ពេលវេលាមាស! សម្រាប់ទទួលទានកាហ្វេ ដើម្បីទទួលបានប្រសិទ្ធិភាព នៃការស្រកទម្ងន់

ប្រសិនបើអ្នកចង់ស្រកទម្ងន់បានយ៉ាងមានប្រសិទ្ធិភាព សូមកុំភ្លេចផឹកកាហ្វេនៅពេលវេលាទាំងនេះ ដើម្បីជួយដុតបំផ្លាញជាតិខ្លាញ់ឱ្យមានប្រសិទ្ធភាពកាន់តែល្អប្រសើរ។

១. ផឹកកាហ្វេនឹងជួយឱ្យអ្នកស្រកទម្ងន់

Screen Shot 2021 05 12 At 12.34.04 PM

កាហ្វេ ដែលជាកត្តាចូលរួមដោយផ្ទាល់ក្នុងដំណើរការសម្រកទម្ងន់បានយ៉ាងល្អ។ ក្រៅពីនេះ នៅក្នុងកាហ្វេក៏ផ្ទុកនូវសារធាតុចិញ្ចឹមដូចជា ប៉ូតាស្យូម ម៉ាញ៉េស្យូម…នឹងជួយផលិតបរិមាណអាំងស៊ុយលីនគ្រប់គ្រាន់សម្រាប់រាងកាយរបស់អ្នក កាត់បន្ថយការឃ្លានអាហារផ្អែម។ សារធាតុទាំងនេះដែលមានក្នុងកាហ្វេនឹងមានប្រសិទ្ធភាពជួយអ្នកសម្រកទម្ងន់យ៉ាងឆាប់រហ័ស។

ទោះជាយ៉ាងណាក៏ដោយ ប្រសិនបើអ្នកទិញ និងប្រើប្រាស់ផលិតផលកាហ្វេដែលមិនមានប្រភពដើម ដែលមិនស្គាល់ច្បាស់ វាអាចបំពុល និងបង្កគ្រោះថ្នាក់ដល់អ្នកផឹក។ ដូច្នេះដើម្បីធានាសុវត្ថិភាព អ្នកត្រូវជ្រើសរើសទិញកាហ្វេដែលមានប្រភពដើមច្បាស់លាស់ និងផលិតដោយម៉ាកល្បីឈ្មោះ។

លើសពីនេះទៀត នៅពេលដែលផឹកកាហ្វេ នឹងជួយបង្កើនប្រព័ន្ធបញ្ជូនសរសៃប្រសាទ កាត់បន្ថយអារម្មណ៍គេងមិនលក់។ ទោះយ៉ាងណាក៏ដោយ វាអាចបណ្តាលឱ្យគេងមិនលក់ ដូច្នេះនៅពេលផឹកកាហ្វេបញ្ចុះទម្ងន់ អ្នកត្រូវពិចារណាពីផលប៉ះពាល់របស់វាដូចជាការរំខានដល់ដំណេក និងសកម្មភាព។

២. តើគួរផឹកកាហ្វេនៅពេលណា ដើម្បីទទួលបានប្រសិទ្ធភាពខ្ពស់ក្នុងសម្រកទម្ងន់?

Screen Shot 2021 05 12 At 12.34.11 PM


- អ្នកគួរតែផឹកកាហ្វេ ៣០ នាទី បន្ទាប់ពីញុំាបាយរួច

បើអ្នកពិតជាមានបំណងក្នុងការប្រើកាហ្វេ ដើម្បីសម្រកទម្ងន់ នេះបើយោងតាមអ្នកជំនាញអាហារូបត្ថម្ភ អ្នកគួរតែផឹកកាហ្វេខ្មៅមួយកែវប្រហែល ៣០ នាទីក្រោយពេលទទួលទានអាហាររួច។ នេះគឺជាវិធីសាស្ត្រដែលបង្ហាញឱ្យឃើញសម្រាប់ការសម្រកខ្លាញ់ក្បាលពោះលឿន និងមានប្រសិទ្ធភាពដោយដុតបំផ្លាញជាតិខ្លាញ់លើស។

ការពិតដែលអ្នកផឹកកាហ្វេលីងជាប្រចាំ នឹងមានឥទ្ធិពលខ្ពស់ក្នុងការសម្រកទម្ងន់ជាងការផឹកកាហ្វេភ្លាមៗ។ មូលហេតុ គឺថាមាតិកាកាហ្វេអ៊ីនរបស់កាហ្វេលីងនឹងមិនត្រូវបាត់បង់ច្រើនទេ។ ដើម្បីទទួលបានលទ្ធផលខ្ពស់ អ្នកមិនត្រឹមតែផឹកកាហ្វេទេ តែត្រូវធ្វើលំហាត់ប្រាណ និងលេងកីឡាបន្ថែមផងដែរ។ ៣០ នាទីមុនពេលហាត់ប្រាណ អ្នកគួរតែផឹកកាហ្វេខ្មៅមួយកែវ ដើម្បីជួយឱ្យអាស៊ីតខ្លាញ់នឹងប្រែទៅជាថាមពលបង្កើនអត្រានៃការដុតខ្លាញ់។

ដូច្នេះរាល់ព្រឹកអ្នកគួរតែផឹកកាហ្វេខ្មៅមួយកែវ ដោយគ្មានជាតិស្ករ ដើម្បីផ្តល់ភាពរឹងមាំ ការច្នៃប្រឌិត និងភាពរំជើបរំជួល ជួយឱ្យចាប់ផ្តើមថ្ងៃធ្វើការថ្មីប្រកបដោយប្រសិទ្ធភាពបំផុត។ លើសពីនេះ កាហ្វេក៏អាចជួយលុបបំបាត់ភាពអត់ឃ្លានបានដែរ ហើយអ្នកក៏មិនចាំបាច់ញុំាអាហារច្រើនដែរ។

- ផឹកកាហ្វេមុនពេលហ្វឹកហាត់

នៅពេលដែលអ្នកផឹកកាហ្វេមុនពេលហាត់ប្រាណ វាជួយជម្រុញអារម្មណ៍របស់អ្នកដែលធ្វើឱ្យអ្នកមានភាពងាយស្រួលក្នុងការបញ្ចប់លំហាត់។ ទន្ទឹមនឹងនេះដែរ ដោយសារមាតិកាកាហ្វេអ៊ីនដែលមាននៅក្នុងកាហ្វេ វានឹងជួយឱ្យអ្នកដុតបំផ្លាញកាឡូរីបានច្រើន ក៏ដូចជាខ្លាញ់ក្នុងខ្លួនលើសដែលមានប្រសិទ្ធភាពបំផុត៕

ប្រភព ៖ Phunutoday / ប្រែសម្រួល ៖ Knongsrok