ប្រយ័ត្នចាស់ជាងវ័យ ១០ ឆ្នាំ បើស្រីៗនៅប្រកាន់ខ្ជាប់ទម្លាប់គេងមិនល្អទាំង ៦ នេះ
ការគេងដើរតួយ៉ាងសំខាន់ចំពោះសុខភាពនិងសម្រស់របស់ស្រ្តី ហើយនៅទម្លាប់គេងខាងក្រោមទាំង ៦ នេះ វាជាទម្លាប់មិនល្អនោះទេ ប្រសិនអ្នកនៅតែបន្ត នោះនឹងអាចបណ្តាលឲ្យអ្នកចាស់ជាងវ័យមិនខាន៖
៦) ខឹងមុនចូលគេង
មនុស្សជាច្រើនជៀសមិនផុតពីបញ្ហានោះទេ តែយ៉ាងណាមុនពេលគេង សុំកុំឲ្យខ្លួនឯងមានអារម្មណ៍ខឹងនរណាម្នាក់ឲ្យសោះ។ នេះវាធ្វើឲ្យអ្នកគេងលក់មិនបានស្កប់ស្កល់ ហើយបើចេះតែទម្លាប់យូរទៅ នឹងបណ្តាលឲ្យសភាពរាងកាយកាន់តែចាស់ជាងអាយុ។
៥) ទទួលទានច្រើនមុនពេលគេង
ការទទួលទានច្រើន មុនពេលចូលគេង វានឹងបង្កគ្រោះថ្នាក់ខ្លាំង ព្រោះអាហារនឹងត្រូវរំលាយយឺត ហើយការដុតកាឡូរីក៏តិចជាងពេលផ្សេងទៀតដែរ។ ជាងនេះវាប្រមូលផ្តុំជាតិខ្លាញ់មិនល្អ ធ្វើឲ្យកកកុញក្នុងរាងកាយ បណ្តាលឲ្យធាត់លើសទម្ងន់ជាដើម។
៤) ស្លៀកពាក់តឹងពេក
ការស្លៀកពាក់នៅពេលយប់ មិនគួរទម្លាប់ពាក់អាវដៃវែង ខោតឹងនោះទេ គួរជ្រើសរើសរបស់ដែលរលុង និងធូរ ទើបធ្វើឲ្យចរន្តឈាមរត់ស្រួល។
៣) គេងផ្កាប់មុខចុះ
អ្នកជំនាញបានណែនាំថា ការគេងផ្កាប់មុខចុះ គឺអាចឲ្យអ្នកឡើងស្នាមជ្រីវជ្រួញ ដាក់សម្ពាធលើសរសៃឈាម បណ្តាលឲ្យឡើងជ្រួញខ្លាំងនៅតំបន់ចង្កា ថ្ពាល់ និងថ្ងាស។ ទម្លាប់នេះ នឹងធ្វើឲ្យអ្នកចាស់ជាងវ័យត្រឹមតែប៉ុន្មានយប់។
៣) យកដៃកល់ជំនួសខ្នើយ
កុំទម្លាប់យកដៃមកកល់ជំនួសខ្នើយគេង ព្រោះវាធ្វើឲ្យចរន្តឈាមដើរមិនស្រួល ឆាប់មានអាការៈវិលមុខពេលក្រោក ហើយក៏ជាកត្តាធ្វើឲ្យស្បែកឡើងជ្រីវជ្រួញឆាប់រហ័សផងដែរ។ ដូច្នេះយល់ល្អ គួរសម្រុងដៃចុះទៅក្រោមធម្មតា ហើយមិនគួរដាក់ដៃពត់មកក្រោយក្រោមក្បាលអ្វីនោះទេ។
២) មិនបានលាងគ្រឿងសម្អាងចេញពីមុខ
មនុស្សស្រីភាគច្រើន ហត់នឿយពេញមួយថ្ងៃហើយ មកដល់ផ្ទះក៏មិនបានលាងសម្អាតផ្ទៃមុខ ដែលជាប់គ្រឿងសម្អាង ហើយទម្លាប់នេះ យូរទៅនឹងធ្វើឲ្យមុខឆាប់ចាស់ ឡើងមុន ស្បែកស្រអាប់ជាដើម។ ដូច្នេះមុនចូលគេង ទោះហត់ប៉ុណ្ណា ក៏ត្រូវចាំថា ទម្លាប់លាងសម្អាតមុខចេញសិន។
១) គេងខុសម៉ោង
យោងតាមអ្នកជំនាញបានឲ្យដឹងថា ការគេងមិនទៀងម៉ោង ក៏ធ្វើឲ្យរាងកាយពិបាកក្នុងការផលិតកូឡាជែន ជួយបង្កើនភាពយឺតនៃស្បែកផងដែរ។ ដូច្នេះបើរាងកាយខ្វះខាតកូឡាជែន នោះអ្នកនឹងប្រឈមការចាស់ជាងវ័យ ស្បែកយារធ្លាក់ជាដើម។ អ៊ីចឹងល្អបំផុត គួរមានទម្លាប់គេងឲ្យបានទៀងទាត់ទៅតាមម៉ោងជាប្រចាំ៕
ប្រភព៖ បរទេស | ប្រែសម្រួល៖ ក្នុងស្រុក
Recent News
