គ្រោះថ្នាក់ណាស់! អ្នកចូលចិត្តញុំាមី គួរតែបញ្ឈប់ជាបន្ទាន់
មីកញ្ចប់អាចជាអាហារដែលងាយស្រួលក្នុងការធ្វើ រហ័ស និងមានរសជាតិឆ្ងាញ់ ដូច្នេះវាត្រូវបានមនុស្សជាច្រើនចូលចិត្ត។ ទោះយ៉ាងណាក៏ដោយ ប្រសិនបើញុំាយូរ វាអាចបង្កគ្រោះថ្នាក់ច្រើនដល់សុខភាព។
អ្នកជំនាញផ្នែកអាហារូបត្ថម្ភបាននិយាយថា គ្រឿងផ្សំសំខាន់នៃមីកញ្ចប់ គឺកាបូអ៊ីដ្រាត។ ប្រសិនបើអ្នកញុំាមីកញ្ចប់ច្រើន វានឹងនាំឱ្យខ្វះសារធាតុចិញ្ចឹមសំខាន់ ៥ ផ្សេងទៀត គឺប្រូតេអ៊ីន ខ្លាញ់ សារធាតុរ៉ែ វីតាមីន និងទឹក។ វាធ្វើឱ្យរាងកាយអស់កម្លាំងយ៉ាងងាយ បង្កឱ្យមានជំងឺផ្សេងៗ។
ការទទួលទានមីកញ្ចប់ច្រើនជាង ៣ ដងក្នុងមួយសប្តាហ៍ បង្កើនហានិភ័យនៃជំងឺទឹកនោមផ្អែម និងជំងឺបេះដូង។ លើសពីនេះ ការញុំាមីកញ្ចប់ជាប្រចាំ ក៏បណ្តាលឱ្យរាងកាយជួបប្រទះបញ្ហាដូចខាងក្រោមនេះដែរ។
១. បង្កើតបន្ទុកលើក្រពះ ប្រព័ន្ធរំលាយអាហារ
មីកញ្ចប់ គឺជាអាហារដែលមិនអាចរំលាយបាន ដែលបង្កើបន្ទុកខ្លាំងបំផុតលើក្រពះ។ មីកញ្ចប់ត្រូវបានសម្ងួតជាចម្បង និងមានលាយជាមួយនឹងប្រេងជាច្រើន លើសពីនេះទៅទៀត មីកញ្ចប់ក៏មានរសជាតិ និងការបន្ថែមជាច្រើនដែរ ការញុំាញឹកញាប់ពេកមិនត្រឹមតែជួយកាត់បន្ថយរសជាតិប៉ុណ្ណោះទេ ថែមទាំងអាចដាក់សម្ពាធលើក្រពះក្នុងការរំលាយអាហារទូទៅទៀតផង។
ការទទួលទានមីកញ្ចប់ច្រើនពេក ក៏អាចបណ្តាលឱ្យក្រពះមិនដំណើរការដែលបណ្តាលឱ្យមានរោគសញ្ញាដូចជាហើមពោះ ឈឺក្រពះ-ល-។
២. បណ្តាលឱ្យធាត់ លើសទម្ងន់
ការញុំាមីកញ្ចប់ច្រើនពេក ធ្វើឱ្យរាងកាយផ្ទុកកាបូអ៊ីដ្រាត និងខ្លាញ់ច្រើនពេក នាំឱ្យខ្លាញ់ និងមាតិកាកាឡូរីខ្ពស់។ ម្យ៉ាងទៀតវាបណ្តាលឱ្យធាត់ និងបង្កើនហានិភ័យនៃជំងឺទាក់ទងនឹងការធាត់ដូចជា កូលេស្តេរ៉ុលខ្ពស់ ទឹកនោមផ្អែម ជំងឺបេះដូង-ល-។ រោគសញ្ញាដែលគួរឱ្យកត់សម្គាល់បំផុត គឺវិលមុខអស់កម្លាំងញ័រទ្រូង-ល-។
៣. ពន្លឿនដំណើរការចាស់
ខ្លាញ់នៅក្នុងមីកញ្ចប់ទាំងអស់ ជាធម្មតាសុទ្ធតែបន្ថែមសារធាតុប្រឆាំងអុកស៊ីតកម្ម ប៉ុន្តែវាគ្រាន់តែបន្ថយល្បឿនអុកស៊ីតកម្ម ពន្យារពេលក្នុងការបំប្លែងក្លិនមីកញ្ចប់ប៉ុណ្ណោះ។ ការទទួលទានសារធាតុប្រឆាំងអុកស៊ីតកម្មច្រើនពេក នឹងជះឥទ្ធិពលអាក្រក់ដល់ប្រព័ន្ធ endocrine និងជម្រុញភាពចាស់។
៤. ខូចតម្រងនោម បង្កឱ្យមានក្រួសក្នុងតម្រងនោម
មីកញ្ចប់ជាញឹកញាប់មានអំបិលច្រើន។ ការទទួលទានអាហារដែលមានជាតិអំបិលច្រើន ធ្វើឱ្យខូចតម្រងនោមដោយអចេតនា សូម្បីតែការទទួលទានច្រើនអាចបណ្តាលឱ្យកើតក្រួសក្នុងតម្រងនោម។
ក្រៅពីនេះ មីកញ្ចប់ក៏មានផូស្វាតច្រើន ដែលជាសារធាតុជួយបង្កើនរសជាតិអាហារ។ ការទទួលទានច្រើន អាចបណ្តាលឱ្យពុកឆ្អឹង បាត់បង់ឆ្អឹង និងធ្មេញខ្សោយ។
៥. បណ្តាលឱ្យមានជំងឺទឹកនោមផ្អែម ជំងឺបេះដូង
ការញុំាមីកញ្ចប់ជាប្រចាំ ក៏បង្កើនហានិភ័យនៃជំងឺដាច់សរសៃឈាមក្នុងខួរក្បាល ជំងឺលើសសម្ពាធឈាមផងដែរ។ មូលហេតុ គឺដោយសារតែមីកញ្ចប់មានជាតិខ្លាញ់ឆ្អែតខ្ពស់។
៦. មហារីក
គ្រឿងផ្សំបន្ថែមដូចជា ពណ៌អាហារ អំបិល ខ្លាញ់ឆ្អែត-ល-។ នៅក្នុងមីកញ្ចប់អាចបណ្តាលឱ្យទល់លាមក ប្រសិនបើញុំាច្រើន។ លាមកនៅក្នុងពោះវៀនធំយូរអាចនាំឱ្យកើតមហារីករន្ធគូថយ៉ាងងាយស្រួល។
៧. ធ្វើឱ្យក្ដៅក្នុង
មីកញ្ចប់ជាធម្មតាត្រូវបានចម្អិនជាមួយប្រេងក្តៅនៅសីតុណ្ហភាពខ្ពស់ ដើម្បីឱ្យមានសាច់ក្រាស់ និងមានរសជាតិឈ្ងុយឆ្ងាញ់។ ដូច្នេះបន្ទាប់ពីញុំាមីកញ្ចប់ យើងច្រើនតែមានអារម្មណ៍ស្រេកទឹក និងស្ងួតមាត់។ វេជ្ជបណ្ឌិតក៏បានណែនាំផងដែរថា ការទទួលទានមីកញ្ចប់ជាប្រចាំ នឹងបណ្តាលឱ្យមានអារម្មណ៍ក្តៅក្នុងខ្លួន ឡើងកម្ដៅក្នុងមាត់ និងកើតមុន។
៨. ដើម្បីកាត់បន្ថយផលប៉ះពាល់អាក្រក់នៃមីកញ្ចប់ អ្នកគួរតែញុំាមីកញ្ចប់ក្នុងកម្រិតឱ្យបានត្រឹមត្រូវ ៖
- ញុំាមីកញ្ចប់ជាមួយបន្លែ សាច់ ស៊ុតគ្រឿងសមុទ្រ -ល-។
- ស្រុះទឹកចេញមួយដងសិន ញុំាចាំ។
- ប្រើគ្រឿងទេសតែពាក់កណ្ដាលបានហើយ។
- ញុំាមី តែកុំហុតទឹកអី។
- បន្ទាប់ពីញុំាមីកញ្ចប់រួច អ្នកគួរតែញុំាផ្លែឈើឱ្យបានច្រើន ហើយផឹកទឹកឱ្យបានច្រើន៕
ប្រភព ៖ Phunutoday / Knongsrok
Recent News
