ទឹក​ផ្តល់​ប្រយោជន៍​ច្រើន​ណាស់ តែ​បើ​ទទួល​ទាន​ខុស​បែបបទ ៥ នេះ នឹង​បង្ក​ជា​បញ្ហា​ទៅ​វិញ

ទឹក​គឺ​ជា​ប្រភព​នៃ​ជីវិត​ ដោយ​វា​មាន​តួនាទី​សំខាន់​ច្រើន​ណាស់​សម្រាប់​រាងកាយ​មនុស្ស។ វា​ជួយ​ទាំង​ដល់​ប្រព័ន្ធ​រំលាយ​អាហារ ជួយ​ដល់​ស្បែក និង​ជួយ​ឲ្យ​សរីរាង្គ​ជា​ច្រើន​ទៀត​អាច​ដំណើរការ​ទៅ​បាន។ បើ​ធៀប​នឹង​គ្រឿង​យន្ត វា​ដូច​ជា​ប្រេងរំអិល ដើម្បី​រុញ​ឲ្យ​ម៉ាស៊ីន​អាច​រត់​ទៅ​បាន​អ៊ីចឹង បើ​អត់​ទឹក គឺ​ម៉ាស៊ីន​នឹង​ជាប់​គាំង​ឬ​ខូច​លែង​ដំណើរការ។

យ៉ាង​ណា​ទឹក មិន​សុទ្ធ​តែ​គ្រប់​គ្នា​បាន​ទទួល​ទាន​ត្រូវ​តាម​បែបបទ​ទាំង​អស់​នោះ​ទេ ហើយ​ក្នុង​អត្ថបទ​នេះ គ្រូ​ពេទ្យ​ក្នុង​ស្រុក សូម​បង្ហាញ​ចំណុច​ធំ ៥ ដែល​អ្នក​ត្រូវ​បញ្ចៀស​ពី​ការ​ទទួល​ទាន​ទឹក៖

៥) ផឹក​ទឹក​តិច​ពេក

1

រាងកាយ​មនុស្ស​ត្រូវ​តែ​មាន​ទម្លាប់​ទទួល​ទាន​ទឹក​ឲ្យ​បាន​ច្រើន ទោះ​បី​ជា​អ្នក​មិន​ចូលចិត្ត​ទទួល​ទាន​ទឹក​ក៏​ដោយ។ អ្នក​ខ្លះ​គិត​ថា ទល់​តែ​ស្រេក​ទើប​ទទួល​ទាន នាំ​ឲ្យ​យូរ​ទៅ​រាងកាយ​ជួប​បញ្ហា​ខ្វះ​ជាតិ​ទឹក។

ប្រសិន​បើ​អ្នក​មិន​បាន​ផឹក​ទឹក​ឲ្យ​បាន​គ្រប់គ្រាន់ នោះ​នឹង​ជះ​ផល​អវិជ្ជមាន​ជា​ច្រើន​មក​ដល់​រាងកាយ ដូច​ជា​ធ្វើ​ឲ្យ​ស្បែក​ខ្វះ​សំណើម ពន្លឿន​ដំណើរការ​ភាព​ចាស់ ​និង​ធ្វើ​ឲ្យ​សរីរាង្គ​មួយ​ចំនួន​ក្នុង​ខ្លួន​ដូច​ជា​ក្រពះ ថ្លើម ចុះ​ថយ​សមត្ថភាព​ជា​ដើម។

៤) ផឹក​ទឹក​លឿន​ពេក

3

នៅ​ពេល​យើង​មាន​អារម្មណ៍​ស្រេក​ទឹក ហើយ​យើង​បង្អក​ខ្លួន​ឯង​លឿនៗ​ពេក វា​នឹង​ធ្វើ​ឲ្យ​ប៉ះពាល់​ដល់​ក្រពះ លំពែង។ តាម​ការ​ណែនាំ​របស់​គ្រូ​ពេទ្យ អ្នក​ត្រូវ​ស្រូប​យក​ជាតិ​ទឹក​យឺតៗ ទើប​វា​បាន​ផ្តល់​សារធាតុ​ចិញ្ចឹម​ពេញលេញ និង​រក្សា​មុខងារ​របស់​សរីរាង្គ​បាន​ល្អ។

៣) ផឹក​ទឹក​ច្រើន ក្នុង​ពេល​តែ​មួយ

2


មនុស្ស​មួយ​ចំនួន​ធំ មិន​ចូលចិត្ត​ទទួល​ទាន​ទេ ដល់​ពេល​ទទួល​ទាន​ម្តង​ពួក​គេ​សម្រុក​ទទួល​ទាន​ច្រើន ក្នុង​ពេល​តែ​មួយ។ តាម​ពិត​នេះ ជា​ទម្លាប់​អាក្រក់ ដែល​ជះ​ផល​ប៉ះពាល់​ដល់​សុខភាព​យើង​ជា​ខ្លាំង។

វា​មិន​ត្រឹម​តែ​ដាក់​បន្ទុក​ទៅ​លើ​តម្រង​នោម​ប៉ុណ្ណោះ​ទេ លើស​ពី​នេះ​វា​ក៏​ចូល​ទៅ​បំផ្លាញ​មុខងារ​របស់​សរីរាង្គ​ថែម​ទៀត​ផង ហើយ​ការ​បន្សាប​ជាតិ​ពុល​របស់​ថ្លើម និង​ដំណើរការ​រំលាយ​អាហារ​របស់​ក្រពះ ក៏​មិន​បាន​ធ្វើ​ការ​ល្អ​ដែរ។

២) ផឹក​ទឹក​ភ្លាមៗ​ក្រោយ​ទទួល​ទាន​អាហារ​រួច

5

យើង​សង្កេត​ឃើញ​ថា​មនុស្ស​ជា​ច្រើន ពេល​ទទួល​ទាន​អាហារ​រួច ច្រើន​តែ​មាន​ទម្លាប់​ទទួល​ទាន​ទឹក​ភ្លាម។ នេះ​ធ្វើ​ឲ្យ​មាន​ការ​បញ្ចេញ​ទឹក​ក្រពះ​ច្រើន ដែល​បណ្តាល​ឲ្យ​មុខងារ​រំលាយ​អាហារ និង​ស្រូប​យក​សារធាតុ​ចិញ្ចឹម​មាន​ការ​ធ្លាក់​ចុះ។ មួយ​ផ្សេង​ទៀត​ក៏​នាំ​ឲ្យ​កើត​មាន​បញ្ហា​ដល់​ប្រព័ន្ធ Endocrine ជា​ដើមចម​បង្កើន​ល្បឿន​ភាព​ចាស់​នៃ​រាងកាយ។

១) ប្រើ​ភេសជ្ជៈ ជំនួស​ទឹក​បរិសុទ្ធ

4

មនុស្ស​ជា​ច្រើន​គិត​ថា ទឹក​ដូច​តែ​គ្នា ទោះ​ទទួល​ទាន​ទឹក​ក្រូច ឬ​ទឹក​ផ្លែ​ឈើ​ផ្សេងៗ មិន​បាច់​ទទួល​ទាន​ទឹក​ក៏​គ្រប់គ្រាន់​ដែរ។ តាម​ពិត​ទៅ​វា​មិន​ដូច្នោះ​ទេ ដោយ​សារ​ទឹក​ផ្លែ​ឈើ ឬ​ភេសជ្ជៈ​ផ្សេង ខ្លះ​មាន​សារធាតុ​លាយឡំ​ច្រើន និង​ខ្លះ​មាន​ជាតិ​ស្ករ​លើស មិន​ល្អ​ចំពោះ​សុខភាព ដូច​ជា​ទឹក​បរិសុទ្ធ​ធម្មតា​ឡើយ។

ការ​បន្ថែម​ជាតិ​ស្ករ​ចូល​ទៅ​ក្នុង​រាងកាយ​លើសលប់​ច្រើន​ពេក​ យូរ​ទៅ​អ្នក​នឹង​មាន​អាការៈ​ឆាប់​វិល​មុខ ឡើង​សម្ពាធ​ឈាម ហើយ​ងាយ​ស្ទះ​ចរន្ត​ឈាម​ជា​ដើម៕

ប្រភព៖ បរទេស | ប្រែ​សម្រួល៖​ ក្នុង​ស្រុក