រើសកូនសោវេទមន្តបើកទ្វាអនាគត! ចង់ដឹងឆ្នាំថ្មីនេះអ្នកនឹងជួបរឿងអ្វីខ្លះ ហើយត្រូវធ្វើយ៉ាងណាឲ្យចក្រវាលបើកផ្លូវ?
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលជោគជតារាសីក្នុងឆ្នាំថ្មីរបស់អ្នក តាមរយៈការជ្រើសរើសម៉ូតកូនសោវេទមន្តមួយដែលអ្នកចូលចិត្តបំផុតនៅក្នុងរូបភាពហើយអានចម្លើយពិតរបស់អ្នកខាងក្រោម ។
កូនសោទី 1
ជាកូនសោទេពធីតាបីអង្គតំណាងឱ្យវដ្តនៃជីវិត វាមានន័យថារឿងថ្មីៗ ល្អៗ ថាមពលវិជ្ជមាន រួមទាំងភាពជោគជ័យកំពុងចូលមកក្នុងជីវិតរបស់អ្នក ជាការចាប់ផ្តើមឆ្នាំថ្មីជាមួយគោលដៅថ្មី ។
អ្នកចាំបាច់ត្រូវផ្តោតលើបច្ចុប្បន្នឱ្យបានច្រើនបំផុត នៅពេលអ្នកកាន់តែបន្ថែមសេចក្ដីព្យាយាមចូលទៅទៀតចក្រវាលនឹងបើកភ្នែកជួយអ្នក ប៉ុន្តែដូចដែលបានរៀបរាប់នៅខាងដើមកូនសោរនៃទេពធីតាតំណាងឱ្យវដ្តជីវិតមានកើត-ចាស់-ឈឺ-ស្លាប់ ជីវិតសត្វលោកមានការឡើងចុះដូច្នេះវាជាធម្មជាតិ ម្ល៉ោះហើយសូមរស់នៅដោយការប្រុងប្រយ័ត្ន ពេលឡើងកុំរង្វេង ពេលចុះក្រោមកុំបាក់ទឹកចិត្ត ។
កូនសោទី 2
កូនសោ Cupid គឺជានិមិត្តសញ្ញាទេពធីតានៃសេចក្តីស្រឡាញ់ នេះមានន័យថាស្នេហានឹងមានឥទ្ធិពលខ្លាំងចំពោះអ្នកនៅក្នុងឆ្នាំថ្មីនេះ មិនមែនចាំបាច់តែស្នេហាប្រុសស្រីទេ ក្នុងនោះក៏មានទំនាក់ទំនងជាមួយមនុស្សជុំវិញខ្លួនដែរ។
ចូលចាប់ផ្តើមឆ្នាំថ្មីនេះអ្នកត្រូវប្រើច្បាប់ស្រូបទាញ ចូលផ្តល់ក្តីស្រលាញ់ដល់មនុស្សជុំវិញខ្លួនអ្នកដោយគ្មានលក្ខខណ្ឌមិនរំពឹងអ្វីមកវិញ ត្រូវផ្តោតលើចំណុចដែលយើងធ្វើអំពើល្អដោយចិត្តបរិសុទ្ធ នោះចក្រវាលផ្តល់អ្វីដែលអ្នកស្រូបទាញនោះ ។
កូនសោទី 3
កូនសោ Aphrodite គឺជានិមិត្តសញ្ញានៃភាពស្រស់ស្អាត សេចក្តីស្រឡាញ់ និងសន្តិភាព សត្វព្រាបនៅលើកូនសោគឺជានិមិត្តសញ្ញានៃសេរីភាពនិងសន្តិភាព ដូច្នេះឆ្នាំនេះនឹងជាឆ្នាំដែលត្រូវស្រាយចំណងដែលចង់ខ្លួនអ្នកជាប់ជំពាក់ ត្រូវចេះផ្តល់សេរីភាពក្នុងជីវិតឲ្យខ្លួនឯងប្រៀបបាននឹងការចុចប៊ូតុង Refresh ជីវិតថ្មី ចូលចាប់ផ្តើមឆ្នាំថ្មីដោយបោះបង់រឿងអាក្រក់ដែលធ្វើអោយបេះដូងអ្នករងទុក្ខ បោះវាចោលទៅតាមឆ្នាំចាស់ ហើយរស់នៅជាមួយហេតុផលដែលធ្វើអោយបេះដូងរបស់អ្នកមានសេចក្ដីសុខ វាសាមញ្ញណាស់នេះជាភាពសាមញ្ញនៃជីវិត ។
កូនសោទី 4
កូនសោ druid គឺជានិមិត្តសញ្ញានៃវិញ្ញាណ ដើមឡើយដែលយើងជឿថាមនុស្សគឺជាផ្នែកមួយនៃចក្រវាល ហើយចក្រវាលក៏មានទំនាក់ទំនងជាមួយវិញ្ញាណសម្រាប់គ្រប់យ៉ាងទាំងអស់នៅលើផែនដី។ ដូច្នេះឆ្នាំថ្មីនេះនឹងជាឆ្នាំដែលអ្នកត្រូវស្តាប់ព្រលឹងខ្លួនឯងឲ្យបានច្រើន វាប្រសើរជាងឲ្យអ្នកដ៏ទៃសម្រេចចិត្ត ឬដឹកច្រមុះអ្នកទៀត ត្រូវចាប់ផ្តើមឆ្នាំថ្មីដោយការកសាងទំនុកចិត្តលើខ្លួនឯង ស្តាប់យោបល់ពីខ្លួនឯងខ្លះ អ្នកនឹងឃើញថាវិចារណញាណរបស់អ្នកពិតជាត្រឹមត្រូវជាងគ្រូទាយទៅទៀត។
កូនសោទី 5
កូនសោស្តេចគឺជានិមិត្តសញ្ញានៃអំណាចដ៏អស្ចារ្យ មានន័យថាឆ្នាំថ្មីនេះអ្នកនឹងទទួលបានភាពជោគជ័យដ៏អស្ចារ្យ អាចល្បីល្បាញដោយសារការងារដែលអ្នកធ្វើ ប៉ុន្តែមុននឹងទៅដល់ទឹកដីនៃក្តីសុបិន អ្នកត្រូវតែជួបប្រទះឧបសគ្គជាច្រើនជាមុនសិន។
ម្ល៉ោះហើយអ្នកត្រូវចាប់ផ្តើមឆ្នាំថ្មីជាមួយនឹងការខិតខំប្រឹងប្រែង យកចិត្តទុកដាក់ចំពោះព័ត៌មានលម្អិត មានវិន័យជាប់លាប់ តែក៏កុំភ្លេចឈប់សម្រាកតាមផ្លូវខ្លះៗ ទើបធ្វើឱ្យជីវិតមានពណ៌ស្រស់ឆើតឆាយបន្តិច ត្រូវដឹងពីវិធីបន្ធូរអារម្មណ៍និងធ្វើឱ្យវាស្រួល ៕
ប្រភព៖ Knongsrok
ព័ត៌មានថ្មីៗ
