ស្ដេចបន្សាបជាតិពុលក្នុងថ្លើមទាំង ៧ មុខ ដែលគ្រប់គ្នាគួរតែដឹង

មុខងារសំខាន់របស់ថ្លើមគឺ កម្ចាត់ចោលនូវកាកសំណល់ទាំងអស់ចេញពីរាងកាយ។ ថ្លើមក៏ជួយគ្រប់គ្រងជាតិខ្លាញ់ និងកាបូអ៊ីដ្រាតក្នុងឈាម ដកជាតិពុលចេញពីឈាម ធ្វើឱ្យអង់ស៊ីមសកម្ម និងរំលាយជាតិអាល់កុលផងដែរ។

ថ្លើមធ្វើកិច្ចការសំខាន់ៗជាង ៣០០ ផ្សេងៗគ្នា ដូច្នេះវាត្រូវបានគេចាត់ទុកថាជាសរីរាង្គអព្ភូតហេតុបំផុតនៅក្នុងរាងកាយ។ ទោះជាយ៉ាងណាក៏ដោយ ការទទួលទានអាហារកែច្នៃ ការប៉ះពាល់ញឹកញាប់ទៅនឹងសារធាតុពុលពីបរិស្ថាន ឬភាពតានតឹង សុទ្ធតែជាកត្តាដែលនាំឱ្យថ្លើមធ្វើការលើសទម្ងន់។

នៅពេលដែលថ្លើមធ្វើការលើសទម្ងន់ មុខងារថ្លើមក្នុងការច្រោះជាតិពុល និងខ្លាញ់លើសចេញពីរាងកាយនឹងចុះខ្សោយ។ ដែលបណ្តាលឱ្យមានជម្ងឺគ្រោះថ្នាក់ជាច្រើនកើតឡើង។

ដើម្បីជម្រុញថ្លើមឱ្យបន្សាបជាតិពុលប្រកបដោយប្រសិទ្ធភាព អ្នកគួរតែទទួលទានអាហារទាំងនេះឱ្យបានទៀងទាត់។

១. ផ្លែក្រូចឆ្មា

ផ្លែឈើទាំងនេះសម្បូរទៅដោយវីតាមីន C ដែលជួយបង្កើនអង់ស៊ីមបន្សាបជាតិពុល ជួយសម្អាតថ្លើមតាមបែបធម្មជាតិ។ អ្នកអាចជ្រើសរើសផ្លែក្រូចដូចជា ក្រូច ក្រូចថ្លុង ក្រូចឆ្មាជាដើម។

២. ខ្ទឹម

ខ្ទឹម​ស​ត្រូវ​បាន​គេ​ចាត់​ទុក​ថា​ជា​ឱសថ​មាស ​ជួយ​ព្យាបាល​ជំងឺ​ថ្លើម។ អាហារ​នេះ​ជួយ​ធ្វើឱ្យ​អង់ស៊ីម​នៅក្នុង​ថ្លើម​សកម្ម ជួយ​ឱ្យ​ថ្លើម​កម្ចាត់​ជាតិពុល​ចេញពី​រាងកាយ។ មិនត្រឹមតែប៉ុណ្ណោះ ខ្ទឹមសក៏មានផ្ទុកនូវសារធាតុ allicin និង selenium យ៉ាងច្រើនផងដែរ។

ទាំងនេះ គឺជាសមាសធាតុធម្មជាតិពីរ ដែលជួយបង្កើនសមត្ថភាពថ្លើមក្នុងការបន្សាបជាតិពុល។ មាតិកាខ្ពស់នៃ methionine នៅក្នុងខ្ទឹមសក៏មានប្រសិទ្ធភាពផងដែរក្នុងការលើកកម្ពស់ការរំលាយជាតិខ្លាញ់នៅក្នុងថ្លើម និងការពារការខូចខាតថ្លើមដែលបណ្តាលមកពីជាតិពុល និងការរលាក។

Image_2022 01 11_155737

៣. តែ


តែបៃតងនាំមកនូវអត្ថប្រយោជន៍សុខភាពជាច្រើនប្រភេទ អត្ថប្រយោជន៍ដ៏ល្បីមួយ គឺការសម្រកទម្ងន់។ លើសពីនេះ តែបៃតងក៏ជួយកម្ចាត់ជាតិខ្លាញ់ចេញពីថ្លើមផងដែរ។ តែបៃតងសម្បូរទៅដោយសារធាតុប្រឆាំងអុកស៊ីតកម្មដែលហៅថា catechins ដែលជួយកម្ចាត់ខ្លាញ់កកកុញចេញពីថ្លើម និងជួយកែលម្អមុខងារថ្លើម។

៤. ក្រូចថ្លុង

ក្រូចថ្លុង​ជា​ប្រភព​សម្បូរ​វីតាមីន C និង​សារធាតុ​ប្រឆាំង​អុកស៊ីតកម្ម។ ដូច្នេះហើយ ផ្លែឈើនេះជួយទ្រទ្រង់មុខងារបន្សាបជាតិពុលរបស់ថ្លើម។ ការផឹកទឹកក្រូចថ្លុងមួយពែងអាចជួយឱ្យថ្លើមផលិតអង់ស៊ីមជាច្រើន បង្កើនមុខងារកម្ចាត់សារធាតុពុលចេញពីរាងកាយ។

៥. រមៀត

ដូចខ្ទឹមសដែរ រមៀតគឺជាគ្រឿងទេសដែលប្រើក្នុងផ្ទះបាយ។ មើមនេះល្អ ជាពិសេសសម្រាប់ថ្លើម។ រមៀតមានសារធាតុ curcumin ដែលជួយបណ្តេញជាតិពុល។ លើសពីនេះ វាក៏ជួយជួសជុល និងបង្កើតកោសិកាថ្លើមដែលមានសុខភាពល្អឡើងវិញផងដែរ។

Image_2022 01 11_155856

៦. បន្លែបៃតង

នេះ​ត្រូវ​បាន​គេ​ចាត់​ទុក​ថា​ជា “ដៃគូ” ដែល​ជួយ​បន្សាប​ជាតិពុល​ពី​ថ្លើម​យ៉ាង​មាន​ប្រសិទ្ធភាព។ នៅក្នុងបន្លែពណ៌បៃតង មានសារធាតុក្លរ៉ូហ្វីលច្រើន ដែលអាចជួយថ្លើមកម្ចាត់ជាតិពុលចេញពីបរិស្ថាន ព្រមទាំងបន្សាបលោហធាតុធ្ងន់ និងសារធាតុគីមីមួយចំនួនទៀតនៅក្នុងខ្លួន។

៧. គ្រាប់ Walnut

បន្ថែមពីលើអាស៊ីតខ្លាញ់អូមេហ្គា៣ និងអាស៊ីតអាមីណូ គ្រាប់ Walnut ក៏មានផ្ទុកសារធាតុ arginine ដែលជួយសម្អាតថ្លើមផងដែរ។ Omega-3 ជួយក្នុងការបន្សាបជាតិពុល ដែលល្អសម្រាប់ថ្លើមរបស់អ្នក៕

ប្រភព ៖ Phunutoday / Knongsrok