ខ្ញីផ្តល់ប្រយោជន៍ច្រើនណាស់ តែត្រូវចាំ មនុស្ស ៥ ប្រភេទនេះ មិនត្រូវទទួលទានច្រើនពេកទេ
ខ្ញីគឺជាគ្រឿងទេសដែលរមែងមានគេប្រើប្រាស់ទៅក្នុងម្ហូប និងឱសថជាច្រើន ដោយសារវាអាចព្យាបាលអាការៈក្អួតចង្អោរ ជួយឲ្យប្រសើរឡើងនៅប្រព័ន្ធរំលាយអាហារ កាត់បន្ថយការឈឺចាប់ពេលមករដូវ ជួយបំបាត់ការឈឺចាប់សាច់ដុំនិងសន្លាក់ បង្កើនភាពធន់ និងព្យាបាលជំងឺផ្លូវដង្ហើមជាដើម។
យ៉ាងណាបើទោះបីមានប្រយោជន៍ច្រើនរាប់មិនអស់ តែខ្ញីក៏មិនត្រូវធាតុជាមួយមនុស្ស ៥ ប្រភេទនេះដែរ ហើយសម្រាប់ពួកគេបើជៀសបាន មិនគួរទទួលទានខ្ញីឡើយ៖
៥) អ្នកមានជំងឺគ្រុនក្តៅខ្លាំង
ដោយសារតែខ្ញីវាជារបស់ក្តៅ ហើយប្រសិនរាងកាយកំពុងមានកម្តៅខ្លាំងស្រាប់ហើយ វានឹងបន្ថែមកម្តៅទៅដល់ជំងឺ រហូតដល់អាចបណ្តាលឲ្យខូចចសរសៃឈាម ឬមានការហូរឈាមចេញមក។
៤) អ្នកមានជំងឺលើសឈាម
អ្នកគួរតែទទួលទានតែទឹកខ្ញីនៅពេលសម្ពាធឈាមទាប ប៉ុន្តែបើសម្ពាធឈាមឡើងខ្ពស់ នោះមិនគួរទទួលទានវាឡើយ។ ដោយនេះជារបស់ជួយនាំឲ្យសម្ពាធឈាមឡើង ហើយបើយើងលើសឈាមហើយ ទៅដាក់ខ្ញីថែមទៀត វាប្រាកដជាអាចបណ្តាលឲ្យអ្នកដាច់សរសៃឈាមខួរក្បាលជាមិនខាន។
៣) អ្នកដែលឈឺក្រពះ
សមាសធាតុមួយចំនួននៃខ្ញី នឹងធ្វើឲ្យរលាកស្រទាប់ក្រពះ រលូយ ឬបង្កទៅជាដំបៅ ដែលនាំឲ្យកើតជំងឺមហារីកក្រពះបាន។
២) អ្នកមានជំងឺឬសដូងបាត
ខ្ញីក្តៅខ្លាំងណាស់ អាចធ្វើឲ្យប៉ះពាល់ដល់សរសៃឈាម ដូច្នេះបើអ្នកមានប្រវត្តិនៃការហូរឈាមមខុសប្រក្រតី ដូចជាឈាមច្រមុះ ធ្លាក់ឈាមក្នុងស្បួន ឬសដូងបាត មិនគួរលូកខ្ញីមកទទួលទានឡើយ។
១) ស្រ្តីមានផ្ទៃពោះ
ថ្វីដ្បិតបើខ្ញីល្អក្នុងការកាត់បន្ថយអាការៈក្អួតចង្អោរដែលអាចកើតមានសម្រាប់អ្នកមានផ្ទៃពោះ ប៉ុន្តែរយៈពេល ៣ ខែចុងក្រោយនៃការពពោះ មុនកើត អ្នកមិនគួរទទួលទានវាឡើយ ព្រោះអាចនាំឲ្យឡើងសម្ពាធឈាម បង្កជាគ្រោះថ្នាក់ទាំងដល់ម្តាយនិងទារក៕
ប្រភព៖ បរទេស | ប្រែសម្រួល៖ ក្នុងស្រុក
Recent News
