កុំបោះចោល! ទឹកដោះគោ ទោះផុតកំណត់ ក៏នៅមានប្រយោជន៍ ៨យ៉ាងនេះដែរ
ទឹកដោះគោដែលផុតកំណត់ ក៏មានអត្ថប្រយោជន៍ដ៏អស្ចារ្យជាច្រើនដែរ។ ទាញយកប្រយោជន៍ពីពួកវា ដើម្បីចៀសវាងការខ្ជះខ្ជាយ ដោយការបោះចោល។
១. លាងមុខ
ទឹកដោះគោមានសារធាតុចិញ្ចឹមជាច្រើន ដែលចិញ្ចឹមស្បែក។ ការប្រើទឹកដោះគោដើម្បីលាងមុខ គឺជាវិធីដ៏មានប្រសិទ្ធភាពក្នុងការថែរក្សាស្បែករបស់អ្នក។ អ្នកអាចប្រើទឹកដោះគោដែលផុតកំណត់ដើម្បីលាងមុខរបស់អ្នកជារៀងរាល់ថ្ងៃ។ ទឹកដោះគោជូរដែលផុតកំណត់ ក៏អាចប្រើជាម៉ាសបិទមុខបានដែរ។ អាស៊ីតឡាក់ទិកនៅក្នុងយ៉ាអួ មានប្រសិទ្ធិភាពជម្រុះកោសិកាងាប់ ធ្វើឱ្យស្បែកតឹងណែន និងរលោងជាងមុន។
២. ងូតទឹក
ដូចដែលបានរៀបរាប់ខាងលើ ទឹកដោះគោមានឥទ្ធិពលល្អលើស្បែក។ បន្ថែមពីលើការលាងមុខ អ្នកក៏អាចប្រើទឹកដោះគោដែលផុតកំណត់លាយជាមួយទឹកងូត ធ្វើឱ្យស្បែករបស់អ្នករលោង និងភ្លឺជាងមុន។
៣. ធ្វើចំណីសត្វ
ទឹកដោះគោដែលផុតកំណត់ អាចត្រូវបានប្រើជាចំណីសត្វ។ ទឹកដោះគោមានកាល់ស្យូម និងប្រូតេអ៊ីនច្រើន ដែលល្អសម្រាប់សត្វចិញ្ចឹម។ នៅពេលដែលទឹកដោះគោថ្មីអស់រយៈពេលពីរបីថ្ងៃ ហើយមិនមានរសជាតិផ្លាស់ប្តូរ អ្នកអាចផ្តល់ឱ្យឆ្កែ និងឆ្មាផឹកបាន មិនអីទេ។
៤. ស្រោចទឹកដើមឈើ
ទឹកដោះគោមានសារធាតុចិញ្ចឹមជាច្រើន ដូច្នេះអ្នកអាចប្រើវាដើម្បីស្រោចរុក្ខជាតិរបស់អ្នក។ នៅពេលអ្នកឃើញទឹកដោះគោផុតកំណត់ កុំប្រញាប់បោះវាចោលអី។ រក្សាទុក និងស្រោចទឹករុក្ខជាតិនៅក្នុងសួនច្បារ ល្អដល់ដំណាំរបស់អ្នក។
៥. អាចលាងស្នាមពណ៌ដែលប្រឡាក់លើសម្លៀកបំពាក់
ទឹកដោះគោមានសមត្ថភាពសម្អាតស្នាមប្រឡាក់លើសម្លៀកបំពាក់។ នៅពេលសម្លៀកបំពាក់មានស្នាមប្រឡាក់ដោយទឹកថ្នាំ អ្នកគ្រាន់តែត្រូវការលាងសម្អាតវាជាមួយទឹក បន្ទាប់មកចាក់ទឹកដោះគោលើកន្លែងកខ្វក់ ហើយជូតវាថ្នមៗ។ ស្នាមប្រឡាក់ទឹកថ្នាំនឹងរលាយបាត់យ៉ាងឆាប់រហ័ស។ ចំពោះស្នាមប្រឡាក់ទឹកខ្មៅ ដែលច្រើនជាងនេះ អ្នកអាចត្រាំសម្លៀកបំពាក់ក្នុងទឹកដោះគោមួយយប់ ហើយលាងវានៅព្រឹកបន្ទាប់។
៦. ប៉ូលាផលិតផលស្បែក
កាបូបដែលសម្បូរទៅដោយស្បែក ខ្សែក្រវ៉ាត់ដែលបានប្រើជាយូរមកហើយ នឹងមានសភាពស្រអាប់ មានស្នាម ហើយស្បែកនឹងលែងមានពន្លឺចែងចាំងស្រស់ស្អាតទៀត។ អ្នកអាចប្រើទឹកដោះគោដែលផុតកំណត់ដើម្បីដុសខាត់ផលិតផលស្បែកឡើងវិញបាន។
ដំបូងអ្នកត្រូវប្រើកន្សែងជូតសម្អាតស្នាមប្រឡាក់លើស្បែក។ បន្ទាប់មកប្រើកន្សែងទន់ ដើម្បីផ្ដិតទឹកដោះគោ ហើយលាបវារាបស្មើលើស្បែក។ ទុកទឹកដោះគោឱ្យស្ងួត។ ជូតជាមួយក្រណាត់សើមម្តងទៀត។ លទ្ធផលប្រាកដជាធ្វើឱ្យអ្នកភ្ញាក់ផ្អើល។
៧. លាងប្រាក់
វត្ថុប្រាក់ដែលមានអាយុកាលយូរអង្វែង មានភាពងាយស្រួលក្នុងការធ្វើឱ្យប្រឡាក់ ឬច្រែះ អ្នកអាចត្រាំវានៅក្នុងទឹកដោះគោដែលផុតកំណត់ ជាមួយទឹកខ្មេះ ឬក្រូចឆ្មាបន្តិចដើម្បីបង្កើនជាតិអាស៊ីត។ បន្ទាប់ពីត្រាំរួច សូមលាងសម្អាតរបស់របរដោយទឹកស្អាតហើយអ្នករួចរាល់ហើយ។
៨. សម្អាតគ្រឿងសង្ហារឹមឈើ
ការប្រើកន្សែងដែលត្រាំទឹកដោះគោ ហើយបន្ទាប់មកជូតប្រដាប់ធ្វើពីឈើ និងថ្មកែវនឹងជួយស្តារពន្លឺចែងចាំងឡើងវិញ។ សម្រាប់កម្រាលឥដ្ឋ អ្នកអាចលាយទឹកដោះគោដែលផុតកំណត់ជាមួយទឹក ហើយបន្ទាប់មកប្រោះវានៅជុំវិញកម្រាលឥដ្ឋ ហើយទុកវាចោលពីរបីនាទី។ ចុងក្រោយប្រើក្រណាត់សើមជូតវាម្តងទៀត កម្រាលឥដ្ឋនឹងស្អាតភ្លឺឡើងវិញ៕
ប្រភព ៖ Phunututoday / Knongsrok
Recent News
