ច្បាប់ចម្លែកៗទាំង ១៣ ពីបណ្តាប្រទេសជុំវិញពិភពលោក ដែលធ្វើឱ្យភ្ញៀវទេសចរ មានការភាន់ច្រឡំ

ច្បាប់ចម្លែកៗទាំង ១៣ ពីបណ្តាប្រទេសជុំវិញពិភពលោក ដែលធ្វើឱ្យភ្ញៀវទេសចរ មានការភាន់ច្រឡំ

2020-02-18

មិនមានប្រទេសណាមួយដែលមិនមានច្បាប់ហាមឃាត់សម្រាប់ភ្ញៀវទេសចរនោះទេនៅលើទឹកដីរបស់ខ្លួន។ ប៉ុន្តែមានរឿងមួយចំនួនដែលច្បាប់បានហាមឃាត់នៅបណ្តាប្រទេសមួយចំនួនជុំវិញពិភពលោកពិតជាគួរឱ្យអស់សំណើចណាស់។ សូមយល់ដឹង និងស្គាល់នូវអ្វីដែលត្រូវហាមឃាត់នៅក្នុងប្រទេសផ្សេងៗមុនអ្នកធ្វើដំណើរទៅកំសាន្តនៅប្រទេសទាំងនោះ។

ប្រទេសអូស្ត្រាលី

នៅថ្ងៃអាទិត្យបន្ទាប់ពីផុតម៉ោង ១២ ថ្ងៃត្រង់ ប្រទេសនេះបានហាមឃាត់មិនឱ្យស្លៀកខោពណ៌ផ្កាឈូកបង្ហាញខ្លួននៅកន្លែងសាធារណៈឡើយ។

មានតែអ្នកជំនាញអគ្គីសនីដែលមានអាជ្ញាប័ណ្ណប៉ុណ្ណោះដែលត្រូវបានអនុញ្ញាតឱ្យផ្លាស់ប្តូរអំពូលភ្លើង។ បើមិនដូច្នោះទេនឹងត្រូវពិន័យ!

ប្រទេសអង់គ្លេស

វាត្រូវបានហាមឃាត់ក្នុងការសម្អាតទីធ្លានៅតាមផ្លូវ។ ការព្រមាន: ប្រសិនបើអ្នកចង់សម្អាតត្រូវធ្វើចប់អ្វីៗគ្រប់យ៉ាងត្រឹមម៉ោង ៨ ព្រឹក។

វាត្រូវបានហាមឃាត់មិនឱ្យបររទេះសេះឆ្លងកាត់តាមដងផ្លូវចាប់ពីម៉ោង ៧ ព្រឹកដល់ម៉ោង ១០ យប់លើកលែងតែមានការអនុញ្ញាតពីប៉ូលីស។

ការថើបគ្នានៅស្ថានីយ៍រថភ្លើងមិនត្រូវបានអនុញ្ញាតនោះទេ។ ហើយក៏មានសញ្ញា“ ហាមថើប” នៅគ្រប់ទីកន្លែងដែរ។ រដ្ឋាភិបាលមានការព្រួយបារម្ភថាការឱបថើបគ្នាអាចបង្កភាពយឺតយ៉ាវដល់អ្នកដំណើរ។

ប្រទេសអ៉ីតាលី

តាំងពីឆ្នាំ 2008 មកវាជាការខុសច្បាប់ក្នុងការឲ្យចំណីព្រាបនៅផ្លូវ St. Mark's Square ក្នុងទីក្រុង Venice ពីព្រោះវាអាចបំផ្លាញវិមានប្រវត្តិសាស្ត្រនិងអាគារ។ លើសពីនេះទៀតបក្សីត្រូវបានគេដឹងថាផ្ទុកជំងឺគ្រោះថ្នាក់ផ្សេងៗ។

នៅក្រុង Eraclea ជាទីក្រុងមួយនៅជិតទីក្រុង Venice អ្នកមិនត្រូវបានអនុញ្ញាតឱ្យពូនខ្សាច់នៅលើឆ្នេរទេពីព្រោះបង្កការរំខានដល់ការដើរលេងតាមឆ្នេរសមុទ្រ។

នៅទីក្រុង Eboli គូស្នេហ៍ត្រូវបានហាមឃាត់មិនឱ្យថើបនៅក្នុងរថយន្តទេ។

នៅលើកោះ Capri ការពាក់ស្បែកជើងឃ្លប់ និងស្បែកជើងឈើដែលអាចបង្កជាសម្លេងត្រូវបានហាមឃាត់។

ប្រទេសសិង្ហបុរី

នៅប្រទេសសិង្ហបុរីអ្នកញ៉ាំស្ករកៅស៊ូនឹងត្រូវពិន័យ។ ពីព្រោះវាត្រូវបានហាមឃាត់នៅទីនេះតាំងពីឆ្នាំ ១៩៩២ ។ ប្រជាជននៅទីនោះជឿជាក់ថាស្ករកៅស៊ូអាចបង្កគ្រោះថ្នាក់ដល់សុខភាពមនុស្សនិងបំផ្លាញបរិស្ថាន។

ប្រទេសកាណាដា

យោងតាមច្បាប់របស់ប្រទេសកាណាដា ៣៥% នៃអត្ថបទចាក់ផ្សាយទាំងអស់គួរតែជាភាសារដើមកំណើតកាណាដាចាប់ពីម៉ោង ៦ ព្រឹកដល់ ៦ ល្ងាចថ្ងៃច័ន្ទដល់ថ្ងៃសុក្រ។

ប្រទេសជប៉ុន

នៅឆ្នាំ ២០០៨ ប្រទេសនេះបានសម្រេចចិត្តអនុវត្តច្បាប់ទំហំចង្កេះក្នុងចំនោមមនុស្សដែលមានអាយុពី ៤០-៧៤ ឆ្នាំ (ចំពោះបុរសមិនលើសពី ៨៦ ស. ម [៣៣.៥ អ៉ីញ] និងចំពោះស្ត្រី ៩០ ស.ម [៣៥.៥ អ៉ីញ]) ។ នោះហើយជាវិធីដែលប្រទេសជប៉ុនប្រយុទ្ធប្រឆាំងនឹងការឡើងទម្ងន់ និងជំងឺដែលទាក់ទងនឹងភាពធាត់។ ក្នុងឆ្នាំ ២០១៥ អ្នកដែលមិនអនុវត្តតាមច្បាប់ត្រូវបានពិន័យ។

ប្រទេសឥណ្ឌា

យើងបន្តប្រធានបទធាត់នៅប្រទេសឥណ្ឌាវិញម្តង ក្នុងឆ្នាំ ២០១៦“ ពន្ធធាត់” ត្រូវបានអនុវត្តនៅរដ្ឋ Kerala ។ វាត្រូវបានគេកំណត់ពន្ធត្រឹម ១៤.៥% សម្រាប់ហាំប៊ឺហ្គឺ ភីហ្សា នំដូណាត់ និងអាហារបង្កឲ្យឡើងទម្ងន់ផ្សេងទៀតដែលត្រូវបានបម្រើនៅក្នុងភោជនីយដ្ឋាន។

តើអ្នកយល់ថាច្បាប់ទាំងនេះចម្លែកដែលឬទេ តើប្រទេសយើងគួរអនុវត្តន៍ដែរឬទេ? ចែករំលែកអត្ថបទនេះ និងបញ្ចេញមតិយោបល់នៅក្នុងខមិនខាងក្រោម!

Preview photo credit depositphotos, depositphotos

ប្រភព ៖ Brightside | អត្ថបទ ៖ វីរៈ