ព្រោះតែទម្លាប់ទាំង៣ហ្នឹង ទោះខំប្រឹងសម្រកទម្ងន់យ៉ាងណា ក៏មិនស្រកដែរ
មនុស្សជាច្រើនគិតថា ការញុំាតិចអាចសម្រកទម្ងន់បាន ប៉ុន្តែប្រសិនបើអ្នកចម្អិនម្ហូបខុសក្បួន នោះជាតិខ្លាញ់នៅតែអាចលេចឡើង ធ្វើឱ្យអ្នកឡើងទម្ងន់បានដដែល។
ស្ត្រីមួយចំនួននឹងនៅតែឡើងខ្លាញ់ក្បាលពោះ និងឡើងទម្ងន់ បើទោះបីជាពួកគេញុំាតិចក៏ដោយ ព្រោះអ្នកបានធ្វើខុសដោយវិធីទាំង ៣ នេះ ដោយមិនដឹងខ្លួននៅក្នុងរបបអាហាររបស់អ្នក។
១. ប្រសិនបើចម្អិនខុសវិធី ទោះបីបន្លែបៃតងក៏អាចបណ្តាលឱ្យធាត់បានដែរ
មានអាហារជាច្រើនដែលត្រូវបានណែនាំ ដែលត្រូវការកែច្នៃឱ្យបានត្រឹមត្រូវ ដើម្បីលើកកម្ពស់អាហារូបត្ថម្ភ។ ដោយសារតែមិនថាអាហារមានសុខភាពល្អប៉ុនណាទេ វាជារឿងធម្មតាដែលចម្អិនខុស ហើយនៅតែធ្វើឱ្យវាធាត់។ ភស្តុតាងគឺថាបន្លែដែលមានជាតិសរសៃខ្ពស់ គឺល្អសម្រាប់សុខភាព ប៉ុន្តែប្រសិនបើអ្នកញុំាតែបន្លែចៀន ឆា នោះជាតិខ្លាញ់ដែលនៅជាប់នឹងបន្លែនឹងបណ្តាលឱ្យធាត់ និងបង្កើនកាឡូរីផងដែរ។
អាហារខ្លះទៀតដូចជាទ្រូងមាន់មានប្រូតេអ៊ីនខ្ពស់ និងខ្លាញ់ទាប ប៉ុន្តែទឹកជ្រលក់ផ្អែម និងជូរ ទ្រូងមាន់ចៀន សាច់មាន់ចៀន ... ដូច្នេះទ្រូងមាន់របស់អ្នក នឹងក្លាយជាអាហារដែលមានជាតិខ្លាញ់ច្រើន។ ការសម្រកទម្ងន់ជាមួយទ្រូងមាន់ហើយនៅតែធាត់ គឺបណ្តាលមកពីមូលហេតុនេះ។
អ្នកជំនាញផ្នែកអាហាររូបត្ថម្ភបាននិយាយថា អ្នកគួរតែចូលចិត្តញុំាអាហារស្ងោរ ប្រសិនបើអ្នកកំពុងសម្រកទម្ងន់ ឬអ្នកអាចចៀនដោយមិនប្រើប្រេង ... ត្រូវប្រាកដថាចម្អិនជាមួយប្រេងតិចខ្លាញ់តិច និងគ្រឿងទេសតិច តាមដែលអាចធ្វើទៅបាន ដោយសង្ឃឹមថានឹងមានរាងស្លីម និងទន់ភ្លន់នៅថ្ងៃណាមួយ។
២. ញុំាផ្លែឈើច្រើនពេកជាពិសេសរបស់ផ្អែម
មនុស្សមួយចំនួនគិតថាការញុំាផ្លែឈើគឺល្អចំពោះសុខភាព ប៉ុន្តែនោះមិនមែនជាការពិតសម្រាប់មនុស្សគ្រប់រូបនោះទេ។ ផ្លែឈើមានច្រើនប្រភេទ ដែលមានជាតិស្ករខ្ពស់ ការញុំាច្រើនមិនធ្វើឱ្យស្រកទម្ងន់ទេ តែថែមទាំងរក្សាជាតិខ្លាញ់ធ្វើឱ្យរាងកាន់តែមូលថែមទៀតផង។ ឧទាហរណ៍! ប្រសិនបើអ្នកញុំាចេកមួយផ្លែ ឪឡឹកពីរបីចំណិតនៅពេលរសៀល និងផ្លែស្រកានាគនៅពេលល្ងាច ការទទួលទានជាតិស្កររបស់អ្នកនឹងកើនឡើងទ្វេដង។
យកល្អគួរតែកែតម្រូវបរិមាណផ្លែឈើដែលអ្នកទទួលទានជារៀងរាល់ថ្ងៃ។ ចៀសវាងផ្លែឈើដែលមានជាតិស្ករខ្ពស់ដូចជា ខ្នុរ ផ្លែស្វាយជាដើម ...។ ក្នុងអំឡុងពេលសម្រកទម្ងន់ អ្នកគួរតែញុំាផ្លែឈើដែលមានរសជាតិសាបល្មមដូចជា ផ្លែល្ហុង ក្រូចថ្លុងដើម្បីទ្រទ្រង់ការសម្រកទម្ងន់ឱ្យបានលឿនតាមដែលអាចធ្វើទៅបាន។
៣. ញុំាបាយ តែញុំាចំណីផ្សេងៗជាហូរហែ
នៅពេលសម្រកទម្ងន់ មនុស្សភាគច្រើននឹងកាត់បន្ថយការញុំាអាហារដូចជា បាយ គុយទាវ ហើយព្យាយាមញុំាបន្លែច្រើន។ បន្ថែមពីលើម្សៅនៅក្នុងបាយស ពោតដំឡូង ឬគ្រាប់ធញ្ញជាតិ ... និងមានអាហារខ្លះទៀតដែលមានផ្ទុកនូវម្សៅផងដែរ។
ឧទាហរណ៍! ប្រសិនបើអ្នកចម្អិនស៊ុបមាន់ ឆ្អឹង ឬជើងជ្រូកចំហុយជាមួយដំឡូងចៀនជាមួយបាយ ... នោះរាល់ការសម្រកទម្ងន់របស់អ្នកនឹងខ្ជះខ្ជាយ។ ថ្វីដ្បិតតែអ្នកញុំាបាយតិច ប៉ុន្តែនៅតែញុំាផ្នែកផ្សេងបែបនេះ បរិមាណម្សៅគឺច្រើនជាងការញុំាបាយមួយចានធម្មតាទៅទៀត៕
ប្រភព ៖ Phunutoday / Knongsrok
Recent News
