បន្ថែមរបស់ ៣ ចូលទៅក្នុងកែវទឹក លើកផឹករាល់ថ្ងៃ ជួយទាំងសុខភាព ហើយស្រកទម្ងន់ថែមទៀត

ប្រសិន​អ្នក​អាច​ទទួល​ទាន​វា​ជា​ប្រចាំ នោះ​រាងកាយ​មិន​ត្រឹម​តែ​មាន​សុខភាព​ល្អ​ប៉ុណ្ណោះ​ទេ តែ​ថែម​ទាំង​អាច​ជួយ​សម្រក​ទម្ងន់​បាន​ឆាប់​រហ័ស​ទៀត​ផង៖

១) ទឹក​ខ្ទឹម

Ti_1

ខ្ទឹម​ស​មាន​ប្រយោជន៍​ច្រើន​ណាស់​ចំពោះ​សុខភាព។ វា​អាច​ជួយ​បន្ថយ​ការ​កើន​ឡើង​សម្ពាធ​ឈាម ប្រឆាំង​នឹង​ការ​បង្ក​ជំងឺ ក៏​ដូច​ជា​បន្សាប​ជាតិ​ពុល​ក្នុង​រាងកាយ។ ការ​អនុវត្ត៖

អ្នក​ត្រូវ​យក​ខ្ទឹម​ស ២ កំពឹស​ហើយ​ហាន់​ជា​បន្ទះ​ស្តើងៗ

ទុក​វា​ចោល​រយៈ​ពេល ១០ នាទី​បន្ទាប់​មក​លាយ​ជាមួយ​ទឹក​ធម្មតា ៥០០ ម.ល

ទុក​ចោល​រយៈ​ពេល ២ ម៉ោង ហើយ​លើក​វា​មក​ទទួល​ទាន។

២) ទឹក​ត្រសក់

Bac Ha 15300749721411110182036


ភេសជ្ជៈ​ស្រស់ៗ​ដែល​មាន​ត្រសក់​លាយ​ជាមួយ គឺ​អាច​ជួយ​ឲ្យ​អ្នក​ស្រក​ទម្ងន់ និង​ឆាប់​ឆ្អែត។ ដោយ​ត្រសក់​ ១ ផ្លែ​ធំ មាន​​តែ ៣៤ កាឡូរី​ប៉ុណ្ណោះ។ វិធី​ធ្វើ៖

កាត់​ត្រសក់​ជា​ចំណិត​តូចៗ ឬ​ជា​ដុំៗ

យក​វា​ទៅ​បង្កក​ នៅ​ក្នុង​ទូ​ទឹកកក​ឲ្យ​កក

នៅ​ពេល​អ្នក​មាន​អារម្មណ៍​ថា​ឃ្លាន អាច​យក​វា​មក​ដាក់​ចូល​ជាមួយ​ទឹក​បរិសុទ្ធ​ហើយ​លើក​មក​ទទួល​ទាន

អ្នក​ក៏​អាច​បន្ថែម​ក្រូចឆ្មារ ឬ​ជី​អង្កាម​ដើម្បី​បង្កើន​រសជាតិ។

៣) ទឹក​ផ្លែ​ប៉ោម

Detox Giam Can Nhanh 6

ទាំង​ផ្លែ​ប៉ោម និង​ Cinnamon អាច​ជួយ​ឲ្យ​អ្នក​ស្រក​ទម្ងន់​ ហើយ​ជួយ​ពង្រឹង​ប្រព័ន្ធ​រំលាយ​អាហារ​បាន​យ៉ាង​ល្អ។ វា​ក៏​អាច​ផ្តល់​វីតាមីន C និង​ជួយ​ឲ្យ​រាងកាយ​មាន​សារធាតុ​​ប្រឆាំង​រឹងមាំ​ផង​ដែរ។ ជា​ពិសេស Cinnamon អាច​ផ្តល់​ប្រយោជន៍​សម្រាប់​សុខភាព រួម​ដូច​ជា​ការ​បញ្ចុះ​កូឡេស្តេរ៉ុល និង​ប្រឆាំង​ជំងឺ​ទឹកនោម​ផ្អែម។

វិធី​ធ្វើ៖ ​ហាន់​ចំណិត​ផ្លែប៉ោម​ស្តើងៗ ដាក់​ចូល​ទៅ​ក្នុង​ទឹក​បរិសុទ្ធ​មួយ​កែវ លាយ​ជាមួយ​នឹង Cinnamon ហើយ​ទុក​វា​ចោល​ក្នុង​ទូ​ទឹកកក​រយៈ​ពេល ១ ម៉ោង ដើម្បី​ឲ្យ​រលាយ​រសជាតិ​ចូល​គ្នា សឹម​លើក​មក​ទទួល​ទាន៕

ប្រភព៖ បរទេស | ប្រែ​សម្រួល៖ ក្នុង​ស្រុក