គិត​ថា​សាមញ្ញ តែ​ការ​ពិត​បាន​ប្រយោជន៍​ធំ​ដល់​ទៅ ៧ ពី​ការ​ទទួល​ទាន​ផ្លែប៉ោម ១ រៀងរាល់​ថ្ងៃ

ផ្លែ​ប៉ោម​មាន​សារធាតុ​ចិញ្ចឹម​ជា​ច្រើន ដូច​ជា​ជាតិ​សរសៃ វីតាមីន C ប៉ូតាស្យូម និង​វីតាមីន K ជា​ដើម។ ការ​ដែល​អ្នក​អាច​ទម្លាប់​ទទួល​ទាន​វា ១ ក្នុង​មួយ​ថ្ងៃ ជា​ប្រចាំ នោះ​នឹង​អាច​ពាំនាំ​ប្រយោជន៍​ធំ​ទាំង ៧ ដូច​ខាង​ក្រោម៖

៧) ជួយ​ដល់​សុខភាព​បេះដូង

2_FUKZ

ការ​សិក្សា​បង្ហាញ​ថា ការ​ទទួល​ទាន​ផ្លែប៉ោម​ជា​ប្រចាំ​អាច​កាត់​បន្ថយ​ហានិភ័យ​នៃ​ការ​កើត​ជំងឺ​បេះដូង ដោយ​វា​មាន​ផ្ទុក​សារជាតិ Flavonoid ជួយ​កាត់​បន្ថយ​ការ​រលាក និង​ការពារ​សុខភាព​បេះដូង។ ក្រៅ​ពី​នេះ​ផ្លែ​ប៉ោម​ក៏​មាន​ជាតិ​សរសៃ​ខ្ពស់ ជួយ​បន្ថយ​សម្ពាធ​ឈាម​និង​កម្រិត​កូឡេស្តេរ៉ុល​ផង​ដែរ។

៦) ផ្តល់​នូវ​វីតាមីន​និង​សារធាតុ​រ៉ែ​ជា​ច្រើន

ផ្លែ​ប៉ោម​មាន​ផ្ទុក​នូវ​វីតាមីន E, C, Provitamin A ព្រម​ទាំង​សារធាតុ​រ៉ែ​ជា​ច្រើន​ដូច​ជា កាល់ស្យូម សេលេនីញ៉ូម ដែក ទង់ដែន ដែល​វា​ល្អ​ក្នុង​ការ​ជួយ​ពង្រឹង​ប្រព័ន្ធ​ភាព​សុាំ​ក្នុង​រាងកាយ និង​ជួយ​ប្រឆាំង​ជំងឺ​ជា​ច្រើន។

៥) ប្រឆាំង​ជំងឺ​មហារីក

De Bung Doi An Tao Vao Buoi Sang Co Nhieu Loi Ich Bat Ngo Hinh 7

វា​មាន​សមាសធាតុ​ជា​ច្រើន ជួយ​ការពារ​ការ​កកើត​ជំងឺ​មហារីក ដូច​ជា​សារធាតុ​ប្រឆាំង​អុកស៊ីតកម្ម និង​សារជាតិ Flavonoids។ ការ​ស្រាវជ្រាវ​បង្ហាញ​ថា ការ​ទទួល​ទាន​ផ្លែ​ប៉ោម​ជា​ប្រចាំ អាច​ជួយ​កាត់​បន្ថយ​ការ​វិវត្ត​ទៅ​រក​ជំងឺ​មហារីក​សួត និង​ពោះវៀន​ធំ​បាន។

៤) រក្សា​កម្រិត​កូឡេស្តេរ៉ុល


ការ​សិក្សា​បង្ហាញ​ថា ស្រ្តី​មួយ​ចំនួន​ធំ ដែល​បាន​ទទួល​ទាន​ផ្លែ​ប៉ោម​យ៉ាង​តិច​ ១ ក្នុង​មួយ​ថ្ងៃ រយៈ​ពេល ៦ ខែ​បាន​ឃើញ​លទ្ធផល​ការ​ថយ​ចុះ ២៣ ភាគរយ​នៃ​កូឡេស្តេរ៉ុល​អាក្ករ់ ហើយ​កើន​ឡើង​កូឡេស្តេរ៉ុល​ល្អ ៤ ភាគរយ។

៣) ការពារ​ជំងឺ Alzheimer

Loi Ich An Tao

ជំងឺ​សរសៃប្រសាទ Alzheimer នឹង​ត្រូវ​បាន​រាំងស្ទះ​ដោយសារ​សារធាតុ​ឈ្មោះ Quercetin ដែល​យើង​ទទួល​បាន​ពី​ការ​ទទួល​ទាន​ផ្លែ​ប៉ោម។

២) ល្អ​សម្រាប់​ស្បែក

ដោយសារ​ផ្លែ​ប៉ោម​មាន​ផ្ទុក​ខូឡាជេន និង​អេឡាស្ទីន ដូច្នេះ​វា​ក៏​មាន​ប្រយោជន៍​សម្រាប់​ស្បែក​ផង​ដែរ។ ការ​ទទួល​ទាន​វា​ជា​ប្រចាំ អាច​ជួយ​ឲ្យ​ស្បែក​ភ្លឺ​ថ្លា មាន​សុខភាព​ល្អ ហើយ​សារធាតុ​ប្រឆាំង​អុកស៊ីតកម្ម ក៏​ចូលរួម​ចំណែក​ស្តារ​ដំណើរការ​នៃ​ភាព​ចាស់ និង​បង្កើន​ភាព​ធន់​ដល់​ស្បែក​ទៀត​ផង។

១) ស្រក​ទម្ងន់

Thuc Hu Cau Noi Mot Qua Tao Giup Ban Luon Khoe Manh

ផ្លែ​ប៉ោម​ក៏​មាន​សារធាតុ Pectin ជួយ​រក្សា​ទម្ងន់​រាងកាយ​របស់​អ្នក​ឲ្យ​មាន​ស្ថិរភាព ហើយ​ជាតិ​ប៉ូលីហ្វេណុល វា​ជួយ​គ្រប់គ្រង​ការ​រំលាយ​អាហារ​បាន​ល្អ ដូច្នេះ​ការ​ជ្រើសរើស​ផ្លែ​ប៉ោម​ទៅ​ក្នុង​របប​អាហារ​ប្រចាំ​ថ្ងៃ គឺ​ជា​វិធី​សាមញ្ញ​ជួយ​សម្រក​ទម្ងន់​បាន​យ៉ាង​មាន​ប្រសិទ្ធភាព៕

ប្រភព៖ បរទេស | ប្រែ​សម្រួល៖ ក្នុង​ស្រុក