ទម្លាប់៦យ៉ាង ដែលអ្នកធ្វើ វាពិតជាបង្កគ្រោះថ្នាក់ និងបំផ្លាញក្រលៀន និងតម្រងនោមរបស់អ្នកយ៉ាងខ្លាំង

• 2021-03-27

ទម្លាប់ទាំងប៉ុន្មានចំណុចដូចខាងក្រោម ដែលអ្នកបានធ្វើជាប់ជាប្រចាំ កំពុងបំផ្លាញថ្លើម និងតម្រងនោមរបស់អ្នកយ៉ាងខ្លាំង សូមប្រយ័ត្ន កុំបន្តធ្វើជាដាច់ខាត។

១. ទម្លាប់ទទួលទានប្រៃ

ទម្លាប់នៃការទទួលទានប្រៃ ធ្វើឱ្យរំខានដល់តុល្យភាពក្នុងឈាម ធ្វើឱ្យក្រលៀនពិបាកដកទឹកចេញពីឈាម។ ជាពិសេសអំបិលក៏ធ្វើឱ្យអ្នកមានក្រួសក្នុងតម្រងនោម ខ្សោយតម្រងនោម ដែលមិនចង់បាន។ ទន្ទឹមនឹងនេះ អំបិលធ្វើឱ្យអ្នកទទួលរងពីជំងឺលើសឈាម ហើយបេះដូងអាចបង្កើតជាកំណកឈាមយ៉ាងងាយ ដែលបណ្តាលឱ្យដាច់សរសៃឈាមខួរក្បាល។

ក្រៅពីនេះនៅពេលដែលអ្នកញុំាអំបិលច្រើន វាងាយស្រួលក្នុងការឡើងទម្ងន់ ព្រោះអំបិលមានសមត្ថភាពរក្សាទឹកនៅក្នុងខ្លួនមនុស្ស។

២. ទប់ទឹកនោមញឹកញាប់

មានមនុស្សជាច្រើនដែលរវល់ណាស់ អ្នកខ្លះ ក៏តែងតែទប់នោម ទាំងដែលឈឺជុះយ៉ាងខ្លាំង តែបែរជាទ្រាំមិនព្រមទៅបន្ទប់ទឹក។ ប៉ុន្តែមានមនុស្សតិចតួចទេ ដែលដឹងថាទឹកនោមទប់កាន់តែយូរ ស្ថិតក្នុងខ្លួនកាន់តែច្រើន បាក់តេរីកាន់តែរីកធំនៅប្លោកនោម។

ប្រសិនបើបាក់តេរីទាំងនេះចូលដល់តម្រងនោម អ្នកនឹងមានបញ្ហាកាន់តែច្រើន។ ដូច្នេះប្រសិនបើអ្នកមានអារម្មណ៍ចង់បត់ជើងតូច ចូររកបង្គន់នៅក្បែរ ដើម្បីដោះស្រាយទុក្ខព្រួយរបស់អ្នកភ្លាមៗ។

៣. ប្រើថ្នាំបំបាត់ការឈឺចាប់

យោងតាមការសិក្សាមួយ នៅក្នុងទស្សនាវដ្តីវេជ្ជសាស្ត្រអង់គ្លេសថ្មីបានចែករំលែកថាការប្រើប្រាស់ថ្នាំបំបាត់ការឈឺចាប់ច្រើន អាចបណ្តាលឱ្យខ្សោយតម្រងនោមធ្ងន់ធ្ងរ។ នេះដោយសារតែថ្នាំបំបាត់ការឈឺចាប់ កាត់បន្ថយលំហូរឈាមទៅកាន់តម្រងនោមបណ្តាលឱ្យប៉ះពាល់ដល់ក្រលៀន។

យោងតាមការសិក្សាថ្មីៗនេះ ដោយសមាគមន៍បេះដូងអាមេរិក ប្រសិនបើមនុស្សប្រើថ្នាំបំបាត់ការឈឺចាប់អស់រយៈពេលជាយូរមកហើយ នោះវានឹងធ្វើឱ្យសម្ពាធឈាមឡើងខ្ពស់ ប៉ះពាល់ដល់បេះដូង និងបណ្តាលឱ្យស្ទះកំណកឈាម មិនល្អសម្រាប់សុខភាពឡើយ។ ដូច្នេះអ្នកមិនគួរទទួលទានថ្នាំបំបាត់ការឈឺចាប់ច្រើនពេកនោះឡើយ កុំឱ្យស្ដាយក្រោយទៅថ្ងៃមុខ។

៤. ជក់បារី

ការជក់បារី បណ្តាលឱ្យមានបញ្ហាសុខភាពខុសៗគ្នាជាច្រើន ដែលមួយក្នុងចំណោមនោះ គឺជំងឺតម្រងនោម។ ជាពិសេសអ្នកជក់បារីមានហានិភ័យខ្ពស់នៃជំងឺតម្រងនោម។ នេះដោយសារតែការជក់បារីច្រើនពេក បង្កើតឱ្យមាន creatinine ដែលបណ្តាលឱ្យខូចតម្រងនោម ទោះបីជាអ្នកមិនកត់សម្គាល់រោគសញ្ញាក៏ដោយ។ លើសពីនេះ ការជក់បារីជាប្រចាំ ក៏នាំឱ្យមានជំងឺរលាកសួត ជំងឺក្រិនថ្លើម លើសឈាម សរសៃឈាមបេះដូងផងដែរ...។

៥. បរិភោគអាហារកែច្នៃច្រើន

យោងទៅតាមអ្នកជំនាញផ្នែកអាហារូបត្ថម្ភ អាហារកែច្នៃមិនត្រឹមតែមានជាតិអំបិលខ្ពស់ប៉ុណ្ណោះទេ ប៉ុន្តែថែមទាំងមានប៉ូតាស្យូម និងផូស្វ័រទៀតផង។ ស្ទើរតែទាំងអស់នេះ មានឥទ្ធិពលអវិជ្ជមានទៅលើសុខភាពតម្រងនោមរបស់អ្នក ដែលងាយនឹងខ្សោយតម្រងនោម។ ដូច្នេះអ្នកគួរតែកំណត់ការបរិភោគអាហារកែច្នៃ។

លើសពីនេះទៀត អាហារកែច្នៃមានប្រេងដែលមានជាតិអ៊ីដ្រូសែន។ ប្រេងអ៊ីដ្រូសែនត្រូវបានគេបង្ហាញថាមិនមានសុវត្ថិភាព និងជាប្រភពនៃខ្លាញ់ ដែលនាំឱ្យធាត់ និងកម្រិតកូឡេស្តេរ៉ុលខ្ពស់ដែលជាហេតុនាំឱ្យមានការវិវត្តនៃបញ្ហាបេះដូង។ ជីពចរ ឬទឹកនោមផ្អែមមិនល្អសម្រាប់សុខភាពទេ។

៦. ភេសជ្ជៈដែលមានជាតិកាហ្វេអ៊ីន

ទម្លាប់នៃការផឹកកាហ្វេ និងតែជាប្រចាំ នឹងធ្វើឱ្យថ្លើម និងតម្រងនោមរបស់អ្នកកាន់តែឈឺចាប់។ ធាតុមាននៅក្នុងភេសជ្ជៈដែលមានជាតិកាហ្វេអ៊ីន ដែលបង្កគ្រោះថ្នាក់ខ្លាំងដល់សុខភាពតម្រងនោម។

ចូរព្យាយាមផឹកទឹកឱ្យបានច្រើនតាមដែលអាចធ្វើទៅបាន ដើម្បីរក្សាតុល្យភាពនៃការទទួលទានជាតិកាហ្វេអ៊ីន។ ប្រសិនបើអ្នកផឹកកាហ្វេច្រើនពេក វាមានគ្រោះថ្នាក់ ប្រសិនបើអ្នកមានអារម្មណ៍ថាបេះដូងរបស់អ្នកលោតលឿន និងវិលមុខ ក្អួតចង្អោរ។

ទន្ទឹមនឹងនេះ រោគសញ្ញានៃចង្វាក់បេះដូងលោតលឿន ក៏អាចបណ្តាលឱ្យមានជំងឺដាច់សរសៃឈាមខួរក្បាលដ៏គ្រោះថ្នាក់ផងដែរ៕

ប្រភព ៖ Phunutoday / ប្រែសម្រួល ៖ Knongsrok