kalib9

នេះហើយទឹកចិត្តឪពុក សុខចិត្តសន្សំលុយ ទាំងលំបាក ដើម្បីទិញទូរស័ព្ទស៊េរីទំនើបសម្រាប់កូនស្រី

ឪពុកកម្តាយគ្រប់រូបទោះបីខខ្លួនឯង សស្ថិតក្នុងស្ថានភាពលំបាកលំបិនយ៉ាងណាក្តី តែដើម្បីបំពេញតាមបំណងប្រាថ្នារបស់កូន សុខចិត្តលះបង់សេចក្តីសុខ ភាពនឿយហត់គ្រប់បែបយ៉ាង ដោយមិនខ្លាចរុញរា។ជាក់ស្តែង កាលពីពេលថ្មីៗកន្លងទៅនេះ បុរសវ័យចំណាស់ម្នាក់ បានធ្វើឲ្យគ្រប់គ្នារំជួលចិត្តយ៉ាងខ្លាំង បន្ទាប់ពីគេដឹងថា រូបគាត់បានសន្សំលុយទាំងត្រដាបត្រដួស ដើម្បីទិញទូរស័ព្ទស៊េរីទំនើបមួយគ្រឿង ឲ្យកូនស្រីរបស់ខ្លួន។

ប្រភពព័ត៌មាន Viral4real បានចុះផ្សាយកាលពីថ្ងៃទី១០ ធ្នូ ឆ្នាំ២០១៦ ឲ្យដឹងថា ក្មេងស្រីវ័យជំទង់ជនជាតិឥណ្ឌូនេស៊ី មិនបង្ហាញអត្តសញ្ញាណម្នាក់ បដិសេធមិនព្រមទៅសាលារៀនឡើយ ប្រសិនណាបើនាងគ្មានទូរស័ព្ទស៊េរីទំនើបមួយគ្រឿង ប្រើប្រាស់នៅនឹងដៃដូចគេឯង។ នោះក៏ដោយសារតែ មិត្តភក្តិរបស់នាងមួយចំនួនធំនៅក្នុងថ្នាក់ ពួកគេប្រើប្រាស់សុទ្ធតែទូរស័ព្ទស៊េរីទំនើបៗ ខណៈរូបនាងប្រើប្រាស់ត្រឹមតែ ទូរស័ព្ទស៊េរីទាប តម្លៃថោកមួយតែប៉ុណ្ណោះ ហើយវាក៏ជាមូលហេតុមួយ ដែលធ្វើឲ្យរូបនាង មានអារម្មណ៍ថាខ្មាសមិត្តភក្តិ របស់នាងយ៉ាងខ្លាំងផងដែរ។

ក្រោយមក បន្ទាប់ពីឪពុករបស់នាង បានកត់សម្គាល់ដឹងរឿងកូនស្រី មិនខ្ចីទៅរៀនមក រូបគាត់ក៏បានដាច់ចិត្ត ដកប្រាក់ដែលខំសន្សំទុក ពីការងាររកស៊ីតិកតក់ ជាអ្នកលក់ទឹកតាមចិញ្ចើមថ្នល់យ៉ាងស្រាក់ ទៅទិញទូរស័ព្ទស៊េរីទំនើបមួយគ្រឿង ដើម្បីសម្រេចតាមបំណង កូនស្រីរបស់គាត់តែម្តង។ ដោយទូរស័ព្ទស៊េរីទំនើបនោះដែរ មានតម្លៃប្រមាណ ៦៤១ដុល្លារអាមេរិក។

Loading...

ស្របពេលជាមួយគ្នាដែរ ក៏មានអ្នកនិយមលេងបណ្តាញសង្គមជាច្រើន បាននាំគ្នាសម្តែងក្តីមិនពេញចិត្ត នូវអាកប្បកិរិយា ដែលក្មេងស្រីខាងលើ ធ្វើដាក់ឪពុកម្តាយរបស់នាង យ៉ាងដូច្នេះផងដែរ។ ខណៈមហាជនជាច្រើន មានការអាណិតអាសូរដល់ បុរសជាឪពុក ដែលខិតខំធ្វើការរកប្រាក់ទាំងលំបាក ដើម្បីសន្សំលុយទិញទូរស័ព្ទ ឲ្យកូនស្រីរបស់ខ្លួន ៕

Loading...