ចង់​បាន​ចង្កេះ​ស្តើង​ រាង​តូច សុខភាព​ល្អ ​មុន​ម៉ោង ១០ ព្រឹក​ កុំ​លូក​អាហារ ៥ នេះ

អាហារ​ពេល​ព្រឹក គឺ​ជា​អាហារ​ដែល​អាច​ផ្តល់​សារធាតុ​ចិញ្ចឹម​និង​ថាមពល​ពេញ​មួយ​ថ្ងៃ​សម្រាប់​មនុស្ស​យើង ហើយ​វា​ក៏​ជះ​ឥទ្ធិពល​ដល់​ការ​ឡើង​ចុះ​ទម្ងន់​លឿន​ផង​ដែរ។ ដូច្នេះ​អ្នក​គួរ​តែ​ត្រូវ​ប្រាកដ​ថា ជៀស​ឆ្ងាយ​ពី​អាហារ​ទាំង ៥ នេះ​មុន​ម៉ោង ១០ ព្រឹក​ប្រសិន​ចង់​មាន​សុខភាព​ល្អ និង​រាង​ស្លីម៖

៥) នំប៉័ង​លាប​បឺរ

1

យោង​តាម​អ្នក​ជំនាញ អ្នក​មិន​ចាំ​បាច់​ត្រូវ​បំបាត់​អាហារ​ដែល​មាន​ជាតិ​ខ្លាញ់ ពី​របប​ពេល​ព្រឹក​ទាំង​ស្រុង​ទេ គ្រាន់​ថា គួរ​ជ្រើសរើស​យក​អាហារ​ដែល​ល្អ​ចំពោះ​សុខភាព។ ការ​ទទួល​ទាន​នំប័ុង​លាប​បឺរ វា​មាន​ជាតិ​ខ្លាញ់​ឆ្អែត​ច្រើន​ណាស់ ដូច្នេះ​មិន​ល្អ​នោះ​ទេ។

ជំនួស​មក​វិញ អ្នក​គួរ​តែ​រោយ​សណ្តែក​ដី​ជំនួស​បឺរ បើ​ចង់​បន្ថែម​រសជាតិ​ទៅ​លើ​នំបុ័ង​នោះ ដោយ​នេះ​វា​ក្រៅ​ពី​ការ​ជួយ​ឲ្យ​ក្រពះ​ឆ្អែត​បាន​យូរ ហើយ​ក៏​ជា​អាហារ​ពេល​ព្រឹក ដែល​មិន​ប៉ះពាល់​សុខភាព​ និង​ការ​ឡើង​ទម្ងន់​ផង​ដែរ។

៤) អាហារ​ធញ្ញជាតិ

2

មនុស្ស​ជា​ច្រើន​សព្វថ្ងៃ​អនុវត្ត​តាម​បែប​បស្ចិម​ប្រទេស គឺ​ពួក​គេ​ទទួល​ទាន​អាហារ​គ្រាប់​ធញ្ញជាតិ​នៅ​ពេល ព្រឹក​ព្រោះ​គិត​ថា​ចំណេញ​ពេលវេលា និង​ងាយស្រួល។ តែ​យ៉ាង​ណា​ជា​ធម្មតា​វា​មាន​ផ្ទុក​ជាតិ​ស្ករ​ខ្ពស់​ណាស់ ដូច្នេះ​គួរ​ជ្រើសរើស​ប្រភេទ​អាហារ​ធញ្ញជាតិ​ដែល​គ្មាន​ជាតិ​ផ្អែម នោះ​ទើប​ល្អ។

វា​មាន​ផ្ទុក​ជាតិ​សរសៃ ជួយ​សម្រួល​ដំណើរការ​ពោះវៀន​នៅ​ពេល​ព្រឹក បញ្ចៀស​ការ​អស់​ថាមពល​នៅ​ពេល​ព្រឹកព្រលឹម​ជា​ដើម។

៣) នំ​ផេនខេក


3

ដោយសារ​តែ​ចង់​ចំណេញ​ពេលវេលា អ្នក​ខ្លះ​ទៅ​ពួក​គាត់​ទម្លាប់​ទទួល​ទាន​នំ​ផេនខេក និង​ទឹក​ដោះ​គោ​មួយ​កែវ។ យ៉ាង​ណា​វា​មាន​ផ្ទុក​នូវ​កាបូអ៊ីដ្រាត​ច្រើន​ណាស់ ហើយ​មាន​ជាតិ​សរសៃ​តិច ខ្លាញ់​ច្រើន ដែល​មិន​ល្អ​ចំពោះ​សុខភាព​ឡើយ។ បើ​ចង់​ចំណេញ​ពេលវេលា គួរ​បែរ​មក​ទទួល​នំប័ុង​ស្រូវ​សាឡី​សុទ្ធ​ល្អ​ជាង។

២) ទឹកដោះគោ​យ៉ាអួរ​មាន​ជាតិ​ខ្លាញ់​ទាប

5 Mon An Nen Tranh Truoc 10 Gio Sang De Vong Eo Thon Gon Dang Mo Uoc 1276129

វា​មាន​ជាតិ​ខ្លាញ់​ទាប​ពិត​មែន ប៉ុន្តែ​វា​ខ្វះ​ប្រូតេអ៊ីន​ដែល​រាងកាយ​ត្រូវការ។ ជា​ការ​ពិត​រៀងរាល់​ព្រឹក​ចាំ​បាច់​ណាស់ ក្នុង​ការ​ស្រូប​យក​ប្រូតេអ៊ីន​ឲ្យ​បាន​គ្រប់គ្រាន់​សម្រាប់​រាងកាយ ដ្បិត​នេះ​វា​អាច​ជួយ​សម្រក​ទម្ងន់ តែ​អាច​នឹង​ធ្វើ​ឲ្យ​អ្នក​មាន​បញ្ហា​ថមថយ​សុខភាព​ទៅ​វិញ។

១) ទឹកផ្លែឈើ​ដែល​ទិញ​ពី​ខាង​ក្រៅ

5

ភាគ​ច្រើន​គេ​មិន​ដាក់​ផ្លែ​ឈើ​ស្រស់​ឲ្យ​យើង​ទាំង​អស់​នោះ​ទេ ពោល​គឺ​នៅ​តែ​បន្ថែម​ជាតិ​ស្ករ​ពី​ខាង​ក្រៅ​មួយ​ចំនួន ដើម្បី​ជួយ​លើក​រសជាតិ។ ដូច្នេះ​ហើយ​វា​ល្អ​សម្រាប់​ការ​រំលាយ​អាហារ ដោយសារ​មាន​ជាតិ​សរសៃ​ខាង​ក្នុង​នោះ តែ​វា​មិន​ល្អ​សម្រាប់​សុខភាព​ឡើយ បើ​និយាយ​ពី​ការ​លើស​ជាតិ​ស្ករ។ យក​ល្អ​គួរ​តែ​ទទួល​ទាន​ផ្លែ​ឈើ​ស្រស់​ទាំង​មូល​តែ​ម្តង ដើម្បី​ជំរុញ​ដល់​ប្រព័ន្ធ​រំលាយ​អាហារ​ឲ្យ​ដំណើរការ​ល្អ ហើយ​មិន​បារម្ភ​រឿង​លើស​ជាតិ​ស្ករ៕

ប្រភព៖ បរទេស | ប្រែ​សម្រួល៖ ក្នុង​ស្រុក