ទទួលទានទឹកឃ្មុំមុនពេលចូលគេង ពិតជាទទួលបានអត្ថប្រយោជន៍ច្រើន ដែលស្មានមិនដល់
ទឹកឃ្មុំជាអាហារផ្តល់អត្ថប្រយោជន៍ល្អៗជាច្រើនដល់សុខភាព។ ដូច្នេះតើអ្នកដឹងទេថា នឹងមានអ្វីកើតឡើង ប្រសិនបើអ្នកញុំាទឹកឃ្មុំជាប្រចាំមុនចូលគេង?
ទឹកឃ្មុំ គឺជាអាហារដ៏អស្ចារ្យ ព្រោះវាមានសារធាតុចិញ្ចឹមជាច្រើន។ ទោះជាយ៉ាងណាក៏ដោយ ទឹកឃ្មុំត្រូវបានគេស្គាល់ថាជាអាហារឱសថផងដែរ ដោយសារតែវាមានអត្ថប្រយោជន៍ច្រើនចំពោះសុខភាព។
ចុះអ្នកមានដឹងទេថា នឹងមានអ្វីកើតឡើង ប្រសិនបើអ្នកញុំាទឹកឃ្មុំជាប្រចាំមុនចូលគេង?
១. គេងលក់ស្រួល
ទឹកឃ្មុំមានផ្ទុកសារធាតុចិញ្ចឹមហៅថា tryptophan ដែលជាអ័រម៉ូនជួយអ្នកឱ្យសម្រាក និងផ្តល់សញ្ញាដល់រាងកាយរបស់អ្នកថាដល់ពេលចូលគេងហើយ។
ទោះបីជារាងកាយរបស់យើងត្រូវការអាស៊ីតអាមីណូនេះក៏ដោយ វាមិនអាចត្រូវបានផលិតដោយធម្មជាតិទេ ហើយយើងអាចទទួលបានវាតាមរយៈអាហារបំប៉នដូចជាទឹកឃ្មុំ។
ពេលខ្លះយើងភ្ញាក់កណ្តាលយប់។ រឿងនេះកើតឡើងដោយសារតែក្នុងអំឡុងពេលគេង ខួរក្បាលរបស់យើងត្រូវការសារធាតុម្យ៉ាងហៅថា glycogen ហើយផលិតក្រពេញ Adrenal ដែលមានទីតាំងនៅក្នុងតម្រងនោម ដើម្បីរុញច្រាន adrenaline និង cortisol ដែលការពារអ្នកពីការងងុយគេង។
ជាសំណាងល្អ ទឹកឃ្មុំមានផ្ទុក glycogen ដូច្នេះការទទួលទានវាមុនពេលចូលគេងនឹងជួយអ្នកឱ្យចៀសផុតពីការប្រញាប់ប្រញាល់របស់ adrenaline និងធានាបាននូវការគេងលក់ស្រួល។
២. ជួយកាត់បន្ថយសម្ពាធឈាម
សម្ពាធឈាមខ្ពស់ គឺជាការរួមចំណែកយ៉ាងសំខាន់ក្នុងហានិភ័យនៃជំងឺបេះដូង ដូច្នេះការរក្សាវាឱ្យនៅកម្រិតមធ្យម និងស្ថិរភាព គឺជាវិធីដ៏ល្អ ដើម្បីចៀសវាងផលវិបាកនៃបេះដូង។
ទឹកឃ្មុំមានផ្ទុកនូវសារធាតុប្រឆាំងអុកស៊ីតកម្ម ដែលត្រូវបានបង្ហាញថាជួយកាត់បន្ថយសម្ពាធឈាម ដូច្នេះការទទួលទានទឹកឃ្មុំមួយស្លាបព្រានៅពេលយប់ គឺជាវិធីដ៏ល្អក្នុងការបង្ការជំងឺលើសឈាម។
៣. កាត់បន្ថយកម្រិតទ្រីគ្លីសេរីត
Triglycerides គឺជាប្រភេទខ្លាញ់ដែលមាននៅក្នុងឈាម។ កម្រិតទ្រីគ្លីសេរីតខ្ពស់មានន័យថា ហានិភ័យខ្ពស់នៃការវិវត្តទៅជាជំងឺបេះដូង និងជំងឺទឹកនោមផ្អែម។ ទឹកឃ្មុំត្រូវបានផ្សារភ្ជាប់ទៅនឹងការថយចុះកម្រិតទ្រីគ្លីសេរីដនៅក្នុងខ្លួន។
៤. ពង្រឹងប្រព័ន្ធភាពស៊ាំ
ទឹកឃ្មុំសម្បូរទៅដោយសារធាតុប្រឆាំងអុកស៊ីតកម្ម និងសារធាតុប្រឆាំងបាក់តេរីដែលពង្រឹងប្រព័ន្ធការពាររាងកាយរបស់អ្នក ធ្វើឱ្យអ្នកកាន់តែរឹងមាំក្នុងការប្រយុទ្ធប្រឆាំងនឹងការឆ្លងមេរោគ ដែលបណ្តាលមកពីអតិសុខុមប្រាណដូចជាបាក់តេរី ផ្សិ ត និងមេរោគជាច្រើន។
បន្ថែមពីលើការទទួលទានវាជារៀងរាល់យប់ ដើម្បីបង្កើនការការពារធម្មជាតិរបស់អ្នក វាក៏អាចលាបលើមុខរបួសផងដែរ ដើម្បីឱ្យភ្នាក់ងារប្រឆាំងបាក់តេរីមានប្រសិទ្ធភាព។
រាងកាយរបស់អ្នកនឹងចាប់ផ្តើមដុតបំផ្លាញជាតិខ្លាញ់លឿនជាងមុន។ ការផឹកទឹកឃ្មុំបង្កើនការរំលាយអាហាររបស់អ្នកដោយបង្កើតឥទ្ធិពល thermogenic លើរាងកាយរបស់អ្នក។ នេះមានន័យថា វាជួយបង្កើនឈាមរត់ដែលបង្កើនសីតុណ្ហភាពរាងកាយរបស់អ្នកបន្តិច ជួយអ្នកដុតខ្លាញ់ដោយមិនបាច់ប្រឹងប្រែងច្រើន។
៥. ព្យាបាលការក្អក
ទឹកឃ្មុំ គឺជាថ្នាំប្រឆាំងនឹងការរលាកធម្មជាតិ។ ដូច្នេះ ដោយការទទួលទានទឹកឃ្មុំមួយស្លាបព្រាបាយ លាយជាមួយទឹកក្តៅឧណ្ហៗជារៀងរាល់យប់ អ្នកអាចកាត់បន្ថយអាការរមាស់បំពង់ក និងចៀសវាងការក្អកបាន។ លើសពីនេះ ទឹកឃ្មុំ គឺជាអង់ទីប៊ីយ៉ូទិកដ៏ល្អ ដែលអាចជួយប្រឆាំងនឹងបាក់តេរីផ្សេងៗនៅក្នុងបំពង់ក។
៦. ដើរតួជាជំនួយការប្រឆាំងភាពចាស់ប្រចាំថ្ងៃ
វិធីសាស្រ្តធម្មជាតិដ៏ល្អបំផុតដើម្បីបន្ថយភាពចាស់ គឺការទទួលទានសារធាតុប្រឆាំងអុកស៊ីតកម្ម ហើយទឹកឃ្មុំពោរពេញទៅដោយសារធាតុប្រឆាំងអុកស៊ីតកម្ម។
វាតែងតែជាគំនិតល្អក្នុងការផ្តល់សំណើម ជាមួយនឹងសេរ៉ូមដែលចិញ្ចឹមស្បែករបស់អ្នក ប៉ុន្តែការទទួលទានទឹកឃ្មុំរាល់យប់មុនពេលចូលគេង នឹងជួយអ្នកប្រឆាំងនឹងសញ្ញានៃភាពចាស់ពីខាងក្នុង ធ្វើឱ្យវាក្លាយជា "ជំនួយការ" ដ៏មានឥទ្ធិពល។
៧. ជួយព្យាបាលជំងឺធ្លាក់ទឹកចិត្ត
ទឹកឃ្មុំមានផ្ទុកសារធាតុ polyphenols ដែលជាសារធាតុគីមីសរីរាង្គដែលជួយប្រយុទ្ធប្រឆាំងនឹងជំងឺធ្លាក់ទឹកចិត្ត ដោយប្រឆាំងនឹងភាពតានតឹងអុកស៊ីតកម្មនៅក្នុងកោសិកាខួរក្បាលរបស់អ្នក។
ប្រសិនបើអ្នកចង់រក្សាសុខភាពផ្លូវចិត្ត និងភ្ញាក់ពីដំណេក នោះការញុំាទឹកឃ្មុំបន្តិចរៀងរាល់យប់នឹងអាចជួយអ្នក៕
ប្រភព ៖ Phunutoday / Knongsrok
Recent News
