ទម្លាប់​មិន​ល្អ ៣ ស្រីៗ​ត្រូវ​ជៀស​ឲ្យ​បាន បើ​មិន​ចង់​ឆ្លង​មេរោគ​បង្ក​គ្រោះថ្នាក់​ដល់​ស្បូន

នៅ​ពេល​បន្ទប់​ទឹក​ សម្រាប់​មនុស្ស​ស្រី ត្រូវ​តែ​ជៀស​នៅ​ទម្លាប់​មិន​ល្អ ៣ ខាង​ក្រោម ព្រោះ​យូរ​ទៅ​វា​អាច​បង្ក​គ្រោះថ្នាក់​ធ្ងន់ធ្ងរ​ដល់​ស្បូន៖

៣) ចុច​ទឹក​បង្គន់​ពេល​កំពុង​អង្គុយ​នៅ​លើ​ចាន​បង្គន់

1 1607920743366145068875 0912

ស្រ្តី​ជា​ច្រើន​មាន​អារម្មណ៍​ខ្មាសអៀន​នៅ​ពេល​មាន​ក្លិន​មិន​ល្អ​ក្នុង​ពេល​បន្ទោបង់ ដូច្នេះ​នាង​មាន​ទម្លាប់​ចុច​ទឹក ដើម្បី​កាត់​បន្ថយ​ក្លិន។

ទោះ​យ៉ាង​ណា​សកម្មភាព​បែប​នេះ វា​ធ្វើ​ឲ្យ​ខ្ទាត​នៅ​បាក់តេរី ដែល​កំពុង​ហោះ​ក្នុង​បរិយាកាស ឬ​ខ្យល់ ចូល​មក​កាន់​តំបន់​ឯកជន​ដោយ​មិន​ដឹង​ខ្លួន ហើយ​យូរ​ទៅ​វា​នឹង​បង្ក​ជា​មេរោគ​ឆ្លង​ចូល​ដល់​ស្បូន។ ដូច្នេះ​ល្អ​បំផុត គួរ​ក្រោក​ខ្លួន​ឡើង ហើយ​បិទ​ចាន​បង្គន់​សិន សឹម​ចុច​ទឹក នោះ​ទើប​ជា​ទម្លាប់​ល្អ​បំផុត។

២) ប្រើ​ទូរស័ព្ទ​នៅ​ពេល​ទៅ​បន្ទប់​ទឹក

Ice_screenshot_20210912 143349


ទូរស័ព្ទ​គឺ​ជា​របស់​ដែល​មនុស្ស​ជា​ច្រើន​ខ្វះ​មិន​បាន ហើយ​ថែម​ទាំង​ប្រកាន់​ខ្ជាប់​ទម្លាប់​យក​ទៅ​ចុច​តាម​ខ្លួន​ទៀត​ ពេល​កំពុង​បន្ទោបង់។

យ៉ាង​ណា​អ្នក​មិន​ដឹង​នោះ​ទេ ថា​មេរោគ​ឬ​បាក់តេរី​ក្នុង​ខ្យល់ អាច​ទុំ​ជាប់​លើ​ទូរស័ព្ទ ហើយ​វា​មក​ជាមួយ​អ្នក ដ្បិត​បើ​អ្នក​ចេញ​ពី​បង្គន់​ហើយ​ក៏​ដោយ។ មួយ​ផ្សេង​ទៀត​ការ​ទម្លាប់​អង្គុយ​ចុច​ទូរស័ព្ទ​កំឡុង​ពេល​បន្ទោបង់​រយៈ​ពេល​យូរ​ពេក អាច​នាំ​ឲ្យ​ប៉ះពាល់​ដល់​ប្រព័ន្ធ​រំលាយ​អាហារ និង​ទល់​លាមក​ជា​ដើម។​​

១) ប្រើ​ក្រដាស​ក្នុង​បន្ទប់​ទឹក​មក​ជូត​សម្អាត​តំបន់​ឯកជន

Ice_screenshot_20210912 143342

ស្រីៗ​ត្រូវ​ចាំ​ថា គួរ​ទម្លាប់​យក​ក្រដាស​ពី​ខាង​ក្រៅ​ទៅ គឺ​ល្អ​បំផុត ពោល​មិន​ត្រូវ​ប្រើប្រាស់​ក្រដាស​ក្នុង​បង្គន់​នោះ​ទេ។ ក៏​ដោយសារ​ក្រដាស​ក្នុង​បង្គន់ វា​ងាយ​នឹង​ទំ​ជាប់​នៅ​បាក់តេរី​ដែល​ហោះហើរ​ក្នុង​ខ្យល់ ហើយ​ជាប់​នៅ​សំណើម ដែល​រក្សា​ទុក​មេរោគ​រយៈ​ពេល​យូរ ដូច្នេះ​ការ​ប្រើប្រាស់​ក្រដាស​អនាម័យ​ដែល​គេ​ទុក​នៅ​ក្នុង​បង្គន់ គឺ​ងាយ​ឲ្យ​អ្នក​ឆ្លង​មេរោគ​រហ័ស​បំផុត៕

ប្រភព៖ បរទេស | ប្រែ​សម្រួល៖ ក្នុង​ស្រុក