សញ្ញាព្រមានទាំង ៧ នៃជំងឺមហារីកកំពុងវិវត្ត ប៉ុន្តែ 90% មនុស្សតែងតែព្រងើយកន្តើយ
ជំងឺមហារីកជាជំងឺដ៏គ្រោះថ្នាក់ដែលគ្មាននរណាម្នាក់ចង់កើតឡើយ ប៉ុន្តែវាក៏ជាជំងឺដែលពិបាករកឱ្យឃើញផងដែរ ព្រោះរោគសញ្ញាដំបូងតែងតែច្រឡំជាមួយនឹងជំងឺតូចៗផ្សេងទៀត។ នៅពេលដែលរាងកាយរបស់មនុស្សមានបញ្ហា វាបញ្ជូនសញ្ញាមកយើងក្នុងទម្រង់ជារោគសញ្ញា ដើម្បីអោយអ្នកដឹងថាមានអ្វីមួយខុសប្លែក។ គួរឲ្យសោកស្តាយ មនុស្សជាច្រើនមិនអើពើនឹងរោគសញ្ញាទាំងនេះ ហើយគិតថាវាគ្រាន់តែជាជំងឺស្រាលតូចតាចប៉ុណ្ណោះ អ្វីៗនឹងល្អប្រសើរ។
រោគសញ្ញាមួយចំនួនដែលអាចជាសញ្ញាព្រមានអំពីជំងឺមហារីក ហើយអ្នកគួរតែយកចិត្តទុកដាក់ ប្រសិនបើអ្នកឃើញសញ្ញាទាំងនេះនៅលើខ្លួនអ្នក ឬមនុស្សជាទីស្រលាញ់ សូមកុំគិតថាវាជាមហារីកភ្លាមៗ ប៉ុន្តែកុំព្រងើយកន្តើយ។ ទោះជាយ៉ាងណាក៏ដោយ ជាការល្អបំផុតទៅពិនិត្យ និងពិគ្រោះជាមួយវេជ្ជបណ្ឌិត។
1. កើតមានដុំសាច់នៅលើស្បែក
ដុំសាច់ត្រូវបានគេចាត់ទុកថាជាសញ្ញានៃជំងឺមហារីកស្បែក ឬមហារីកសុដន់។ រោគសញ្ញាផ្សេងទៀតដែលត្រូវប្រុងប្រយ័ត្នរួមមាន:
- ដុំសាច់រឹងនៅក្នុងសុដន់ ឬក្លៀក។
- រលាកស្បែកដោយគ្មានមូលហេតុ ឬកន្ទួលដែលមិនទាក់ទងនឹងអាហារ ឬអាឡែស៊ីលើគ្រឿងសម្អាង។
- មានដំបៅនៅកណ្តាលដុំសាច់។
- ប្រជ្រុយចំឡែកកើតនៅលើស្បែក ឬការផ្លាស់ប្តូររូបរាងនៃចំណុចកំណើតរបស់ប្រជ្រុយ។
2. ក្អកជាប់រហូត
ការក្អកជាប់រហូតមិនបាត់ គឺជារោគសញ្ញាមួយនៃជំងឺមហារីកសួត។ រោគសញ្ញាបន្ថែមដូចជា៖
- ការថយចុះចំណង់អាហារ។
- បាត់បង់ទំងន់រាងកាយភ្លាមៗ។
- នៅដំណាក់កាលក្រោយ មហារីកសួតអាចបណ្តាលឱ្យក្អកមានឈាម និងពិបាកដកដង្ហើម។
3. រមាស់ស្បែក
ក្នុងករណីភាគច្រើន កន្ទួលលើស្បែកមិនទាក់ទងនឹងដុំសាច់នោះទេ ប៉ុន្តែបទពិសោធន៍ព្យាបាលបានបង្ហាញពីទំនាក់ទំនងយ៉ាងច្បាស់លាស់រវាងជំងឺមហារីក និងស្ថានភាពនៃកន្ទួលរមាស់នេះ។
- បញ្ហាដុំសាច់ស្បូនអាចបណ្តាលឱ្យរមាស់ប្រដាប់បន្តពូជ។
- មហារីកខួរក្បាលអាចបណ្តាលឱ្យរមាស់ក្នុងរន្ធច្រមុះ។
4. បញ្ហាពោះវៀន
បញ្ហាពោះវៀនដូចជាមហារីកពោះវៀនអាចបណ្តាលឱ្យមានរោគសញ្ញាដូចខាងក្រោមៈ
- ឈាមក្នុងលាមក។
- មានទឹករំអិល ឬខ្ទុះពេលបន្ទោបង់
- មិនអាចគ្រប់គ្រងការបន្ទោរបង់បាន។
5. មានបញ្ហាពេលនោម
ទាំងនេះអាចជាសញ្ញានៃជំងឺមហារីកតម្រងនោម ដែលត្រូវបានរកឃើញជាមួយនឹងរោគសញ្ញាបន្ថែមមួយចំនួនទៀតផងដែរ៖
- ឈាមនៅពេលនោម។
- ជម្ងឺលើសឈាម។
- ឈឺចាប់ក្នុងតម្រងនោម(ក្រលៀន)។
- ភាពទន់ខ្សោយរ៉ាំរ៉ៃ។
6. ការសម្រកទម្ងន់ដែលមិនអាចពន្យល់បាន
ការសម្រកទម្ងន់ដែលមិនអាចពន្យល់បានអាចកើតឡើងនៅពេលដែលអ្នកមានជំងឺមហារីកក្រពះ។ នៅដំណាក់កាលដំបូង ការពិនិត្យព្យាបាលគឺមិនសូវច្បាស់ទេ។ ទោះយ៉ាងណាក៏ដោយ រោគសញ្ញាខាងក្រោមគឺជាការបង្ហាញពីការឈានដល់មហារីកក្រពះដំណាក់កាលដំបូង៖
- ធុញទ្រាន់នឹងការបរិភោគសាច់។
- ឆាប់ឆ្អែត (អារម្មណ៍ដែលអ្នកបានញ៉ាំច្រើនពេក នៅពេលដែលការពិតអ្នកបានញ៉ាំក្នុងបរិមាណតិចតួច)។
- ភាពស្លេកស្លាំង។
- ភាពលំបាកនៃចលនាអាហារតាមពោះវៀន។
7. ឈឺបំពង់ក
ការឈឺបំពង់កជាប់រហូតអាចជារោគសញ្ញានៃជំងឺមហារីកបំពង់ក។ អ្នកគួរតែទៅជួបគ្រូពេទ្យឆាប់ៗប្រសិនបើមានរោគសញ្ញាខាងក្រោមនេះ៖
- ពិបាកដកដង្ហើម និងការលេប។
-មានអារម្មណ៍ថាមានដុំសាច់ក្នុងបំពង់ក និងមានអារម្មណ៍ថាដុំសាច់នោះរីកធំ ។
- ស្អកនាំឱ្យបាត់បង់សំឡេង។
- ក្អកមានឈាម ខ្យល់ដង្ហើមមិនល្អ។
សញ្ញាទាំងនេះមិនប្រាកដថាជាមហារីក១០០%ទេ ព្រោះវាអាចទាក់ទងនឹងជំងឺផ្សេងៗ។ ទោះជាយ៉ាងណាក៏ដោយ ប្រសិនបើអ្នកសម្គាល់ឃើញចំណុចណាមួយខាងលើ សូមកុំព្រងើយកន្តើយ។ ទៅជួបគ្រូពេទ្យឱ្យបានឆាប់តាមដែលអាចធ្វើទៅបាន ព្រោះមិនថាជំងឺអ្វីនោះទេ ការព្យាបាលទាន់ពេលវេលាគឺមានប្រយោជន៍ល្អសម្រាប់អ្នកដើម្បីព្យាបាលឱ្យបានទាន់ពេលវេលា៕
ប្រែសម្រួល៖ វីរៈ
Recent News
