មនុស្សជាច្រើនគិតថាមិនអី! អាហារ ៤ អត់សូវផ្អែមទេ តែអាចបណ្តាលឲ្យអ្នកកើតជំងឺទឹកនោមផ្អែមបាន
គ្នាយើងជាច្រើនយល់ឃើញថា លុះត្រាតែការទទួលទានអាហារមានរសជាតិផ្អែមខ្លាំង ទើបអាចបណ្តាលឲ្យពួកគេកើតទឹកនោមផ្អែមបាន ប៉ុន្តែបើស៊ីជម្រៅទៅ អាហារ ៤ ខាងក្រោមនេះក៏អាចជាដើមចមផងដែរ ដ្បិតវាមិនមានរសជាតិផ្អែម៖
៤) បាយដំណើប
វាមានជាតិស្អិត ដែលត្រូវបានគេច្នៃយកទៅធ្វើជានំនែក ឬអាហារមួយចំនួន។ មនុស្សជាច្រើនចូលចិត្តទទួលទានវាណាស់ ដោយគិតថាវាមិនមានជាតិផ្អែមអ្វីនោះទេ។
តាមពិតទៅ វានៅតែអាចបង្កើនជាតិស្ករក្នុងឈាម ព្រោះវាមានផ្ទុកជាតិស្កររលាយច្រើន។ នៅពេលដែលអ្នកទទួលទានបាយដំណើប កាបូអ៊ីដ្រាតទាំងអស់នឹងត្រូវបានបម្លែងទៅជាកាឡូរី និងស្ករជ្រាបចូលទៅក្នុងចរន្តឈាមយ៉ាងឆាប់រហ័ស បណ្តាលឲ្យអ្នកឡើងជាតិស្ករលឿន។
៣) ដំឡូង
មនុស្សជាច្រើនគិតថា ដំឡូង ជាប្រភេទបន្លែដែលមិនមានរសជាតិផ្អែម មិនទាក់ទងនឹងការកើនឡើងកម្រិតជាតិស្ករក្នុងឈាមនោះទេ។ តែយ៉ាងណាដំឡូងជាអាហារមួយប្រភេទដែលមានផ្ទុកជាតិម្សៅច្រើន ហើយពេលវាបម្លែងទៅជាគ្លុយកូសនិងកាបូអ៊ីដ្រាត សារធាតុទាំងនោះនឹងត្រូវបានស្រូបចូលទៅក្នុងឈាម ក្លាយទៅជាជាតិស្ករខ្ពស់ក្នុងឈាម។
២) អាហារចៀន
វាមិនត្រឹមតែបាត់បង់ជីវជាតិបំប៉នប៉ុណ្ណោះទេ តែអាហារចៀន ក៏មានផ្ទុកខ្លាញ់និងកាឡូរីខ្ពស់ផងដែរ។ ក្រៅពីធ្វើឲ្យរាងកាយធាត់ ហើយក៏អាចបង្កើនហានិភ័យនៃជំងឺទឹកនោមផ្អែមដូចគ្នា ព្រោះការធាត់ វានាំឲ្យសមត្ថភាពនៃការរំលាយអាហារធ្លាក់ចុះ នាំឲ្យរាងកាយមានជាតិខ្លាញ់ច្រើន ខ្សោយចរន្តឈាម ជាហេតុដែលបណ្តាលឲ្យមានការកើនឡើងជាតិស្ករក្នុងឈាម។
១) សរីរាង្គសត្វ (ឬគ្រឿងក្នុងសត្វ)
អ្នកជំងឺទឹកនោមផ្អែមស្រាប់ផង កាន់តែមិនត្រូវលូកអាហារនេះ ដាច់ខាត ព្រោះវាមានផ្ទុកនូវបរិមាណខ្លាញ់ច្រើន ដែលវាប៉ះពាល់ដល់ការបញ្ចេញអាំងស៊ុយលីន៕
ប្រភព៖ បរទេស | ប្រែសម្រួល៖ ក្នុងស្រុក
Recent News
