មិនមែនធម្មតាទេ! ផលប៉ះពាល់ ៨ យ៉ាងកើតឡើងពីជំងឺបាក់ទឹកចិត្ត
ជំងឺធ្លាក់ទឹកចិត្តគឺជាជំងឺផ្លូវចិត្តដែលប៉ះពាល់ដល់មនុស្ស ២៦៤ លាននាក់នៅទូទាំងពិភពលោក។ ជំងឺនេះផ្លាស់ប្តូរមិនត្រឹមតែផ្លូវចិត្តប៉ុណ្ណោះទេ ថែមទាំងរាងកាយទៀតផង។ វាប៉ះពាល់ដល់សុខភាពរាងកាយ និងអាចបង្កឱ្យមានជំងឺធ្ងន់ធ្ងរផ្សេងទៀត។
ចំណែកខាងក្រោមនេះគឺជាការបង្ហាញអំពីលទ្ធផលឥទ្ធិពលចំពោះរាងកាយដែលអាចកើតមានដោយសារជំងឺធ្លាក់ទឹកចិត្ត។
1. ប៉ះពាលដល់មុខងារតម្រងនោម
ជំងឺធ្លាក់ទឹកចិត្តប៉ះពាល់ដល់អ្នកដែលមានជំងឺតម្រងនោមរ៉ាំរ៉ៃ និងអ្នកដែលមានតម្រងនោមមានសុខភាពធម្មតា។ វាក៏បង្កើនល្បឿនការវិវត្តនៃជំងឺផងដែរ។ មូលហេតុមួយក្នុងចំណោមហេតុផលដែលអាចកើតមានអាចជា ការកើនឡើងនៃប្រូតេអ៊ីនរលាក ដែលបង្កដំណើរការអូតូអ៊ុយមីន។
2. ប៉ះពាល់ដល់ក្រពះពោះវៀន
ខួរក្បាលរបស់យើងមានទំនាក់ទំនងយ៉ាងជិតស្និទ្ធជាមួយនឹងក្រពះពោះវៀន។ វាមានឥទ្ធិពលដល់ផ្លូវអារម្មណ៍ ពួកវាបង្កឡើយ ហើយអាចនាំមកនូវភាពមិនស្រួល។ ការធ្លាក់ទឹកចិត្តអាចមានឥទ្ធិពលលើការកន្ត្រាក់ និងចលនា។ ហើយអ្នកដែលមានបញ្ហាជាមួយ GI អាចមានអារម្មណ៍ឈឺពោះកាន់តែខ្លាំង។
3. ជំងឺទឹកនោមផ្អែម
ការធ្លាក់ទឹកចិត្តបង្កើនកម្រិតនៃអរម៉ូនស្ត្រេស ហើយពួកវាអាចប៉ះពាល់ដល់កម្រិតជាតិស្ករក្នុងឈាម និងភាពធន់ទ្រាំនៃអាំងស៊ុយលីន។ ការតភ្ជាប់នេះដំណើរការទាំងពីរវិធី ហើយអ្នកដែលមានជំងឺទឹកនោមផ្អែមទំនងងាយទទួលរងពីជំងឺធ្លាក់ទឹកចិត្ត។
4. ហានិភ័យនៃការគាំងបេះដូង
មនុស្សដែលទទួលរងពីជំងឺធ្លាក់ទឹកចិត្តអាចជួបប្រទះនឹងជំងឺលើសឈាម និងចង្វាក់បេះដូងកើនឡើង។ ទាំងអស់នេះអាចនាំឱ្យមានជំងឺបេះដូង។ អរម៉ូនស្ត្រេសដែលយើងបានលើកឡើងពីមុនក៏អាចមានឥទ្ធិពលអវិជ្ជមានលើបេះដូងផងដែរ។
5. បញ្ហាជាមួយនឹងសរសៃឈាម
នេះគឺមានទំនាក់ទំនងយ៉ាងជិតស្និទ្ធជាមួយនឹងការមានគ្រោះថ្នាក់សម្រាប់បេះដូង។ សម្ពាធឈាមខ្ពស់កាត់បន្ថយលំហូរឈាមក្នុងសរសៃឈាម។ ពួកវារួញហើយក្លាយទៅជាផុយ។ វាធ្វើឱ្យខូចខាតដល់សរសៃឈាម ដែលបង្កឱ្យមិនអាចនាំយកសារធាតុចិញ្ចឹម និងអុកស៊ីហ្សែនគ្រប់គ្រាន់ទៅកាន់កោសិកា និងជាលិកាបានទេ។
6. ឈឺខ្នង
ជាការពិតណាស់ ការឈឺឆ្អឹងខ្នងមិនមែនតែងតែជាប់ទាក់ទងទៅនឹងជំងឺធ្លាក់ទឹកចិត្តនោះទេ។ ឥរិយាបថមិនល្អ និងសាច់ដុំខ្សោយ គឺជាហេតុផលទូទៅសម្រាប់បញ្ហានេះ។ ប៉ុន្តែរឿងនោះគឺថា ជំងឺធ្លាក់ទឹកចិត្តអាចបណ្តាលឱ្យមានការឈឺចាប់រ៉ាំរ៉ៃ។ វាអាចកើតឡើងដោយសារការរលាកជាការឆ្លើយតបរបស់រាងកាយចំពោះការធ្លាក់ទឹកចិត្ត។
7. ខ្សោយការចងចាំ និងឧស្សាហ៍ឈឺក្បាល
ជំងឺធ្លាក់ទឹកចិត្តអាចបណ្តាលឱ្យបាត់បង់ការចងចាំរយៈពេលខ្លី និងការយល់ច្រឡំ។ ស្ថានភាពនេះធ្វើឱ្យមនុស្សកាន់តែភ្លេច និងរារាំងសមត្ថភាពក្នុងការផ្តោតអារម្មណ៍។ វាក៏អាចនាំមកនូវការឈឺក្បាលរ៉ាំរ៉ៃ ដែលត្រូវបានគេហៅថា "ការឈឺក្បាលដោយភាពតានតឹង"។
8. ជំងឺរលាកសន្លាក់
លក្ខខណ្ឌទាំងពីរមានទំនាក់ទំនងយ៉ាងជិតស្និទ្ធជាមួយគ្នា។ ការធ្លាក់ទឹកចិត្តអាចបណ្តាលឱ្យរលាកសន្លាក់។ កត្តាចម្បងគឺការរលាកដែលកើតឡើងដោយសារតែជំងឺទាំងនេះ។ ការធ្លាក់ទឹកចិត្តក៏អាចជះឥទ្ធិពលដល់ដំណើរ និងធ្វើឱ្យលទ្ធផលនៃជំងឺរលាកសន្លាក់កាន់តែអាក្រក់ទៅៗ។
សូមចំណាំ៖ អារម្មណ៍មិនល្អអាចកើតឡើងចំពោះមនុស្សគ្រប់រូប ហើយវាមិនតែងតែមានន័យថាជាជំងឺផ្លូវចិត្តនោះទេ។ ប៉ុន្តែប្រសិនបើអ្នកជួបប្រទះរោគសញ្ញានៃជំងឺធ្លាក់ទឹកចិត្តជាច្រើនដង យើងសូមណែនាំអ្នកឱ្យពិគ្រោះជាមួយវេជ្ជបណ្ឌិត៕
ប្រែសម្រួល៖ វីរៈ
Recent News
