ទម្លាប់ទាំង៦នេះ នឹងជួយឱ្យអ្នកមានសុខភាពល្អ និងអាយុវែង ពោរពេញដោយភាពរីករាយក្នុងជីវិត

ទម្លាប់មួយចំនួនខាងក្រោមនេះ បើអ្នកធ្វើជាទៀងទាត់ វានឹងជួយធ្វើឱ្យប្រសើរឡើងនូវបញ្ហាសុខភាព ប្រយុទ្ធប្រឆាំងនឹងភាពចាស់ និងអាយុវែង។

១. ញុំាឱ្យបានគ្រប់គ្រាន់

ការញុំាច្រើនពេក អាចបង្កើនហានិភ័យនៃជំងឺរ៉ាំរ៉ៃដូចជា ជំងឺបេះដូង និងទឹកនោមផ្អែម ដោយហេតុនេះវានឹងអាចកាត់បន្ថយអាយុជីវិតរបស់អ្នក។ ដើម្បីរស់នៅបានយូរ និងមានសុខភាពល្អ អ្នកគួរតែធ្វើតាមរបបអាហារដែលមានតុល្យភាពជាមួយនឹងក្រុមអាហារ និងសារធាតុចិញ្ចឹមទាំងអស់។

យោងទៅលើរបបអាហារ ៤-៥ ដងនៃបន្លែបៃតង និងផ្លែឈើក្នុងមួយថ្ងៃប្រហែល ១៧០ ក្រាមនៃគ្រាប់ធញ្ញជាតិ ទឹកដោះគោ ៣ កែវ និងប្រូតេអ៊ីន ១៤០ ក្រាម។

២. អានសៀវភៅ ទស្សនាវដ្តី ... មុនពេលចូលគេង

Screen Shot 2021 05 01 At 4.27.07 PM

មុនពេលចូលគេង សូមបិទឧបករណ៍អេឡិចត្រូនិចចោលឱ្យអស់។ ផ្ទុយទៅវិញ ការអានទស្សនាវដ្តី ឬសៀវភៅប្រហែល ១៥ នាទី នឹងជួយឱ្យអ្នកមានអារម្មណ៍ធូរស្បើយ និងងាយគេងលក់ស្រួល។ អ្នកវិទ្យាសាស្ត្រមកពីសាកលវិទ្យាល័យខនលែល (សហរដ្ឋអាមេរិក) បាននិយាយថា ការអាន និងចូលគេងអាចជួយឱ្យអ្នកគេងលក់បានទ្វេដង និងគេងបានស្រួលក្នុងរយៈពេល ៧ ទៅ ៨ ម៉ោង។

ក្នុងអំឡុងពេលគេង ហ្សែនប្រឆាំងភាពចាស់ គឺសកម្មបំផុត ដូច្នេះការគេងលក់ស្កប់ស្កល់ អាចជួយកាត់បន្ថយហានិភ័យនៃជំងឺបេះដូង ដាច់សរសៃឈាមខួរក្បាល និងទឹកនោមផ្អែមបាន ៤៥ %។ មិនត្រឹមតែប៉ុណ្ណឹងទេ វាក៏អាចជួយឱ្យអ្នកឆាប់ជាសះស្បើយពីជំងឺ និងរបួសបានលឿនជាងមុន ៥០ % ផងដែរ។

៣. គេងឱ្យបានគ្រប់គ្រាន់

មនុស្សភាគច្រើនដឹងថា យើងត្រូវការគេងយ៉ាងហោចណាស់ ៧ ម៉ោងក្នុងមួយយប់។ ទោះជាយ៉ាងណាក៏ដោយ មិនមែនមនុស្សគ្រប់គ្នាដឹងទេថា ការគេងមិនគ្រប់គ្រាន់អាចបង្កើនហានិភ័យនៃការធាត់ ជំងឺបេះដូង ទឹកនោមផ្អែម។ ការគេងឱ្យបានគ្រប់គ្រាន់ ជួយឱ្យការចងចាំប្រសើរឡើង ធ្វើឱ្យរាងកាយមានភាពប្រសើរឡើងវិញ។

ក្នុងអំឡុងពេលគេង រាងកាយក៏ជួយលាក់អ័រម៉ូនលូតលាស់ ដែលជួយរក្សាទុក collagen, elastin - សមាសធាតុដែលធ្វើឱ្យស្បែកមានសុខភាពល្អ និងស្រស់ស្អាត។ កង្វះដំណេករ៉ាំរ៉ៃ បង្កើនភាពចាស់ និងប៉ះពាល់ដល់មុខងារខួរក្បាលយ៉ាងខ្លាំង។


៤. ផឹក​តែ

Screen Shot 2021 05 01 At 4.27.15 PM

អ្នកស្រាវជ្រាវនៃគ្លីនិក Cleveland (សហរដ្ឋអាមេរិក) បាននិយាយថា ការផឹកតែបៃតងអាចកាត់បន្ថយហានិភ័យនៃជំងឺទឹកនោមផ្អែម សម្ពាធឈាម ជំងឺបេះដូង ជំងឺវង្វេងវង្វាន់បាន ៥០% ហើយថែមទាំងអាចបង្កើនអាយុកាលបាន ៤ ឆ្នាំទៀតផង។

តែបៃតងមានផ្ទុកសារជាតិ flavonoid ដែលជួយការពារការកកើតបន្ទះនៅក្នុងសរសៃឈាម។ លើសពីនេះ សារជាតិ flavonoids ជួយពង្រឹង និងព្យាបាលកោសិកាបេតា ផលិតអាំងស៊ុយលីននៅក្នុងលំពែង។ សារធាតុនេះក៏ជួយកាត់បន្ថយហានិភ័យ ៥០% នៃការវិវត្តទៅជាស្នាមជ្រីវជ្រួញមុនអាយុ។

៥. បន្ថែមវីតាមីន​D និងរមៀតទៅក្នុងរបបអាហាររបស់អ្នក

អ្នកស្រាវជ្រាវជនជាតិកាណាដាបាននិយាយថា ២០០០ IU វីតាមីន D3 និងរមៀត ៥០០ មីលីក្រាមក្នុងមួយថ្ងៃ មានសមត្ថភាពពន្យារអាយុបានដល់ទៅ ៩ ឆ្នាំឯណោះ។ មូលហេតុគឺថា វីតាមីន D3 មានឥទ្ធិពលធ្វើឱ្យសកម្មហ្សែនលើកកម្ពស់សុខភាពជាង ២០០០ នៅក្នុងខ្លួន។

ទន្ទឹមនឹងនេះ សមាសធាតុ curcumin នៃរមៀតជួយកាត់បន្ថយការរលាកដែលបណ្តាលមកពីភាពចាស់នៅក្នុងខ្លួន ជួយជម្រុញការជួសជុល និងជំនួសសរសៃប្រសាទចាស់ជរា សាច់ដុំ និងជាលិកាឆ្អឹង។

៦. ហាត់ប្រាណ

ការធ្វើលំហាត់ប្រាណ ៣០ នាទីក្នុងមួយថ្ងៃ ធ្វើឱ្យអ្នកមានសុខភាពល្អ និងរហ័សរហួន ខណៈពេលដែលកាត់បន្ថយហានិភ័យនៃភាពចាស់មុនអាយុដល់ទៅ ៣០% ។

ចលនានៃសាច់ដុំជួយធ្វើឱ្យខួរក្បាល ធ្វើឱ្យអ័រម៉ូនHGH ដែលធ្វើឱ្យស្បែក សួត សាច់ដុំ ឆ្អឹង និងជាលិកាដទៃទៀតដំណើរការឡើងវិញ។ អ្នកមិនចាំបាច់ហាត់ប្រាណខ្លាំងពេកទេ ប៉ុន្តែគ្រាន់តែចូលរួមសកម្មភាពស្រាល ៗ ដូចជាដើរ ហាត់យូហ្គា ឬឡើងជណ្តើរក៏ជាការហាត់ប្រាណមួយបែបផងដែរ៕

ប្រភព ៖ Phunutoday / ប្រែសម្រួល ៖ Knongsrok