សាកល្បងតមអាហារទាំង ៥ មុខនេះ រយៈពេលត្រឹមតែមួយខែ អ្នកនឹងមើលឃើញរាងកាយរបស់អ្នកប្រែប្រួលកាន់តែពិសេស
បន្ថែមពីលើកត្តាអាយុ ការញុំាអាហារប្រចាំថ្ងៃជាមួយអាហារមួយចំនួន ក៏ជាមូលហេតុនៃភាពចាស់យ៉ាងឆាប់រហ័សផងដែរ។ ដូច្នេះ របបអាហាររបស់អ្នក អ្នកគួរតែកាត់បន្ថយអាហារទាំង ៥ មុខខាងក្រោមនេះ រយ់ពេលត្រឹមតែមួយខែប៉ុណ្ណោះ អ្នកនឹងឃើញប្រសិទ្ធភាពកាន់តែពិសេស ចំពោះរាងកាយរបស់អ្នក។
១. សណ្តែកសៀងចម្រាញ់ និងប្រេងបន្លែ
សណ្តែកសៀង និងប្រេងបន្លែ សុទ្ធតែជាអាហារដែលផ្តល់សុខភាព។ ទោះជាយ៉ាងណាក៏ដោយ នៅក្នុងដំណើរការចម្រាញ់ វានឹងមានសារធាតុបន្ថែមដែលបង្កគ្រោះថ្នាក់ជាច្រើនទៀត។ ប្រេង និងអាហារចម្រាញ់មានសារធាតុគីមីរលាកជាច្រើនដែលបំផ្លាញរាងកាយ។
រ៉ាឌីកាល់សេរីនឹងបំផ្លាញភ្នាសកោសិកា ដែលនាំឱ្យមិនត្រឹមតែភាពចាស់ប៉ុណ្ណោះទេ ថែមទាំងជំងឺជាច្រើនទៀតផងដែរ។ អ្នកអាចជំនួសប្រេងបន្លែជាមួយប្រេងអូលីវ ប្រេងដូង ... ដើម្បីចៀសវាងជំងឺសម្រាប់រាងកាយ។
២. អាហារសម្បូរប្រូតេអ៊ីន និងខ្លាញ់
អាហារដូចជា សាច់ក្រក ប្រហិត ... ជាអាហារកែច្នៃ និងមានផ្ទុកជាតិខ្លាញ់ឆ្អែតច្រើន ធ្វើឱ្យឡើងទម្ងន់ដោយមិនអាចគ្រប់គ្រងបាន។ ជាមួយនឹងការទទួលទានអាហារទាំងនេះជាប្រចាំ បរិមាណកូឡេស្តេរ៉ុល និងខ្លាញ់ក្នុងឈាមនឹងកើនឡើង ដែលបណ្តាលឱ្យលើសទម្ងន់ និងរលាក។ នេះមិនត្រឹមតែបង្កគ្រោះថ្នាក់ដល់រាងកាយប៉ុណ្ណោះទេ ប៉ុន្តែថែមទាំងធ្វើឱ្យស្បែកកាន់តែអាក្រក់ មុន និងឆាប់ចាស់ទៀតផង ។
៣. កាហ្វេ
ការផឹកកាហ្វេបានត្រឹមត្រូវ គឺមានប្រយោជន៍ខ្លាំងណាស់សម្រាប់រាងកាយមនុស្ស ប៉ុន្តែការផឹកកាហ្វេជាប្រចាំក៏អាចធ្វើឱ្យរាងកាយមនុស្សបាត់បង់ជាតិទឹក ធ្វើឱ្យស្បែកមិនរក្សាភាពយឺត ខ្វះជាតិទឹក ដូច្នេះស្បែកនឹងបាត់បង់ពណ៌ធម្មជាតិ ធ្វើឱ្យអ្នកឆាប់ចាស់។
៤. អាហារប្រៃ
អាហារនេះមានអំបិលច្រើន អំបិលច្រើនពេកក៏អាចធ្វើឱ្យកោសិការួញ និងនាំឱ្យខ្សោះជាតិទឹក។ ទឹកមិនគ្រប់គ្រាន់ធ្វើឱ្យស្បែកយើងជ្រីវជ្រួញ ហើយធ្វើឱ្យយើងចាស់កាន់តែចាស់ ។
៥. អាហារបំពង និងអាហារដែលបានរៀបចំ
អាហារបំពងមានផ្ទុកនូវខ្លាញ់ trans ច្រើន ដែលមិនត្រឹមតែធ្វើឱ្យខូចបេះដូង ធ្វើឱ្យឡើងទម្ងន់លឿនប៉ុណ្ណោះទេ ថែមទាំងបង្កឱ្យកើតមុន ស្នាមមុន ធ្វើឱ្យស្បែកមិនស្រួច។
គ្រឿងផ្សំនៃអាហារកែច្នៃដូចជាសាច់ក្រកមិនស្រស់ បន្ទាប់ពីកែច្នៃ ហើយសារធាតុបន្ថែមជាច្រើន ត្រូវបានបន្ថែមអំឡុងពេលកែច្នៃ។ ពួកវាមានរសជាតិឆ្ងាញ់ ប៉ុន្តែវានឹងពន្លឿនដំណើរការនៃភាពចាស់នៃរាងកាយរបស់មនុស្ស៕
ប្រភព ៖ Phunutoday / Knongsrok
Recent News
