ញញឹម​ទាំង​ទំនុក​ចិត្ត! ចែក​ឲ្យ​ស្គាល់​របស់​ធម្មជាតិ ៥ អាច​ជួយ​ឲ្យ​ធ្មេញ​ស​យ៉ាង​មាន​ប្រសិទ្ធភាព

បញ្ហា​មាត់​ធ្មេញ​ជា​រឿង​ដ៏​សំខាន់​មួយ​ក្នុង​ជីវិត​រស់នៅ​របស់​យើង​រាល់​គ្នា អ្នក​ខ្លះ​ទៅ​មិន​សូវ​ហ៊ាន​បញ្ចេញ​ស្នាម​ញញឹម ព្រោះ​មាន​បញ្ហា​ធ្មេញ​ឡើង​ពណ៌ ឬ​មិន​ស​បែប​ធម្មជាតិ។ ឈប់​បារម្ភ​ទៅ ​ថ្ងៃ​នេះ Knongsrok សូម​ចែករំលែក​នៅ​របស់​ធម្មជាតិ ៥ ដែល​អាច​ជួយ​ឲ្យ​ធ្មេញ​ស​យ៉ាង​មាន​ប្រសិទ្ធភាព និង​មិន​ប៉ះពាល់​ដល់​សុខភាព​របស់​យើង​នោះ​ឡើយ៖

៥) ក្រូច​ឆ្មា

4

អ្នក​អាច​យក​ក្រូច​ឆ្មា​ ដែល​ហាន់​ជា​ចំណិត​មក​ត្រដុស​នៅ​លើ​ផ្នែក​ធ្មេញ​របស់​អ្នក ហើយ​យូរ​ទៅ​អ្នក​នឹង​ឃើញ​ធ្មេញ​ប្រែ​ជា​ស ឬ​ភ្លឺ​ជាង​មុន (ដោយសារ​តែ​ក្រូច​ឆ្មារ​មាន​ជាតិ​អាស៊ីដ)។ យ៉ាង​ណា​សូម​ប្រើប្រាស់​នៅ​កម្រិត​សម​ល្មម​មួយ។ វិធី​មួយ​ទៀត​អ្នក​អាច​យក​អំបិល ឬ​ម្សៅ Baking Soda មក​លាយ​ជាមួយ​ទឹក​ក្រូច​ឆ្មា​មួយ​ស្លាប​ព្រា​កាហ្វេ រួច​កូរ​ឲ្យ​សព្វ​ចេញ​ជា​ល្បាយ​យក​មក​ប៉ាត​លាប​លើ​ធ្មេញ សឹម​លាង​សម្អាត។

៤) ការ៉ុត

ដោយសារ​ការ៉ុត​សម្បូរ​នៅ​ជាតិ​សរសៃ​ ដូច្នេះ​វា​អាច​ជួយ​ឲ្យ​ធ្មេញ​យើង​រឹងមាំ និង​បញ្ចៀស​បញ្ហា​ធ្មេញ​ឡើង​លឿន​បាន។ អ្នក​គួរ​មាន​ទម្លាប់​ទទួល​ទាន​ការ៉ុត​ជា​ប្រចាំ។

៣) ប្រើ​សម្បក​ចេក

Unnamed


ក្នុង​សម្បក​ចេក​មាន​សារធាតុ​ដែល​អាច​កម្ចាត់​ស្នាម​ប្រឡាក់​ពណ៌​លឿង​នៅ​លើ​ធ្មេញ ហើយ​វីតាមីន D នៅ​ក្នុង​ផ្លែ​ចេក​ក៏​អាច​ជួយ​ពង្រឹង​ធ្មេញ​ឲ្យ​រឹងមាំ​ផង​ដែរ។ អ្នក​គ្រាន់​តែ​យក​សម្បក​ចេក​មក​ត្រដុស​ថ្នមៗ​លើ​ធ្មេញ ហើយ​ទុក​ចោល​រយៈ​ពេល ២ ទៅ​ ១០ នាទី​សឹម​ដុស​សម្អាត​ធ្មេញ។

២) ផ្លែ​ស្រ្តបឺរី

5

វា​អាច​ដើរ​តួ​កម្ចាត់​ស្នាម​ប្រឡាក់​ជាប់​ធ្មេញ​បាន​យ៉ាង​ល្អ ហើយ​មិន​ត្រឹម​តែ​ប៉ុណ្ណោះ​ទេ វា​ក៏​ជួយ​សុខភាព​រាងកាយ​យើង​ផង​ដែរ។ ប៉ុន្តែ​អ្នក​លើស​ជាតិ​ស្ករ មិន​ណែនាំ​ឲ្យ​ទទួល​ទាន​ច្រើន​ពេក​ឡើយ។

១) តែ​ខ្មៅ

Black Tea In A Cup And Dried Leaves On Wooden Background

ជំនួស​ពី​ការ​ទទួល​ទាន​កាហ្វេ​មក មក​ជា​តែ​ខ្មៅ នឹង​អាច​ជួយ​ឲ្យ​ធ្មេញ​របស់​អ្នក​ស្អាត​បែប​ធម្មជាតិ។ ផឹក​តែ​ខ្មៅ ៣ ពែង​ក្នុង​មួយ​ថ្ងៃ មិន​ត្រឹម​តែ​ជួយ​ឲ្យ​ធ្មេញ​ស​ប៉ុណ្ណោះ​ទេ វា​ថែម​ទាំង​ជួយ​បំបាត់​ក្លិន​មាត់​មិន​ល្អ និង​កម្ចាត់​បាក់តេរី​ដែល​អាច​បង្ក​ជា​គ្រោះថ្នាក់​ក្នុង​មាត់​ទៀត​ផង៕

ប្រភព៖ បរទេស | ប្រែ​សម្រួល៖ ក្នុង​ស្រុក