សញ្ញាទាំង៥បង្ហាញថា ប្រព័ន្ធភាពសុំានៃរាងកាយរបស់អ្នក កំពុងតែចុះខ្សោយហើយ

• 2021-02-07

នៅពេលប្រព័ន្ធភាពស៊ាំរបស់រាងកាយចុះខ្សោយ អ្នកងាយប្រឈមនឹងជំងឺគ្រោះថ្នាក់ជាច្រើន។ ដូច្នេះនៅពេលឃើញការបង្ហាញទាំងនេះ អ្នកត្រូវបង្កើនការប្រុងប្រយ័ត្នឱ្យបានខ្ពស់ និងគួរតែធ្វើការការពារ ឬពិគ្រោះជាមួយនឹងគ្រូពេទ្យជំនាញជាបន្ទាន់ ដើម្បីធ្វើការការពារឱ្យបានទាន់ពេលវេលា។

១. អស់កម្លាំងថេរ

ប្រសិនបើអ្នកគេងបានគ្រប់គ្រាន់ហើយនៅតែមានអារម្មណ៍ថារាងកាយរបស់អ្នកហត់នឿយ តែងតែស្ថិតក្នុងស្ថានភាពនឿយហត់ ងងុយដេកខ្លាំង ប្រហែលជានៅពេលនេះប្រព័ន្ធភាពស៊ាំរបស់អ្នកកំពុងចុះខ្សោយ។

២. ជំងឺផ្តាសាយជាប់លាប់

សម្រាប់មនុស្សដែលមានសុខភាពល្អ គឺមិនដែលចាញ់អាកាសធាតុត្រជាក់ ដែលបង្កឱ្យកើតជំងឺផ្ដាសាយឡើយ។ ទោះជាយ៉ាងណាក៏ដោយ ប្រសិនបើអ្នកមានជំងឺរ៉ាំរ៉ៃពីមួយខែទៅមួយខែ វាជាបញ្ហាដែលត្រូវពិចារណា។ ប្រសិនបើអ្នកមានអារម្មណ៍ថាអ្នកឈឺញឹកញាប់ជាងធម្មតា ឬប្រសិនបើអ្នកផ្ដាសាយញឹកញាប់ប្រព័ន្ធភាពស៊ាំរបស់អ្នកអាចចុះខ្សោយ។

៣. មានរបួសកម្រជា

ចំពោះអ្នកដែលមានប្រព័ន្ធភាពស៊ាំខ្សោយ ដំបៅងាយៗដូចជាការកាត់ និងហូរឈាមមិនត្រឹមតែបញ្ឈប់ការហូរឈាមយឺតជាងអ្នកដទៃប៉ុណ្ណោះទេ ប៉ុន្តែវាងាយនឹងឆ្លង និងមិនងាយឆាប់ជាសះស្បើយឡើយ។

៤. ក្រពះមិនល្អ

៥. ងាយបាក់​ទឹក​ចិត្ដ

ជាទូទៅមនុស្សដែលមានប្រព័ន្ធភាពសុំាមិនល្អច្រើនតែមានអារម្មណ៍មិនស្រួល និងខ្វះភាពរឹងមាំ។ ប្រសិនបើអ្នកមានអារម្មណ៍មិនល្អ និងធ្លាក់ទឹកចិត្តអ្នកគួរតែប្រយ័ត្នចំពោះប្រព័ន្ធភាពសុំានៃរាងកាយ។

#វិធីដើម្បីពង្រឹងប្រព័ន្ធភាពស៊ាំ

១. បំពេញបន្ថែមអាហារដែលល្អសម្រាប់ប្រព័ន្ធភាពស៊ាំ

មធ្យោបាយងាយស្រួលបំផុតដើម្បីកែលម្អភាពធន់របស់រាងកាយ គឺទទួលបានជីវជាតិគ្រប់គ្រាន់។ អ្នកអាចបង្កើនការញុំាអាហារដែលល្អសម្រាប់ប្រព័ន្ធភាពស៊ាំដូចជាចេកស្ពៃ ស្ពៃក្តោបជាដើម។

២. ធ្វើលំហាត់ប្រាណ

ការធ្វើលំហាត់ប្រាណ គឺជាវិធីមួយដើម្បីជួយឱ្យរាងកាយមានសុខភាពល្អ ដោយហេតុនេះអាចជួយពង្រឹងប្រព័ន្ធភាពស៊ាំឡើងវិញ។ អ្នកមិនចាំបាច់ទៅកន្លែងហាត់ប្រាណ ហើយធ្វើការលើកធ្ងន់នោះទេ។ គ្រាន់តែដើរ ឬរត់ហាត់ប្រាណរយៈពេល ៣០ នាទី / ថ្ងៃ ហើយរក្សាសកម្មភាពនេះឱ្យបានទៀងទាត់ បន្ទាប់ពីមួយរយៈអ្នកនឹងឃើញការផ្លាស់ប្តូរវិជ្ជមាននៅក្នុងខ្លួនអ្នកជាក់ជាមិនខាន៕

ប្រភព ៖ Phunutoday / ប្រែសម្រួល ៖ Knongsrok