ប៉ុន្មានក្បាច់នេះ! ជួយស្រីៗជាពិសេស ឱ្យមានសម្រស់ស្រស់ស្អាត សាច់ភ្លឺរលោងចែងចាំង
ជាមួយនឹងអាយុ សម្រស់ និងសុខភាពរបស់ស្ត្រី ប្រាកដជាធ្លាក់ចុះជាបន្តបន្ទាប់។ ប៉ុន្តែប្រសិនបើអ្នករក្សាទម្លាប់ទាំងនេះបាន អ្នកអាចបញ្ច្រាសសញ្ញានៃភាពចាស់បានដោយងាយ។ ខាងក្រោមនេះ ជារូបមន្តពិសេសទាំង៥ ដែលជួយឱ្យស្ត្រីទទួលបានរូបសម្រស់ស្រស់ស្អាត នៅតែក្មេងជាវ័យ គ្មានក្ដីបារម្ភពីបញ្ហាចាស់ ជ្រីវជ្រួញទៀតហើយ។
១. ធ្វើលំហាត់ប្រាណ ៤០ នាទីក្នុងមួយថ្ងៃ
ដើម្បីទទួលបានរាងស្លីម ស្អាត និងក្មេងជាងវ័យ អ្នកត្រូវដាក់កម្រិត ហាត់ប្រាាណយ៉ាងហោចណាស់ក៏ ៤០ នាទីក្នុងមួយថ្ងៃ។
ដំណើរការនៃការធ្វើលំហាត់ប្រាណ នឹងជួយធ្វើឱ្យប្រសើរឡើងនូវចរន្តឈាម ផ្តល់អុកស៊ីសែន និងសារធាតុចិញ្ចឹមដែលត្រូវការ ដើម្បីចិញ្ចឹមស្បែក ធ្វើឱ្យស្បែករលោងមានស្នាមក្រហម។ ក្រៅពីនេះ ការធ្វើលំហាត់ប្រាណ ក៏ជួយឱ្យរបួសឆាប់ជាសះស្បើយផងដែរ។ វាក៏ការពារជំងឺទាក់ទងនឹងការលើសទម្ងន់ និងធាត់ផងដែរ។
សកម្មភាពរាងកាយ ជួយដុតកាឡូរីលើសក្នុងរាងកាយ។ គាំទ្រ និងកែលម្អរាងកាយក៏ដូចជាបន្ថយដំណើរការចាស់។
២. ផឹកទឹកឱ្យបានគ្រប់គ្រាន់ជារៀងរាល់ថ្ងៃ
រាងកាយដែលមានជាតិទឹកគ្រប់គ្រាន់ នឹងបង្កើនសមត្ថភាពស្រូបយកកោសិកាស្បែក ពង្រីករន្ធញើស ជួយសម្រួលដល់ការរំលាយអាហារ និងសម្អាតកាកសំណល់ដែលរួមចំណែកដល់ការសម្អាតស្បែក។
ប្រសិនបើរាងកាយខ្វះជាតិទឹក អត្រាអុកស៊ីតកម្មរបស់កោសិកា នឹងលឿនជាងមុនពន្លឿនដំណើរការនៃភាពចាស់ ហើយនឹងបណ្តាលឱ្យស្នាមជ្រួញលេចឡើងយ៉ាងឆាប់រហ័ស ធ្វើឱ្យស្បែកគ្រើម ជ្រីវជ្រួញ។
៣. លាបឡេការពារកម្តៅថ្ងៃ
ឡេការពារកម្តៅថ្ងៃ ជួយការពារប្រូតេអ៊ីនស្បែកសំខាន់ៗរួមទាំងខូឡាជេន។ ប្រូតេអ៊ីនទាំងនេះ ជួយរក្សាស្បែកឱ្យរលោង និងការពារការបង្កើតកោសិកាមហារីក។ ឡេការពារកម្តៅថ្ងៃ នឹងជួយការពារ និងទប់ស្កាត់ផលប៉ះពាល់នៃកាំរស្មីយូវី ការពារភាពចាស់នៃស្បែក ជួយឱ្យស្បែកក្មេងជាងវ័យ និងពេញមួយជីវិត។
ស្ត្រីគួរបង្កើតទម្លាប់លាបឡេការពារកម្តៅថ្ងៃជារៀងរាល់ថ្ងៃ នៅរដូវទាំងបួន គឺនិទាឃរដូវរ ដូវក្តៅ រដូវស្លឹកឈើជ្រុះ និងរដូវរងា។ លាបវា ២០-៣០ នាទីមុនពេលចេញក្រៅហើយលាបម្តងរៀងរាល់ ២-៣ ម៉ោងម្តង។
៤. កុំញុំាខ្លាញ់ច្រើន
ផ្ទុកជាតិខ្លាញ់ច្រើនពេក ប៉ុន្តែរាងកាយមិនដុតបំផ្លាញទាំងអស់ដោយងាយ បណ្តាលឱ្យជាតិខ្លាញ់លើស ប្រមូលផ្តុំនៅផ្នែកខ្លះនៃរាងកាយ ធ្វើឱ្យរាងកាយឡើងទម្ងន់។ លើសពីនេះ ជាតិខ្លាញ់ក៏ជាមូលហេតុមួយដែលធ្វើឱ្យខូឡាជែនខូចនៅក្នុងស្បែក ដែលជាមូលហេតុនៃស្នាមជ្រីវជ្រួញនៅលើស្បែក ធ្វើឱ្យស្ត្រីចាស់ជាងអាយុពិតរបស់ពួកគេ។
៥. គ្រប់គ្រងអារម្មណ៍ និងរក្សាភាពស្ងប់ស្ងាត់បានល្អ
មនុស្សដែលមានអារម្មណ៍ និងអាកប្បកិរិយាវិជ្ជមានក្នុងជីវិត មានទំនោរមានជំងឺតិចជាងអ្នកដែលតែងតែមានអារម្មណ៍មិនល្អ។ នៅពេលអ្នករៀនពីរបៀបគ្រប់គ្រងអារម្មណ៍របស់អ្នក អ្នកនឹងអាចទប់ទល់នឹងស្ត្រេស សម្ពាធ និងបញ្ហាដែលធ្វើឱ្យជីវិត និងការងាររបស់អ្នករអាក់រអួល៕
ប្រភព ៖ Phunutoday / Knongsrok
Recent News
