សញ្ញា ៧ បង្ហាញច្បាស់ថាអ្នកមានឈាមខ្សោយ នាំឲ្យរាងកាយងាយចាស់ជាងអាយុ
ឈាមគឺជាប្រភពនៃសារធាតុចិញ្ចឹមសម្រាប់សារពាង្គកាយទាំងមូល ដោយសម្រាប់មនុស្សស្រីបើដំណើរការចរន្តឈាមខ្សោយ នោះពួកគេងាយនឹងប៉ះពាល់ដល់សុខភាពស្បូន មានរដូវមិនទៀងទាត់ ស្បែកឡើងលឿង ផ្ទៃមុខមានស្នាមជ្រីវជ្រួញ គេងមិនលក់ឆាប់ខឹង បណ្តាលឲ្យចាស់ជាងវ័យលឿនជាងមនុស្សស្រីធម្មតា។
Knongsrok បង្ហាញសញ្ញាទាំង ៧ ដែលអាចកត់សម្គាល់ដឹងថា អ្នកកំពុងមានឈាមខ្សោយឬអត់៖
៧) រង្វង់ភ្នែកខ្មៅនិងស្ងួត
នៅពេលឈាមផ្គត់ផ្គង់មិនគ្រប់គ្រាន់ទៅឲ្យសរីរាង្គថ្លើម នោះវានឹងបង្ហាញមកឲ្យអ្នកបានដឹង អំពីការលេចចេញនៅរង្វង់ខ្មៅដក់ក្បែរភ្នែក ហើយសភាពភ្នែកឡើងស្ងួត ឬប្រែទៅជាពណ៌លឿង។
៦) ឧស្សាហ៍ជ្រុះសក់
មូលហេតុចម្បងនៃការជ្រុះសក់ ក៏ដោយសារតែឈាមរបស់ពួកគេខ្សោយ ក្រោយពីមិនទទួលបានសារធាតុចិញ្ចឹមគ្រប់គ្រាន់ ហេតុនេះនាំឲ្យលេចចេញបញ្ហាសក់បែកចុង ស្ងួត មិនរលោងជាដើម។
៥) ស្បែកស្លេក
ប្រសិនបើឈាមរបស់យើងមានស្ថិរភាព ដើរល្អ នោះស្បែកនឹងឡើងក្រហម ហើយមុខរបស់អ្នកនឹងភ្លឺចែងចាំង។ ផ្ទុយទៅវិញបើកង្វះឈាម នោះនឹងនាំឲ្យស្បែកឡើងពណ៌ស្លេក មើលទៅដូចជាមនុស្សកំពុងមានជំងឺ ឬអាចមានរំលេចនៅស្នាមអុជខ្មៅមួយចំនួនមកថែមទៀតក៏មាន។
៤) អវយវៈត្រជាក់
បើដៃជើងរបស់អ្នកឡើងត្រជាក់ញឹកញាប់ ហើយមិនងាយបើកញើស នោះក៏មានន័យថា ឈាមរបស់អ្នកខ្សោយដែរ។ វាខុសពីមនុស្សស្រីដែលមានចរន្តឈាមរត់ល្អ គឺដៃជើងរបស់គេដូចមានកម្តៅ ប្រែប្រួលទៅតាមស្ថានភាពជាក់ស្តែងជុំវិញខ្លួន។
៣) ឧស្សាហ៍វិលមុខ
ជាពិសេសនៅថ្ងៃមករដូវ ពេលឈាមធ្លាក់ច្រើន គឺកាន់តែធ្វើឲ្យអ្នកមានអាការៈវិលមុខធ្ងន់ធ្ងរ។ ដូច្នេះអ្នកត្រូវតែប្រញាប់ទៅពិគ្រោះដើម្បីសុំយោបល់ជាមួយគ្រូពេទ្យ ថាគួរទទួលទានអាហារបែបណា ទើបអាចជួយបំពេញឈាមមកវិញ។
២) គេងមិនលក់
នៅពេលដែលឈាមរបស់អ្នកចុះខ្សោយ អ្នកតែងតែពិបាកក្នុងការគេង ឬតែងតែគេងភ្ញាក់ជារឿយៗ ហើយលើសពីនេះ ក៏មានចេញសញ្ញាស្រមុកកំឡុងពេលគេង និងស្ថានភាពផ្លូវចិត្តហាក់ដូចទទួលរងសម្ពាធជាដើម។
១) ធ្លាក់ចុះសម្ពាធឈាម
នៅពេលឈាមមានក្នុងរាងកាយមិនគ្រប់គ្រាន់ នោះចរន្តឈាម នឹងមានសភាពយឺត ដែលនាំឲ្យសម្ពាធឈាមមានការធ្លាក់ចុះ៕
ប្រភព៖ បរទេស | ប្រែសម្រួល៖ ក្នុងស្រុក
Recent News
