺអាក្រក់ និងមិនល្អនោះឡើយ៕

ប្រភព ៖ Phuntoday / ប្រែសម្រួល ៖ ភី អេក (ក្នុងស្រុក)