អាហារពណ៌ក្រហមទាំង ៥ ដែលអ្នកកាន់តែទទួលទាន កាន់តែមានអាយុវែង
ប្រភេទអាហារពណ៌ក្រហមទាំង ៥ ខាងក្រោមនេះ វាមានប្រយោជន៍ច្រើនណាស់ ដោយក្រៅពីផ្តល់សារធាតុចិញ្ចឹមសម្រាប់រាងកាយ ទៀតសោតក៏មានសារធាតុប្រឆាំងអុកស៊ីតកម្ម ដែលអ្នកគួរតែទទួលទានជាប្រចាំរៀងរាល់ថ្ងៃ៖
៥) ផ្លែស្រ្តបឺរី
នៅក្នុងសមាសធាតុអាហារូបត្ថម្ភរបស់ផ្លែស្រ្តបឺរី គឺជាប្រភពដែលសម្បូរទៅដោយប៉ូតាស្យូម និងហ្វូឡាត។ វាក៏មានវីតាមីន C ច្រើនជាងផ្លែក្រូចផងដែរ ល្អសម្រាប់ពង្រឹងប្រព័ន្ធការពាររាងកាយ កាត់បន្ថយកូឡេស្តេរ៉ុល និងបន្ថយដំណើរការភាពចាស់។
៤) ផ្លែក្រេនបឺរី
វាអាចចូលទៅកម្ចាត់និងការពារបាក់តេរី មិនឲ្យជាប់នឹងជញ្ជាំងបំពង់ទឹកនោម។ លើសពីនេះផ្លែក្រេនបឺរី ក៏មានសារធាតុប្រឆាំងអុកស៊ីតកម្មជាច្រើន ដែលជួយការពាររាងកាយ ពីការលុកលុយនៃបាក់តេរី HP ដែលធ្វើឲ្យដំបៅក្រពះផងដែរ។
៣) ផ្លែឆេរី
ផ្លែឈើពណ៌ក្រហមមួយនេះ វាមានប្រសិទ្ធភាពការពារប្រឆាំងនឹងផលប៉ះពាល់នៃរ៉ាឌីកាលសេរី កាត់បន្ថយល្បឿននៃភាពចាស់ជាងវ័យ។ វាក៏សម្បូរទៅដោយវីតាមីន និងសារធាតុរ៉ែសំខាន់ៗ អាចបង្កើនប្រព័ន្ធភាពសុាំ និងជំរុញសុខភាពខួរក្បាល ជួយឲ្យអ្នកមានអាយុវែងថែមទៀតផង។
២) ផ្លែឪឡឹក
សំបកក្រៅពណ៌បៃតង តែសាច់ក្នុងគឺពណ៌ក្រហម ហើយវាជាប្រភពល្អមួយនៃលីកូពីន ដែលអាចកាត់បន្ថយហានិភ័យនៃការកើតជំងឺបេះដូង និងជំងឺដាច់សរសៃឈាមខួរក្បាល ហើយក៏ជួយបញ្ចុះកូឡេស្តេរ៉ុលអាក្រក់ផងដែរ។ ទោះយ៉ាងណាសម្រាប់ឪឡឹកអ្នកមិនគួរដាក់ក្នុងទូឲ្យត្រជាក់ពេក ហើយយកមកទទួលទានទេ ព្រោះវាអាចបណ្តាលឲ្យរាគ។
១) សណ្តែកក្រហម
សណ្តែកក្រហមមានជាតិសរសៃច្រើន ជួយដល់បេះដូង ស័ង្កសីជួយដល់សុខភាពបន្តពូជ និងព្យាបាលរបួស។ លើសពីនេះវាក៏សម្បូរប៉ូតាស្យូម ដែលអាចការពារជំងឺក្រិនសរសៃឈាមនិងការពារជំងឺបេះដូងផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
Recent News
