ម្នាក់ៗ​គិត​ថា​អត់​អី តាម​ពិត​អាហារ​ពេញ​និយម ៤ ប្រឈម​ហានិភ័យ​ជំងឺ​ទឹក​នោម​ផ្អែម​ខ្ពស់

អាហារ​ខាង​ក្រោម​ទាំង ៤ នេះ គឺ​ងាយ​នឹង​បង្កើន​ជាតិ​ស្ករ​ក្នុង​ឈាម ដែល​មិន​ល្អ​ចំពោះ​សុខភាព​មនុស្ស​រាល់​គ្នា​ទេ៖

៤) សាច់​សម្បូរ​ខ្លាញ់

1

សាច់ ទឹកដោះ​គោ ដែល​មាន​ផ្ទុក​ខ្លាញ់​មិន​ល្អ​ច្រើន គឺ​ងាយ​នឹង​បង្ក​ហានិភ័យ​នៃ​ជំងឺ​ទឹកនោម​ផ្អែម​ប្រភេទ​ទី ២ ខ្ពស់​បំផុត ក៏​ដូច​ជា​ជំងឺ​បេះដូង​ផង​ដែរ។ អ្នក​ជំនាញ​នៅ​សហរដ្ឋអាមេរិក​បាន​ណែនាំ​ឲ្យ​អ្នក​រាល់​គ្នា គួរ​កំណត់​ឲ្យ​បាន​ច្បាស់លាស់​នៅ​កម្រិត​នៃ​ការ​ទទួល​ទាន​ខ្លាញ់​ឆ្អែត។

សាច់​ដែល​មាន​ជាតិ​ខ្លាញ់​ខ្ពស់ ក្រៅ​ពី​យើង​និយាយ​ពី​សាច់​ជាប់​ខ្លាញ់ ជា​រួម​គឺ​មាន​សាច់​ជ្រូក សាច់​មាន់ សាច់​ចៀម សាច់​កែច្នៃ​ដូច​ជា​សាច់​ក្រក​ជា​ដើម។ ដូច​គ្នា​ទៅ​នឹង​ទឹកដោះគោ ដែល​មាន​ជាប់​ Cream ច្រើន មាន​បឺរ ឬ​ឈីស គឺ​សុទ្ធ​តែ​ហានិភ័យ​ខ្ពស់​នៃ​ការ​កើត​ជំងឺ​ទឹក​នោម​ផ្អែម។

៣) ដំណាប់​ផ្លែ​ឈើ​ស្ងួត

2

ប្រភេទ​ដំណាប់​ផ្លែ​ឈើ​ស្ងួត ដ្បិត​បើ​បាត់បង់​ទឹក តែ​វា​នៅ​តែ​ជាប់​នៅ​ស្ករ​ធម្មជាតិ ឬ​ខ្លះ​មាន​គេ​បន្ថែម​ស្ករ​មួយ​តង់​ផ្សេង​ទៀត ដែល​នាំ​ឲ្យ​វា​ក្លាយ​ជា​កន្លែង​ប្រមូល​ផ្តុំ​ជាតិ​ស្ករ​ខ្ពស់ ខុស​ពី​ផ្លែ​ឈើ​ស្រស់។


២) នំបុ័ង​

3

នំប័ុង​ ឬ​ម្សៅ​ពណ៌​ស​ដែល​គេ​យក​មក​ធ្វើ​នំប័ុង នៅ​ពេល​វា​រំលាយ​គឺ​ងាយ​នឹង​បង្កើន​ជាតិ​ស្ករ​ក្នុង​ឈាម​ខ្លាំង​ណាស់។ យក​ល្អ​គួរ​តែ​ជំនួស​មក​ទទួល​ទាន​គ្រាប់​ធញ្ញជាតិ​សុទ្ធ​ល្អ​ជាង ដោយ​វា​នឹង​មិន​ប៉ះពាល់​ដល់​កម្រិត​ជាតិ​ស្ករ​ក្នុង​រាងកាយ​ឡើយ។

មនុស្ស​មួយ​ចំនួន​និយម​ទទួល​ទាន​នំប័ុង​ ខ្លះ​ដើម្បី​សន្សំសំចៃ​ ខ្លះ​គិត​ថា​ចំណូល​ចិត្ត​របស់​ពួក​គេ ប៉ុន្តែ​បើ​ទទួល​ទាន​ច្រើន​ពេក​ក៏​វា​មិន​ល្អ​ដែរ។

១) ទឹក​ផ្លែ​ឈើ​កំប៉ុង

4

ទឹក​ផ្លែ​ឈើ​ស្រស់ ១០០ ភាគរយ នៅ​តែ​មាន​ផ្ទុក​ជាតិ​ស្ករ​ខ្ពស់ ហើយ​ជាតិ​សរសៃ​ទាប ដូច្នេះ​ហានិភ័យ​នៃ​ការ​បង្កើន​កម្រិត​ជាតិ​ស្ករ​ក្នុង​ឈាម គឺ​នៅ​តែ​មាន។ អ្នក​ជំនាញ​បាន​ណែនាំ​ឲ្យ​គួរ​ប្តូរ​មក​ទទួល​ទាន​ផ្លែ​ឈើ​ស្រស់ ជា​ជាង​ការ​ទទួល​ទាន​ទឹក​ផ្លែ​ឈើ​ដែល​គេ​ច្រក​លក់​ហើយ​ស្រាប់ មួយ​ផ្សេង​ទៀត គួរ​តែ​កំណត់​ពេលវេលា​ទទួល​ទាន​យប់​ថ្ងៃ​ឲ្យ​បាន​ច្បាស់លាស់ ​និង​ប្រភេទ​ផ្លែ​ឈើ​ដែល​ត្រូវ​យក​មក​ទទួល​ទាន​ ព្រោះ​មិន​មែន​សុទ្ធ​តែ​ផ្លែ​ឈើ​គឺ​ល្អ​ទាំង​អស់​នោះ​ទេ៕

ប្រភព៖ បរទេស | ប្រែ​សម្រួល៖ ក្នុង​ស្រុក