គុណវិបត្តិដ៏ធំ សម្រាប់មនុស្សទាំង១០ប្រភេទនេះ បើអ្នកទទួលទានតែបៃតង
ដ្បិតអីតែបៃតង មានអត្ថប្រយោជន៍ច្រើនចំពោះសុខភាព និងរាងកាយ ជាពិសេស គឺល្អចំពោះអ្នកដែលមានបំណងចង់សម្រកទម្ងន់។ តែយ៉ាងណាមិញ សម្រាប់មនុស្សទាំង១០ប្រភេទខាងក្រោមនេះ ពុំគួរទទួលទានតែបៃតងនោះឡើយ ព្រោះវាបង្កជាបញ្ហា និងមានគុណវិបត្តិច្រើនណាស់ចំពោះសុខភាព និងរាងកាយអ្នក។
១. មនុស្សដែលមានបញ្ហាទល់លាមក
តែបៃតង មានផ្ទុកសារធាតុ phenols ដែលពាក់ព័ន្ធដល់ស្រទាប់ក្រពះ និងពោះវៀន។ ប្រសិទ្ធភាពនេះនឹងមានប្រយោជន៍ខ្លាំងសម្រាប់អ្នកដែលចង់សម្រកទម្ងន់ ប៉ុន្តែមានគុណវិបត្តិខ្លាំងសម្រាប់អ្នកដែលមានការទល់លាមក។
ព្រោះនៅពេលដែលស្រទាប់ក្រពះ និងពោះវៀនត្រូវបានកន្ត្រាក់ វានឹងធ្វើឱ្យអ្នកមានការរំលាយអាហារ ធ្វើឱ្យការទល់លាមកកាន់តែធ្ងន់ធ្ងរ។
២. កុមារអាយុក្រោម ៣ ឆ្នាំ
ក្មេងអាយុក្រោម ៣ ឆ្នាំ នឹងក្លាយទៅជាស្លេកស្លាំង ប្រសិនបើពួកគាត់ញុំាតែបៃតង។ នេះគឺមានគ្រោះថ្នាក់ខ្លាំងណាស់ ដោយសារតែនៅក្នុងតែបៃតងមានផ្ទុកអាស៊ីត tannic នៅពេលដែលផ្សំជាមួយជាតិដែក វានឹងបង្កើតប្រតិកម្មមិនល្អដល់រាងកាយ ធ្វើឱ្យកម្រិតជាតិដែកចុះខ្សោយ។
ខណៈពេលដែលជាតិដែកគឺជា "វត្ថុធាតុដើម" សំខាន់ដើម្បីបង្កើតឈាម។ ដូច្នេះតែបៃតងមិនគួរផ្តល់ដល់កុមារអាយុក្រោម៣ឆ្នាំឡើយ។
៣. មនុស្សដែលមានជំងឺគ្រុនក្តៅខ្លាំង
ជាតិកាហ្វេអ៊ីននៅក្នុងតែបៃតង នឹងកាត់បន្ថយប្រសិទ្ធភាពនៃថ្នាំប្រឆាំងនឹងរោគ។ ដូច្នេះ អ្នកមិនគួរផឹកតែបៃតងរួមជាមួយថ្នាំក្នុងពេលក្តៅខ្លួនខ្លាំងនោះទេ។
៤. ស្ត្រីមានផ្ទៃពោះ និងបំបៅដោះកូន
តែមានជាតិកាហ្វេអ៊ីន តានីន សារធាតុទាំងនេះប៉ះពាល់យ៉ាងធ្ងន់ធ្ងរដល់ការវិវត្តរបស់ទារក ដូច្នេះស្ត្រីមានផ្ទៃពោះមិនគួរប្រើតែ។ អ្នកជំនាញណែនាំស្ត្រីបំបៅដោះកូនកុំផឹកតែចាស់ ព្រោះជាតិកាហ្វេអ៊ីននឹងឆ្លងចូលទៅក្នុងទឹកដោះម្តាយ ដែលធ្វើឱ្យទារកគេងតិច។
៥. អ្នកជំងឺសរសៃឈាមបេះដូង ជំងឺលើសឈាម
សម្រាប់អ្នកដែលមានជំងឺសរសៃឈាមបេះដូង ដែលមានចង្វាក់បេះដូងលោតញាប់ ជាតិកាហ្វេអ៊ីន និង ធាហ្វីលីន ក្នុងតែ គឺជាសារធាតុរំញោចដែលបង្កើនអត្រាបេះដូង ធ្វើឱ្យស្ថានភាពកាន់តែធ្ងន់ធ្ងរ។ លើសពីនេះ ប្រសិនបើអ្នកជំងឺលើសឈាម ផឹកតែកំហាប់ច្រើន ជាតិកាហ្វេអ៊ីនក្នុងតែនឹងបង្កើនសម្ពាធឈាម ដែលបង្កគ្រោះថ្នាក់ដល់សុខភាព។
៦. អ្នកដែលមានជំងឺថ្លើម ក្រួសក្នុងតម្រងនោម
សារធាតុភាគច្រើនរួមទាំងជាតិកាហ្វេអ៊ីននៅក្នុងតែ ត្រូវបានរំលាយដោយថ្លើម។ ប្រសិនបើអ្នកមានជំងឺថ្លើម អ្នកគួរតែចៀសវាងការផឹកតែ ព្រោះការផឹកតែច្រើនពេក បើធៀបនឹងសមត្ថភាពរំលាយអាហារនឹងធ្វើឱ្យខូចថ្លើម។ អ្នកដែលមានក្រួសក្នុងផ្លូវទឹកនោម ក៏មិនគួរផឹកតែដែរ ព្រោះអាស៊ីត oxalic នៃទឹកតែនឹងរួមផ្សំជាមួយនឹងជាតិកាល់ស្យូមក្នុងទឹកនោម ហើយនាំឱ្យកើតគ្រួស។
៧. អ្នកដែលមានដំបៅក្រពះ ទល់លាមក
ការផឹកតែអាចបង្កើនបរិមាណអាស៊ីតនៅក្នុងក្រពះ។ នេះធ្វើឱ្យដំបៅនៅក្នុងក្រពះកាន់តែធ្ងន់ធ្ងរ។ លើសពីនេះ អ្នកដែលទល់លាមកមិនគួរផឹកតែទេ ព្រោះជាតិកាហ្វេអ៊ីន និងតានីននៅក្នុងតែធ្វើឱ្យការទល់លាមកកាន់តែធ្ងន់ធ្ងរ។
៨. អ្នកដែលមានបញ្ហាសរសៃប្រសាទ និងគេងមិនលក់
តែបៃតងបណ្តាលឱ្យមានអារម្មណ៍រំជើបរំជួលផ្លូវចិត្ត ព្រោះវាផ្ទុកជាតិកាហ្វេអ៊ីន ដែលនឹងធ្វើឱ្យអ្នកកាន់តែមានការប្រុងប្រយ័ត្ននៅពេលធ្វើការ ឬចង់ផ្តោតលើអ្វីមួយ។ ប៉ុន្តែវានឹងធ្វើឱ្យអ្នកបាត់បង់ដំណេក នៅពេលដែលប្រព័ន្ធសរសៃប្រសាទកណ្តាលត្រូវបាន "ភ្ញាក់" នៅពេលប្រើនៅពេលយប់។
ហើយជាការពិតណាស់ អ្នកដែលគេងមិនលក់ និងជំងឺសរសៃប្រសាទ មិនគួរផឹកតែបៃតងទេ ព្រោះវានឹងធ្វើឱ្យជំងឺរបស់អ្នកកាន់តែធ្ងន់ធ្ងរ។
៩. មនុស្សខ្វះអាហារូបត្ថម្ភ
ទឹកតែមានឥទ្ធិពលបំបែកជាតិខ្លាញ់ ដូច្នេះហើយ ប្រសិនបើអ្នកខ្វះអាហារូបត្ថម្ភ ផឹកតែជាប្រចាំ វានឹងធ្វើឱ្យរាងកាយចុះខ្សោយ។ ជាងនេះទៅទៀត អ្នកមិនគួរផឹកតែពេលពោះទទេនោះទេ ព្រោះវាមានឥទ្ធិពលអាក្រក់ដល់សុខភាព ធ្វើឱ្យរាងកាយងាយនឹងទទួលរងការពុលតែជាមួយនឹងអារម្មណ៍មិនស្រួល ហៀរសម្បោរ និងវិលមុខ។
ការផឹកតែពេលពោះទទេ នឹងធ្វើឱ្យអាស៊ីតក្រពះរំលាយ រារាំងការបញ្ចេញទឹកក្រពះ រំខានដល់ការរំលាយអាហារ និងងាយបង្កឱ្យរលាកស្រទាប់ក្រពះ។ លើសពីនេះទៀតអ្នកមិនគួរប្រើតែដើម្បីលេបថ្នាំទេ។ នេះគឺដោយសារតែ tannins និង theophylline ក្នុងតែបង្កឱ្យមានប្រតិកម្មគីមីជាមួយនឹងថ្នាំមួយចំនួន ដែលអាចកាត់បន្ថយប្រសិទ្ធភាពរបស់ថ្នាំ។
១០. អ្នកដែលមានជំងឺពុកឆ្អឹង សរសៃប្រសាទ
ការផឹកតែច្រើន កំណត់ការស្រូបយកជាតិកាល់ស្យូម និងបង្កើនបរិមាណសារធាតុរ៉ែនេះដែលបញ្ចេញក្នុងទឹកនោម ធ្វើឱ្យរាងកាយខ្វះជាតិកាល់ស្យូម នាំឱ្យកើតជំងឺពុកឆ្អឹង។ អ្នកដែលមានជំងឺសរសៃប្រសាទ ក៏មិនគួរផឹកតែនៅពេលរសៀល និងពេលល្ងាចដែរ ព្រោះជាតិកាហ្វេអ៊ីនក្នុងតែជួយជម្រុញខួរក្បាល ធ្វើឱ្យអ្នកគេងមិនលក់ ធ្វើឱ្យស្ថានភាពកាន់តែធ្ងន់ធ្ងរ៕
ប្រភព ៖ Phunutoday / Knongsrok
Recent News
