សង្កេត​ខ្លួន​ឯង​បាន! ឈឺ​ចាប់​ត្រង់​ទីតាំង​ទាំង ៩ ​លើ​រាងកាយ​ញឹកញាប់ ជា​សញ្ញា​នៃ​ជំងឺ​ទាំង​នេះ

សុខភាព​ជា​រឿង​ដ៏​ចាំ​បាច់ ដែល​វា​មាន​តម្លៃ​ជាង​លុយ​ទៅ​ទៀត ព្រោះ​បើ​មាន​លុយ​ហើយ គ្មាន​សុខភាព​ល្អ ក៏​យើង​គ្មាន​ឱកាស​នឹង​បាន​នៅ​ចាយ​លុយ​នោះ​ដែរ។ បញ្ហា​សុខភាព​យើង​អាច​សង្កេត​មើល​ដោយ​ខ្លួន​ឯង​បាន​នៅ​ដំណាក់​កាល​ដំបូង ហើយ​ត្រូវ​ប្រញាប់​ទៅ​រក​វិធី​ព្យាបាល ជៀសវាង​ទុក​វា​កាន់​តែ​យូរ កាន់​តែ​ត្រូវ​ប្រឈម​គ្រោះថ្នាក់​ដល់​អាយុ​ជីវិត។ ខាង​ក្រោម Knongsrok បង្ហាញ​វិធី​សង្កេត​មើល​អាការៈ​ដែល​អាច​វិវត្ត​ទៅ​ជំងឺ​ទាំង ៩៖

១) ជំងឺ​បេះដូង

1

បេះដូង​មាន​ទីតាំង​នៅ​ផ្នែក​ខាង​ឆ្វេង​នៃ​ទ្រូង ប្រសិន​បើ​អ្នក​មាន​អាការៈ​ឈឺ​ចាប់​ជា​រឿយៗ​ផ្នែក​ខាង​លើ​មួយ​បាត​ដៃ ឬ​ផ្នែក​កណ្តាល​នៃ​ខ្នង​ខាង​លើ នោះ​គឺ​មក​ពី​បញ្ហា​បេះដូង។

២) ជំងឹ​សួត

ការ​ឈឺ​ចាប់​ជាប់​នៅ​ផ្នែក​ស្មា និង​ក ក៏​អាច​ជា​រោគ​សញ្ញា​នៃ​ជំងឺ​សួត​ផង​ដែរ។ វា​កើត​ឡើង​ដោយសារ​យើង​ពិបាក​ដក​ដង្ហើម ឬ​សរសៃ​ប្រសាទ​រត់​ពី​ឆ្អឹង​ទៅ​ដ្យ៉ាហ្រ្វេម​ឆ្លង​កាត់​សួត។

៣) ជំងឺ​ថ្លើម

ប្រសិន​បើ​អ្នក​មិន​មែន​ជា​មនុស្ស​ដែល​អង្គុយ​ធ្វើ​ការ​នៅ​មុខ​កុំព្យូទ័រ​យូរ ឬ​មិន​បាន​ហាត់ប្រាណ​ទៀងទាត់ ហើយ​លេចចេញ​នៅ​អាការៈ​ចុក​រោយ​ក​ និង​ស្មា​ជា​ញឹកញាប់​នោះ វា​អាច​ជា​សញ្ញា​នៃ​ការ​កើត​ជំងឺ​ថ្លើម​មួយ​ផង​ដែរ។

៤) ជំងឺ​ក្រពះ​និង​លំពែង

4

ការ​ស្រាវជ្រាវ​ថ្មី​រក​ឃើញ​ថា ៥០ ភាគរយ​នៃ​អ្នក​ដែល​មាន​ជំងឺ​រលាក​លំពែង គឺ​តែងតែ​ឈឺ​ចង្កេះ ឈឺ​ពោះ ដែល​វា​សុខៗ​ក៏​ឈឺ ហើយ​កើត​ឡើង​ជា​រឿយៗ​ដោយ​គ្មាន​មូលហេតុ។

៥) ជំងឺ​ពោះវៀន​តូច


ប្រសិន​មាន​អារម្មណ៍​ថា ឈឺ​នៅ​តំបន់​ផ្ចិត វា​អាច​ជា​សញ្ញា​បង្ហាញ​ពី​ជំងឺ​ផ្នែក​ពោះវៀន​តូច។ ការ​ឈឺចាប់​នៅ​ជុំវិញ​រន្ធ​ផ្ចិត គឺ​ពាក់ព័ន្ធ​នឹង​រលាក​ពោះវៀន ឬ​មុខងារ​ពោះវៀន​ដំណើរការ​មិន​បាន​ល្អ។

៦) ជំងឺ​ពោះវៀន​ធំ

ការ​ឈឺ​ចាប់​នៅ​ចំ​កណ្តាល​ពោះវៀន ច្រើន​តែ​លេច​ចេញ​មក​ជា​សញ្ញា នៅ​ការ​ឈឺ​ចុក​ចាប់​ជា​រឿយៗ​ត្រង់​ផ្នែក​ខាង​ស្តាំ​នៃ​ពោះ​ខាង​ក្រោម ឬ​ឆ្អឹង​ត្រគាក​ខាង​ស្តាំ។ វា​ជា​សញ្ញា​បង្ហាញ​ទៅ​ការ​វិវត្ត​ជំងឺ​រលាក​ខ្នែង​ពោះវៀន។

៧) ជំងឺ​តម្រង​នោម

7

ជំងឺ​តម្រង​នោម ច្រើន​តែ​កើត​ឡើង​នៅ​កន្លែង​ផ្សេងៗ​គ្នា​ជា​ច្រើន។ ពេល​ខ្លះ​ទៅ​ឈឺ​ចាប់​នៅ​ក្រោម​ខ្នង​អាង​ត្រគាក ឬ​ជើង​ខាង​លើ។ ទីតាំង​ច្បាស់​បំផុត យើង​អាច​សម្គាល់​បាន គឺ​ឈឺ​ចាប់​នៅ​ផ្នែក​ទាំង​សង​ខាង​ នៅ​ខាង​ក្រោម​ឆ្អឹងជំនី។

៨) ជំងឺ​ប្លោក​នោម

ការ​ឈឺ​ចាប់​នៅ​ផ្នែក​ខាង​មុខ ឬ​ខាង​ក្រោយ​នៃ​ឆ្អឹង​អាង​ត្រគាក គឺ​បង្ហាញ​ច្បាស់​ពី​បញ្ហា​ប្លោក​នោម។ មួយ​ផ្សេង​ទៀត​ ដោយសារ​ប្លោក​នោម​ស្ថិត​នៅ​ផ្នែក​ខាង​ក្រោម​ខ្នង ដូច្នេះ​វា​អាច​មាន​ការ​រាល​ឈឺ​ចាប់​នៅ​ម្តុំ​ផ្នែក​ខាង​ក្រោម​ខ្នង​ជា​រឿយៗ​ផង​ដែរ។

៩) ជំងឺ​អូវែរ

9

ការ​ឈឺ​ចាប់ តឹង​ណែន​នៅ​ផ្នែក​ទាំង​សង​ខាង​នៃ​ពោះ​ខាង​ក្រោម អាច​ជា​សញ្ញា​ព្រមាន​នៃ​ការ​ដុះ​ដុំ​គីស ឬ​ជំងឺ​អូវែរ។ សរុប​មក​បើ​អ្នក​ជួប​បញ្ហា​ស្រដៀង​នឹង​អាការៈ​ខាង​លើ ហើយ​ឈឺ​ច្រើន​ថ្ងៃ​ឥត​ឈប់ អ្នក​គួរ​តែ​ឆ្លៀត​ពេល​ទៅ​ពិគ្រោះ​ជាមួយ​គ្រូ​ពេទ្យ​ជា​បន្ទាន់៕

ប្រភព៖ បរទេស | ប្រែ​សម្រួល៖ ក្នុង​ស្រុក