គ្រូពេទ្យព្រមាន៖ ផ្តល់អាហារ ៦ ប្រភេទនេះដល់កូនច្រើនពេក បណ្តាលឱ្យកុមារលូតលាស់យឺត និងបង្កឱ្យមានជម្ងឺមហារីក

ការទទួលទានអាហារទាំងនេះជាប្រចាំនឹងជះឥទ្ធិពលដល់ការលូតលាស់របស់កូនអ្នក ថែមទាំងបង្កជាជំងឺគ្រោះថ្នាក់ទៀតផង។

1. ភេសជ្ជៈផ្អែម ទឹកផ្លែឈើកំប៉ុង ភេសជ្ជៈកីឡា

Screen Shot 2021 07 03 At 4.13.41 PM

យោងតាមគោលការណ៍ណែនាំរបស់វេជ្ជបណ្ឌិតផ្នែកកុមារអាមេរិក កុមារអាយុក្រោម ១ ឆ្នាំមិនគួរទទួលទានទឹកផ្លែឈើកំប៉ុងឡើយ។ មនុស្សពេញវ័យ និងកុមារធំអាចទទួលទានបានប៉ុន្តែគួរតែទទួលទានមានកំរិត។ ភេសជ្ជៈផ្អែម និងភេសជ្ជៈកីឡាមិនសាកសមសម្រាប់កុមារទេព្រោះវាមានផ្ទុកប្រេងបន្លែ។ ការទទួលទានរយៈពេលយូរអាចបណ្តាលឱ្យមានការពុល bromine ប៉ះពាល់ដល់ប្រព័ន្ធសរសៃប្រសាទ និងការចងចាំរបស់កុមារ។

លើសពីនេះភេសជ្ជៈទាំងនេះមានផ្ទុកទៅដោយកាឡូរីច្រើន និងបរិមាណស្ករច្រើនដែលមិនល្អសម្រាប់សុខភាពមាត់ធ្មេញដោយមិនផ្តល់វីតាមីន និងសារធាតុរ៉ែមានប្រយោជន៍។ ជាការប្រសើរអ្នកគួរតែផ្តល់ឱ្យកូនរបស់អ្នកនូវទឹកដោះគោស្រស់ ទឹកដោះគោជូរ បរិភោគផ្លែឈើស្រស់ដើម្បីសុខភាពល្អ។

2. អាហាររហ័ស ឬអាហារវេចខ្ចប់

Screen Shot 2021 07 03 At 4.13.30 PM

សាច់ហាំ សាច់ក្រក សាច់ប៉ាតេ... គឺជាចំណូលចិត្តរបស់មនុស្សជាច្រើន។ ទោះយ៉ាងណាក៏ដោយប្រភេទអាហារទាំងនេះមិនផ្តល់សុខភាពល្អទាល់តែសោះ។ សាច់កែច្នៃច្រើនតែមានជាតិនីត្រាត និងអំបិលសូដ្យូម។ សារធាតុទាំងពីរនេះមិនល្អសម្រាប់រាងកាយទេ ប្រសិនបើប្រើជារៀងរាល់ថ្ងៃជាពិសេសសម្រាប់ក្មេងតូចៗ។

3.​ អាហារ​កំប៉ុង

Screen Shot 2021 07 03 At 4.13.22 PM

អាហារកំប៉ុងមានភាពងាយស្រួលប៉ុន្តែវាមិនសមស្របសម្រាប់ការប្រើប្រាស់យូរទេជាពិសេសសម្រាប់កុមារតូចៗ។ អាហារកំប៉ុងជាធម្មតាមានផ្ទុកនូវសារជាតិថែរក្សាគុណភាពអាហារដែលមិនល្អសម្រាប់សុខភាពក្មេងតូចៗ។ លើសពីនេះទៅទៀតការរក្សាទុកយូរពេកក៏ធ្វើឱ្យអាហារូបត្ថម្ភដែលមានក្នុងអាហារនេះមានការថយចុះច្រើនបើប្រៀបធៀបនឹងអាហារស្រស់។ ជាការប្រសើរឪពុកម្តាយគួរតែជ្រើសរើសអាហារស្រស់ដើម្បីរៀបចំអាហារសម្រាប់កូន ៗ ។


4.​ ដំឡូងបារាំងបំពង

Screen Shot 2021 07 03 At 4.13.13 PM

ដំបូងបារាំងបំពងគឺជាអាហារសម្រន់ដែលកុមារចូលចិត្តរាប់លាននាក់។ យ៉ាងណាក៏ដោយនេះមិនមែនជាអាហារដែលមានសុខភាពល្អទេ។ ដំឡូងបារាំងបំពងច្រើនតែមានខ្លាញ់ កាឡូរី និងអំបិល។ ទាំងអស់នេះគឺជាសារធាតុដែលមិនល្អសម្រាប់ការលូតលាស់របស់កុមារ។ ការប្រើប្រាស់អំបិលច្រើនពេកនឹងបណ្តាលឱ្យមានបញ្ហាសម្ពាធឈាម គ្រួសក្នុងតំរងនោម។ ការបរិភោគអាហារប្រៃគឺគ្រោះថ្នាក់ដូចអាហារមានជាតិស្ករខ្ពស់ដែរ។

5. សាច់បំពង

Screen Shot 2021 07 03 At 4.12.47 PM

វិធីសាស្រ្តធ្វើម្ហូបមានឥទ្ធិពលយ៉ាងខ្លាំងទៅលើអាហារូបត្ថម្ភរបស់ម្ហូប។ សាច់ចៀន ឬបំពងត្រូវបានកុមារចូលចិត្តទទួលទានជាញឹកញាប់ប៉ុន្តែមិនល្អសម្រាប់សុខភាព។ សាច់ត្រូវបានផ្សំនៅក្នុងគ្រឿងទេស បំពងលេចនៅក្នុងប្រេងឆាដូច្នេះវាច្រើនតែមានអំបិល និងខ្លាញ់ឆ្អែតច្រើន។ ការទទួលទានច្រើនពេកនៃសារធាតុទាំងនេះនឹងជះឥទ្ធិពលយ៉ាងធ្ងន់ធ្ងរដល់ការវិវត្តរបស់កុមារដែលនាំឱ្យមានជំងឺគ្រោះថ្នាក់ដូចជាការលើសទម្ងន់ ធាត់ និងជំងឺបេះដូង។

6. មី​កញ្ចប់

Screen Shot 2021 07 03 At 4.13.01 PM

មីកញ្ចប់ត្រូវបានផលិតចេញពីម្សៅស្រូវសាលីចម្រាញ់ហើយមិនមានវីតាមីននិងសារធាតុរ៉ែចាំបាច់ទេ។ នេះគឺជាម្ហូបដែលស្ទើរតែគ្មានតម្លៃអាហារូបត្ថម្ភ។

ថាមពលតែមួយគត់នៅក្នុងមីកញ្ចប់គឺខ្លាញ់និងម្សៅ។ ដូច្នេះកុមារដែលទទួលទានមីច្រើនត្រូវប្រឈមនឹងហានិភ័យនៃអតុល្យភាពអាហារូបត្ថម្ភ កង្វះជាតិសរសៃ វីតាមីន ជាតិរ៉ែ…ហើយនៅតែអាចធាត់ដោយសារទទួលទានម្សៅច្រើនពេក៕

ប្រែសម្រួល៖ វីរៈ | ប្រភព៖ phunutoday