រូបមន្តពិសេសទាំង៣ ពីគ្រឿងផ្សំទឹកឃ្មុំ ជួយថែរក្សាសម្រស់ ទៅតាមប្រភេទស្បែកមុខផ្សេងៗគ្នា

ទឹកឃ្មុំមិនត្រឹមតែមានអត្ថប្រយោជន៍ចំពោះសុខភាពប៉ុណ្ណោះទេ តែវាថែមទាំងមានគុណប្រយោជន៍ដ៏លើសលប់ សម្រាប់ជួយអ្នកក្នុងការថែរក្សារូបសម្រស់ថែមទៀតផង។ ដើម្បីភាពស្រស់ស្អាតដោយសុវត្ថិភាព យើគួរតែប្រើរូបមន្តដែលមានលក្ខណៈសម្បត្តិតាមបែបធម្មជាតិ ដូច្នេះអ្នកមិនចាំបាច់ព្រួយបារម្ភអំពីបញ្ហារលាក ឬអាលែកហ្ស៊ីឡើយ។

AHR0cHM6Ly9zLmlzYW5vb2suY29tL3dvLzAvdWQvMzQvMTc0NjY5L2guanBn

ដូច្នេះហើយ យើងក៏សូមណែនាំនូវរូបមន្តធ្វើឱ្យស្បែកសស្អាតប្លែកៗ ដោយការបិទម៉ាស់លើស្បែក ដោយប្រើទឹកឃ្មុំ ជាមួយនឹងគ្រឿងផ្សំ៣មុខ ដែលតម្រូវទៅតាមប្រភេទស្បែកមុខនីមួយៗ។ រូបមន្តនេះ នឹងជួយឱ្យអ្នកទទួលបាននូវស្បែកមុខទន់ រលោង ភ្លឺថ្លា និងមានសម្រស់កាន់តែក្មេងជាងវ័យ។

១. រូបមន្តម៉ាស់មុខទឹកឃ្មុំ ជាមួយផ្លែប៉ោមសម្រាប់ស្បែកធម្មតា

វាជារូបមន្តល្អឥតខ្ចោះសម្រាប់មនុស្សស្រី។ ជាមួយនឹងមុខស្រអាប់ ប្រើជាទូទៅសម្រាប់អ្នកដែលមានប្រភេទស្បែកធម្មតា។ ដោយសារតែផ្លែប៉ោម គឺជាអាស៊ីតផ្លែឈើខ្សោយ។ នៅពេលលាយជាមួយទឹកឃ្មុំ វាជួយផ្តល់សំណើមដល់ស្បែក មិនស្ងួតមិនគ្រាត។

AHR0cHM6Ly9zLmlzYW5vb2suY29tL3dvLzAvdWQvMzQvMTc0NjY5L2lzdG9jay0xMDI3NzMwNzk2LmpwZw==

អ្នកអាចពុះផ្លែប៉ោមពាក់កណ្តាល ហើយលាយវាជាមួយទឹកឃ្មុំ និងទឹកបន្តិច។ បន្ទាប់មក លាបវាពេញផ្ទៃមុខ។ ការសង្កត់ធ្ងន់ពិសេសលើតំបន់ដែលស្រអាប់។ ទុកវាចោល ៥-១០ នាទី ហើយជូតវាឱ្យស្អាត។ បន្ទាប់មកលាងមុខរបស់អ្នកជាមួយទឹកដូចធម្មតា។ អ្នកនឹងឃើញស្បែកភ្លឺថ្លារលោងតាំងពីប្រើលើកដំបូង។

២. ព្យាបាលមុខដែលមានជាតិខ្លាញ់ជាមួយទឹកឃ្មុំ និងប្រទាលកន្ទុយក្រពើ

ការរួមបញ្ចូលគ្នាដ៏ល្អឥតខ្ចោះ ហើយវាមិនពិបាករក ឬធ្វើនោះទេ។ រវាងទឹកឃ្មុំ និងប្រទាលកន្ទុយក្រពើ ជាមួយរូបមន្តធ្វើម៉ាស់មុខដែលផ្តល់លទ្ធផលដ៏អស្ចារ្យ សម្រាប់មនុស្សស្រី ជាមួយនឹងបញ្ហាស្បែកខ្លាញ់។


AHR0cHM6Ly9zLmlzYW5vb2suY29tL3dvLzAvdWQvMzQvMTc0NjY5L2lzdG9jay0xMjUzMTY2NzE5LmpwZw==

អ្នកអាចលាយជាមួយទឹកឃ្មុំ ១ ស្លាបព្រា និងបន្ថែមទឹកក្រូចឆ្មាពីរបីដំណក់។ បន្ទាប់មកកិនរហូតដល់ក្លាយជាម៉ាស់អាចលាបលើផ្ទៃមុខបាន។ លាបម៉ាសលើមុខឱ្យសព្វ។ ទុកវាចោលប្រហែល ៥ នាទី ហើយលាងមុខរបស់អ្នកដូចធម្មតា។ វិធីនេះនឹងជួយកាត់បន្ថយជាតិខ្លាញ់។ វាក៏ជួយកាត់បន្ថយការកើតមុន លុបបំបាត់ការស្ទះនៅក្នុងរន្ធញើស ធ្វើឱ្យស្បែករបស់អ្នកមើលទៅស្អាតជាងមុនក្នុងរយៈពេលដ៏ខ្លី។

៣. ផ្តល់សំណើមដល់ស្បែកស្ងួត ជាមួយទឹកឃ្មុំ និងទឹកដោះគោស្រស់

ទឹកឃ្មុំ និងទឹកដោះគោស្រស់ មានលក្ខណៈសម្បត្តិដែលជួយឱ្យស្បែកមានសំណើម។ ដែលជាចំណុចលេចធ្លោនៃវត្ថុធាតុដើមទាំងពីរប្រភេទនេះ។ របៀបប្រើ អ្នកគ្រាន់តែលាយទឹកឃ្មុំ និងទឹកដោះគោស្រស់ក្នុងសមាមាត្រ ២/១ ដើម្បីលាយបញ្ចូលគ្នា។ បន្ទាប់មកយកមកលាបពេញផ្ទៃមុខ។ ជាពិសេសផ្នែកដែលងាយស្ងួត និងរបកចេញ។ ទុកវាចោលប្រហែល ១០ នាទី បន្ទាប់មកជូតថ្នមៗដើម្បីសម្អាតមុខដូចធម្មតា។

មិនយូរប៉ុន្មានស្បែកដែលធ្លាប់ស្ងួត និងរលាក នឹងត្រលប់មកមានសំណើម ប្លែក និងក្មេងជាងវ័យ ស្បែកមានភាពរឹងមាំខុសពីធម្មតា។

AHR0cHM6Ly9zLmlzYW5vb2suY29tL3dvLzAvdWQvMzQvMTc0NjY5L2lzdG9jay0xMDI5MzA3MzM0LmpwZw==

អ្នកអាចរីករាយជាមួយរូបមន្តធ្វើម៉ាស់បិទមុខ ដែលយកគ្រឿងផ្សំធម្មជាតិលាយជាមួយ វាមានលក្ខណៈសម្បត្តិដែលល្អសម្រាប់សុខភាពខាងក្នុង និងខាងក្រៅ ដូចនេះ មិនពិបាករកនៅលើទីផ្សារទេ បូកតម្លៃក៏មិនថ្លៃដែរ។

ប្រើម៉ាស់តែ ២ ទៅ ៣ ដងក្នុងមួយសប្តាហ៍ ដោយជ្រើសរើសរូបមន្តដែលសក្តិសមទៅនឹងប្រភេភនៃស្បែកមុខរបស់អ្នក។ អាចធានាបានថា វានឹងជួយដោះស្រាយបញ្ហាទាំងឡាយដែលកើតឡើងចំពោះផ្ទៃមុខរបស់អ្នក។ សូមឱ្យមុខរបស់អ្នកត្រលប់មកស្រស់ស្អាតតាមធម្មជាតិដូចដែលអ្នកចង់បាន ក្នុងពេលឆាប់ៗនេះ៕

ប្រភព ៖ Sanook / Knongsrok