kalib9

១៧ ហេតុការណ៍ប្រវត្តិសាស្ត្រ អាថ៌កំបាំងរបស់ពិភពលោក!

ខាងក្រោមនេះគឺជាព្រឹត្តិការណ៍ប្រវត្ដិសាស្ដ្រដែលគួរឱ្យភ្ញាក់ផ្អើលដែលបានកើតឡើងហើយធ្វើឱ្យយើងគិតពីរដងអំពីភាពប្លែកៗកាលអតីតកាល។ ចង់ដឹងថាហេតុការណ៍ប្រវត្តិសាស្រ្តអាថ៌កំបាំងទាំងអស់នោះយ៉ាងណាខ្លះ សូមអូសចុះក្រោមអានទាំងអស់គ្នា។

# 1

លោក John Tyler ដែលជាប្រធានាធិបតីទី ១០ របស់អាមេរិកបានកើតនៅឆ្នាំ 1790 ។ គាត់មានចៅទួតពីរនាក់កំពុងនៅរស់សព្វថ្ងៃនេះ។ 

20 Historical Facts That Messed With Our Perception Of Time 1

# 2

មហាក្សត្រី Elizabeth និងកំពូលតារាសម្តែងស្រី Marilyn Monroe បានកើតក្នុងឆ្នាំជាមួយគ្នា។ នៅទីនោះពួកគេ (ទាំងពីរនាក់មានអាយុ 30 ឆ្នាំដូចគ្នានៅអំឡុងពេលនោះ) ជួបគ្នាព្រមទាំងនាយករដ្ឋមន្រ្តីអង់គ្លេសនៅក្នុងទីក្រុងឡុងដ៍នាខែ តុលា ឆ្នាំ 1956 ។

20 Historical Facts That Messed With Our Perception Of Time 2

អ្នកទាំងពីរបានកើតនៅឆ្នាំ 1926 ហើយធ្លាប់បានជួបគ្នាមួយលើកអំឡុងពេលនៃការបញ្ចាំងភាពយន្តដំបូងដែលមានចំណងជើងថា "សមរភូមិដានទន្លេនៅ Leicester Square" ក្នុងទីក្រុងឡុងដ៍។  Marilyn មានវត្តមាននៅទីនោះរួមដំណើរជាមួយស្វាមីរបស់នាង។ នៅក្នុងរូបភាពខាងលើនេះនាងនៅឈរទទួលភ្ញៀវដើម្បីរង់ចាំចាប់ដៃព្រះមហាក្សត្រីវ័យក្មេង។

# 3

អណ្តើក Harriet ដែលបានងាប់នៅឆ្នាំ២០០៦ វារស់នៅក្នុងជំនាន់លោក Charles Darwin កាលគាត់នៅមានជីវិត។

20 Historical Facts That Messed With Our Perception Of Time 3

# 4

ពូជដំរីរោមក្រាស (Woolly Mammoths) នៅមានជីវិតនៅអំឡុងពេលប្រជាជនអេស៊ីបកំពុងតែសាងសង់ពីរ៉ាមីត ( 2660 មុនគ.ស )

20 Historical Facts That Messed With Our Perception Of Time 4

អ្នកវិទ្យាសាស្ដ្របានរកឃើញថាសត្វដំរីរោមក្រាស់នៅមានជីវិតនៅលើផែនដីនៅឡើយរហូតដល់ប្រហែល 1650 មុនគ.ស។ ពួកវារស់នៅលើកោះមួយនៅឆ្នេរសមុទ្រភាគខាងកើតនៃប្រទេសរ៉ូស៊ីនៅពេលនោះ។ ទន្ទឹមនឹងនេះដែរសំនង់ចំណាស់ជាងគេបំផុតគឺពីរ៉ាមីត នៅក្នុងប្រទេសអេហ្ស៊ីប ពីរ៉ាមីតនៃ Djoser ត្រូវបានសាងសង់ឡើងរវាង 2630 – 2611 មុនគ.ស មានន័យថាខណៈពេលការសាងសង់ពីរ៉ាមីតនោះ ដំរីរោមក្រាស់នៅកំពុងមានជីវិតរស់នៅលើផែនដីយើង ។

# 5

សាកលវិទ្យាល័យ Oxford បានដំណើរការបង្រៀនរាប់រយឆ្នាំមុន គ្រឹះនៃអាណាចក្រ Aztec (1428)

20 Historical Facts That Messed With Our Perception Of Time 5

អាណាចក្រ Aztec បានចាប់ផ្តើមជាសម្ព័ន្ធមិត្តនៃរដ្ឋចំនួនបី ណាហ៊ូអាល់តេហ្វល (Nahua altepetl)។ រដ្ឋទីក្រុងទាំងបីនេះបានគ្រប់គ្រងតំបន់នៅជុំវិញជ្រលងម៉ិចស៊ិកឆ្នាំ 1428 រហូតដល់ឆ្នាំដែលកងទ័ពអេស្ប៉ាញដឹកនាំដោយ HernánCortés បានសម្លាប់ផ្តាច់ពូជពួកជនជាតិដើមអាមេរិកនៅឆ្នាំ 1521 ។ វប្បធម៌អាណាចក្រ Aztec មានប្រពៃណី ទេវកថា និងសាសនាចម្រុះហើយសម្បូរបែប។ ក៏ដូចជាបានបង្កើតស្នាដៃស្ថាបត្យកម្ម និងសិល្បៈដ៏គួរឱ្យកត់សម្គាល់។

ទន្ទឹមនឹងនេះដែរនៅប្រទេសអង់គ្លេសសាកលវិទ្យាល័យ Oxford ត្រូវបានកសាងឡើងយ៉ាងល្អរួចទៅហើយ។ កាលបរិច្ឆេទនៃការសាងសង់មិនត្រូវបានគេដឹងទេប៉ុន្តែមានភស្តុតាងនៃការបង្រៀនតាំងពីឆ្នាំ 1096 ដែលធ្វើឱ្យវាក្លាយទៅជាសាកលវិទ្យាល័យនិយាយភាសាអង់គ្លេសដែលមានវ័យចំណាស់ជាងគេក្នុងពិភពលោក និងជាសាកលវិទ្យាល័យដែលមានវ័យចំណាស់ជាងគេទីពីរដែលនៅតែបន្តរហូតដល់បច្ចុប្បន្ន។

# 6

លោកចច វ៉ាស៊ីនតោន(George Washington) បានទទួលមរណភាពនៅឆ្នាំ 1799 ។ ហ្វូស៊ីលដាយណូស័រទីដំបូងគេ ត្រូវបានគេរកឃើញនៅឆ្នាំ 1824 ។ ដូច្នេះមានន័យថាលោក George Washington មិនធ្លាប់ដឹងទេថាមានសត្វដាយណូស័ររស់នៅលើផែនដីកាលពីបុរេប្រវតិ្ត។

20 Historical Facts That Messed With Our Perception Of Time 6

លោកចច វ៉ាស៊ីនតោនបានទទួលមរណភាពនៅផ្ទះរបស់លោកនៅថ្ងៃទី 14 ខែធ្នូឆ្នាំ 1799 នៅអាយុ 67 ឆ្នាំ។ លោកធ្លាប់ជាទាហាន កសិករ រដ្ឋបុរស និងជាប្រធានាធិបតីទីមួយរបស់សហរដ្ឋអាមេរិក ។

គាត់ក៏ដូចជាអ្នកដទៃនៅជំនាន់នោះដែរមិនដឹងទេថាមានដាយណូស័រ​ ពីព្រោះទើបតែត្រូវបានទទួលស្គាល់ដោយអ្នកវិទ្យាសាស្ត្រឆ្នាំ 1824 នៅពេលអ្នកវិទ្យាសាស្ត្រអង់គ្លេសលោក William Buckland បានថ្លែងជាលើកដំបូងថា Megalosaurus ត្រូវបានគេចាត់ទុកថាជាដាយណូស័រដំបូងគេដែលអ្នកវីទ្យាសាស្រ្តបានរកឃើញ។

# 7

សាកលវិទ្យាល័យហាវ៉ត (Harvard) មិនមានថ្នាក់សិក្សាគណិតវិទ្យាទេសម្រាប់ប៉ុន្មានឆ្នាំដំបូងបន្ទាប់ពីសាលាត្រូវបានបង្កើតឡើង … ដោយសារតែនៅជំនាន់នោះការគណនា(គណិតវិទ្យា) មិនទាន់មាននៅឡើយ។

20 Historical Facts That Messed With Our Perception Of Time 20

ការគណនាលេខសម័យទំនើបត្រូវបានបង្កើតឡើងនៅអ៊ឺរ៉ុបនៅសតវត្សរ៍ទី 17 ដោយលោកអ៊ីសាក ញូតុន(Isaac Newton) និងលោក Gottfried Wilhelm Leibniz ប៉ុន្តែធាតុផ្សំនៃការគណនាលេខបានលេចឡើងនៅប្រទេសក្រិច បន្ទាប់មកនៅប្រទេសចិន និងមជ្ឈិមបូព៌ា និងក្រោយមកទៀតនៅក្នុងមជ្ឈិមសម័យអឺរ៉ុប និងឥណ្ឌា។

សាកលវិទ្យាល័យ Harvard ត្រូវបានបង្កើតឡើងនៅឆ្នាំ 1636 ដែលឈ្មោះរបស់សាលានេះដាក់តាមឈ្មោះសម្តេចប៉ាប John Harvard ជាបព្វជិតរបស់សាសនាគ្រឹស្ត។ សាកលវិទ្យាល័យនេះគឺជាស្ថាប័នចំណេះដឹងជាន់ខ្ពស់បំផុតរបស់សហរដ្ឋអាមេរិក ហើយប្រវត្តិសាស្រ្ត ទ្រព្យសម្បត្តិ និងឥទ្ធិពលបានធ្វើឱ្យសាលានេះក្លាយទៅជាសាកលវិទ្យាល័យដ៏ល្បីល្បាញមួយក្នុងពិភពលោក។ គណិតវិទ្យានៅមិនទាន់មានទេនៅប៉ុន្មានឆ្នាំដំបូងនៃការបង្កើតសាលានេះ។ ដោយសារនៅអំឡុងពេលនោះគណិតវិទ្យាគេនៅមិនទាន់ទទួលស្គាល់នៅឡើយ!

# 8

Anne Frank និង Martin Luther King Junior កើតនៅឆ្នាំដូចគ្នា (1929) ហើយទទួលបានកេរ្ត៍ឈ្មោះល្បីល្បាញដូចគ្នា

20 Historical Facts That Messed With Our Perception Of Time 8

ជនរងគ្រោះម្នាក់ក្នុងចំណោមជនរងគ្រោះជនជាតិជ្វីហ្វដែលត្រូវបានគេស្គាល់ជាងគេបំផុតគឺនាង Anne Frank ទទួលបានភាពល្បីល្បាញបន្ទាប់ពីសៀវភៅរបស់នាងគឺរឿង The Diary បានបោះពុម្ពផ្សាយក្នុងសៀវភៅនោះនាងបានពន្យល់ពីជីវិតរបស់នាងក្នុងការលាក់ខ្លួនពីឆ្នាំ 1942 ដល់ឆ្នាំ 1944 ក្នុងអំឡុងពេលការកាន់កាប់របស់កងទ័ពណាស៊ីនៅហូឡង់ក្នុងសង្គ្រាមលោកលើក II ។ វាជាសៀវភៅដែលល្បីល្បាញបំផុតមួយនៅក្នុងពិភពលោកនិងជាមូលដ្ឋានសម្រាប់រឿងល្ខោននិងភាពយន្តជាច្រើន។

Martin Luther King Jr គឺជាសកម្មជនសិទ្ធមនុស្សដែលបានក្លាយជាអ្នកនាំពាក្យដែលល្បីល្បាញនិងជាមេដឹកនាំចលនាសិទ្ធិមនុស្សចាប់ពីឆ្នាំ 1954 រហូតដល់គាត់បានស្លាប់នៅឆ្នាំ 1968 ។ គាត់មានកេរ្តិ៍ឈ្មោះល្បីល្បាញក្នុងការលើកកម្ពស់សិទ្ធិស៊ីវិលតាមរយៈការទាមទារសិទ្ធសេរីភាពដោយអហិង្សា យុទ្ធសាស្រ្តនៃជំនឿគ្រិស្តសាសនា និងសកម្មភាពអហិង្សារបស់មហាត្មៈគន្ធី បានជួយបំផុសគំនិតដល់រូបគាត់។

# 9

ដើមឈើដែលមានអាយុកាលវែងជាងគេបំផុតនាពេលបច្ចុប្បន្ននេះគឺ (A Bristlecone Pine) ដើមឈើនេះវាមានជីវិតទាន់ការនៅរស់រានមានជីវិតរបស់ដំរីរោមក្រាស។

20 Historical Facts That Messed With Our Perception Of Time 9

ដើមឈើមានអាយុកាលវែងជាងគេនៅលើពិភពលោកគឺជាដើមឈើ A Bristlecone Pine ដែលមានទីតាំងស្ថិតនៅក្នុងតំបន់ White Mountains រដ្ឋកាលីហ្វ័រនីញ៉ា វាមានអាយុកាល 5067 ឆ្នាំ។

ដំរីរោមក្រាស់នៅលើកោះ Wrangel Island មិនទាន់ផុតពូជកាលពី 4.000 ឆ្នាំមុនពួកវារស់នៅលើកោះមួយនៅក្នុងមហាសមុទ្រអាកទិកដែលជាទីជម្រកសម្រាប់សត្វដ៏ធំដែលត្រូវបានបង្ខំភាសខ្លួនពីដីគោកដោយមនុស្សបុរេប្រវត្តិ និងការប្រែប្រួលអាកាសធាតុ ។

Loading...

# 10

រឿង Star Wars  បានចេញមកក្នុងឆ្នាំដដែលពេលដែលប្រទេសបារាំងអនុវត្តការកាត់ទោសប្រហារជីវិតដោយកាត់ក្បាលលើកចុងក្រោយបង្អស់ (ឆ្នាំ 1977)

20 Historical Facts That Messed With Our Perception Of Time 10

រឿង “Star Wars” បានចាក់បញ្ចាំងនៅសហរដ្ឋអាមេរិកកាលពីថ្ងៃទី 25 ខែឧសភាឆ្នាំ 1977 ។ នៅក្នុងឆ្នាំនោះដូចគ្នាការកាត់ទោសប្រហារជីវិតដោយម៉ាស៊ីនកាត់ក្បាលចំពោះអ្នកទោស Hamida “Pimp Killer” Djandoubi ពីបទធ្វើទារុណកម្មនិងសម្លាប់ក្មេងស្រីម្នាក់។ នោះគឺជាការប្រើម៉ាស៊ីនកាត់ក្បាលចុងក្រោយនៅប្រទេសបារាំង គ្មាននរណាម្នាក់ត្រូវបានប្រហារជីតវិតដោយប្រើម៉ាស៊ីននេះទៀតទេចាប់ពីពេលនោះមក។

# 11

ឆ្នាំ ១៩៧១ ស្រ្តីជនជាតិស្វីសទទួលបានសិទ្ធិក្នុងការបោះឆ្នោតហើយក្នុងឆ្នាំដដែលនេះ NASA សហរដ្ឋអាមេរិកបានចុះចតនៅលើភពព្រះចន្ទ ហើយបានបើកបរលើឋានព្រះច័ន្ទមួយជុំវិញ។

20 Historical Facts That Messed With Our Perception Of Time 12

ប្រទេសស្វីសត្រូវបានគេមើលឃើញថាជាប្រទេសមួយដែលរីកចម្រើននៅក្នុងពិភពលោក។ វាជាការភ្ញាក់ផ្អើលមួយដែលស្ត្រីមិនត្រូវបានផ្តល់សិទ្ធិឱ្យមានសិទ្ធិបោះឆ្នោតរហូតដល់ឆ្នាំ ១៩៧១ ពោលគឺ ៦៥ ឆ្នាំបន្ទាប់ពីប្រទេសហ្វាំងឡង់បានក្លាយជាប្រទេសអឺរ៉ុបដំបូងគេបង្អស់ដែលផ្តល់សិទ្ធឲ្យស្ត្រីមានសិទ្ធបោះឆ្នោត។

នៅក្នុងឆ្នាំ ១៩៧១ ដដែលនោះ NASA បានចុះចតនៅលើភពព្រះចន្ទរួចហើយ ហើយបានបើកបរលើឋានព្រះច័ន្ទមួយជុំវិញ។

# 12

ឆ្នាំ ១៨៤៣ ម៉ាស៊ីនទូរសារត្រូវបានបង្កើតឡើង ហើយនៅឆ្នាំដដែលនោះក្បួនរទេះទីមួយបានឆ្លងកាត់ផ្លូវលំអូរីហ្គោន

20 Historical Facts That Messed With Our Perception Of Time 13

ម៉ាស៊ីនអេឡិចត្រូនិកដែលជាម៉ាស៊ីនទូរសារត្រូវបានបង្កើតឡើងនៅឆ្នាំ 1843 ដោយអ្នកវិទ្យាសាស្រ្តជនជាតិស្កុតឡេនឈ្មោះអាឡិចសាន់ប៊ីនប៊ែន (Alexander Bain) នៅឆ្នាំដដែលមនុស្សប្រហែល 1.000 នាក់បានចេញដំណើរទៅភាគខាងលិចរដ្ឋអូរីហ្គោនដើម្បីបង្កើតផ្លូវរថភ្លើងធំមួយដែលសព្វថ្ងៃត្រូវបានគេស្គាល់ថាផ្លូវអូរីហ្គោន។ នេះជាការបើផ្លូវភាពរីកចម្រើនភាគខាងលិចសហរដ្ឋអាមេរិកហើយគឺជាការចាប់ផ្តើមនៃ “ការធ្វើចំណាកស្រុកដ៏អស្ចារ្យ” ។

# 13

ឆ្នាំ​ ១៨៦៨ អ្នកអាចធ្វើដំណើរក្រោមដីក្នុងទីក្រុងឡុងដើម្បីមើលការព្យួរកជាសាធារណៈចុងក្រោយបង្អស់នៅក្នុងចក្រភពអង់គ្លេស

20 Historical Facts That Messed With Our Perception Of Time 14

ការព្យួរកត្រូវបានគេប្រើជាវិធីស្តង់ដារនៃការកាត់ទោសប្រហារជីវិតលើអ្នកទោសនៅចក្រភពអង់គ្លេសហើយរហូតដល់ឆ្នាំ 1868 ទើបមានការលប់បំបាត់ចោល ។ អ្នកទោស Micheal Barrett គឺជាមនុស្សចុងក្រោយដែលត្រូវបានប្រហារជីវិតដោយព្យួរកនៅក្នុងពន្ធនាគារញូហ្គេតនៅទីក្រុងឡុងនៅចំពោះមុខមហាជនយ៉ាងច្រើនកុះករ។

ឆ្នាំ 1858 ការធ្វើដំណើរក្រោមដីដំបូងនៃទីក្រុងឡុងដ៍បានចាប់ផ្តើម។ ជាមួយនឹងស្ថានីយ៍រថភ្លើងមួយដែលកំពុងដំណើរការនៅជិតពន្ធនាគារញូហ្គេត វាអាចទៅរួចណាស់ដែលមនុស្សក្នុងទីក្រុងជាច្រើននឹងដើរតាមផ្លូវក្រោមដីដើម្បីទៅមើលអ្នកទោសព្យួរក។

# 14

ឆ្នាំ ១៩៩៧ ម្ចាស់ក្សត្រី Diana និងអ្នកម្តាយ Teresa បានស្លាប់ក្នុងឆ្នាំដូចគ្នា

20 Historical Facts That Messed With Our Perception Of Time 15

ម្ចាស់ក្សត្រី Diana និងអ្នកម្តាយ Teresa បានស្លាប់ក្នុងរយៈពេលខុសគ្នាតែប៉ុន្មានថ្ងៃប៉ុណ្ណោះក្នុងឆ្នាំ ១៩៩៧ ។ ម្ចាស់ក្សត្រី Diana បានស្លាប់ក្នុងគ្រោះថ្នាក់ចរាចរក្រលាប់រថយន្តនៅទីក្រុងប៉ារីសនៅថ្ងៃទី ៣១ ខែសីហា ឆ្នាំ ១៩៩៧ ។ ឯអ្នកម្តាយ Teresa បានស្លាប់នៅថ្ងៃទី 5 ខែកញ្ញា ឆ្នាំ ១៩៩៧ ដោយសារជំងឺ។ គាត់បានទទួលមរណៈភាពនៅក្នុងប្រទេសឥណ្ឌាហើយពិធីបុណ្យសពរបស់គាត់ត្រូវបានបង្ហាញការកោតសរសើរដោយរដ្ឋាភិបាលឥណ្ឌាចំពោះការបម្រើការងារជូនជាតិ ចំពោះសាសនាទាំងអស់នៅក្នុងប្រទេស។

#15

ឆ្នាំ ១៩៤០ អ្នកទោសចំនួន 16 នាក់ត្រូវបានមកដល់មន្ទីរឃុំឃាំង Auschwitz គ្រាន់តែប៉ុន្មានថ្ងៃបន្ទាប់ពី McDonald ត្រូវបានបង្កើត

20 Historical Facts That Messed With Our Perception Of Time 16

ខណៈពេលដែល McDonald’s ត្រូវបានក្លាយជាហាងសម្រាប់ប្រជាជនអាមេរិចឆ្នាំ 1950 ហាងដំបូងបង្អស់ត្រូវបានបើកឱ្យដំណើរការនៅថ្ងៃទី 15 ខែឧសភាឆ្នាំ 1940 ។ គ្រាន់តែប្រាំថ្ងៃក្រោយមកអ្នកទោសទីមួយបានមកដល់មន្ទីរឃុំឃាំង Auschwitz នៅក្នុងប្រទេសប៉ូឡូញ។

# 16

ឆ្នាំ​ ១៩៦៧ អង្គការ NASA បានទទួលស្គាល់អំពីទ្រឹស្ដីរសាត់ទ្វីបរបស់លោក Alfred Wegener

20 Historical Facts That Messed With Our Perception Of Time 17

លោក Alfred Wegener បានបង្ហាញពីការរសាត់នៃទ្វីបតាំងពីឆ្នាំ 1912 គំនិតរបស់គាត់មិនត្រូវបានគេយកចិត្តទុកដាក់ឡើយ។ អ្នកភូគព្ភវិជ្ជាជាច្រើនបានចង្អុលបង្ហាញថាមិនមានយន្តការជាក់ស្តែងសម្រាប់រសាត់លើទ្វីបទេនៅអំឡុងពេលនោះ។ គាត់បានស្លាប់នៅឆ្នាំ 1930 ។

រហូតដល់ឆ្នាំ 1967 ទ្រឹស្ដីរសាត់ទ្វីបនេះត្រូវបានទទួលស្គាល់ដោយអ្នកវិទ្យាសាស្ត្រ NASA។

#17 ស្ត្រីមេម៉ាយដែលនៅរស់ចុងក្រោយគេនៃសង្គ្រាមស៊ីវិល (Maenie Hopkins) បានបង្ហាញខ្លួនក្នុងឆ្នាំ 2004 នៅអាយុ 89 ឆ្នាំ និងបានស្លាប់នៅឆ្នាំ 2008។ វាជាឆ្នាំដដែលលោកបារ៉ាក់ អូបាម៉ាបានឈ្នះការបោះឆ្នោតប្រធានាធិបតីជាលើកដំបូងរបស់គាត់។

20 Historical Facts That Messed With Our Perception Of Time 18

Maudie Hopkins បានរៀបការជាមួយអតីតទាហានជើងចាស់ William M. Cantrell នៅឆ្នាំ 1934 នៅពេលនាងមានអាយុ 19 ឆ្នាំ។ នាងបាននិយាយថាដោយសារភាពក្រីក្រដែលបានជំរុញឱ្យនាងរៀបការជាមួយអតីតទាហាននៃកងទ័ពសហព័ន្ធអាមេរិកដែលមានអាយុ 86 ឆ្នាំ។ Hopkins បានស្លាប់នៅអាយុ 93 ឆ្នាំ ក្នុងឆ្នាំ 2008 នៅ Lexa រដ្ឋ Arkansas ដែលមានន័យថាស្ត្រីមេម៉ាយរបស់កងទាហានជើងចាស់ស៊ីវិលម្នាក់នៅរស់នៅឡើយនៅពេលលោកអូបាម៉ាក្លាយជាប្រធានាធិបតីស្បែកខ្មៅដំបូងគេ៕

 

 

ដោយ៖ វីរៈ | ប្រភព៖ Thinking Humanity

Loading...