ស្រីៗគ្នាយើងកត់អាហារ ៦ នេះទុក ជួយឲ្យស្បែកទន់ល្មើយ លែងបារម្ភស្នាមជ្រីវជ្រួញ
បើអ្នកអាចទម្លាប់ទទួលទានអាហារទាំង ៦ មុខខាងក្រោមជាប្រចាំ នោះធានាថា ស្បែកនឹងទទួលបសារធាតុចិញ្ចឹមល្អគ្រប់គ្រាន់ ជួយឲ្យមើលទៅទន់ល្មើយ ភ្លឺចេញពីខាងក្នុង និងមិនបារម្ភទៀតឡើយ បញ្ហាស្នាមជ្រីវជ្រួញ៖
៦) ប៉េងប៉ោះ
ជាប្រភពផ្តល់នូវវីតាមីន C ដ៏អស្ចារ្យ ដែលជួយបង្កើនភាពធន់ រំញោចការផលិតកូឡាជែនឲ្យសកម្មឡើងវិញ ដើរតួបង្កើនភាពយឺត និងរឹងមាំនៃស្បែក។
ជាងនេះសារធាតុលីកូប៉ែនធម្មជាតិនៅក្នុងប៉េងប៉ោះ ក៏ជួយរារាំងដំណើរការនៃការបំផ្លាញខូឡាជែនបានយ៉ាងល្អងដែរ ហើយវាក៏ដើរតួជាអ្នកការពារ ឥទ្ធិពលកាំរស្មី UV បានថែមទៀត។
៥) បន្លែបៃតង
ស្ពៃក្តោប ខាត់ណា... មានសារធាតុចិញ្ចឹមជាច្រើនដូចជាវីតាមីន A, K និង C ក៏ដូចជាសារធាតុរ៉ែដៃទៀតដែលជួយជួសជុលកោសិកាស្បែក ហើយការពារភាពចាស់ និងមានសារធាតុប្រឆាំងអុកស៊ីតកម្ម ជួយជំរុញដល់ការផលិតកូឡាជែន ដែលរាងកាយត្រូវការ។ ទៅក្នុងរបបអាហារសម្រាប់អ្នកចង់ស្រកទម្ងន់ ក៏គួរតែមានវាជាចាំបាច់ដែរ។
៤) ផ្លែបឺរ
ជាអាហារម្យ់ាងដែលផ្តល់ខ្លាញ់ល្អសម្រាប់សុខភាព ហើយអាចរក្សាតុល្យភាពកម្រិតកូឡេស្តេរ៉ុលក្នុងរាងកាយ។ វីតាមីនដែលទទួលបានពីផ្លែបឺរ ក៏ជួយឲ្យស្បែកមានសភាពយឺត មានសំណើម និងការពារគ្រោះថ្នកា់ផ្សេងៗ។ ជារៀងរាល់ថ្ងៃអ្នកគួរទទួលទានផ្លែបឺរ ពី កន្លះ ទៅ ១ ផ្លែដើម្បីជួយផ្តល់សារធាតុចិញ្ចឹមគ្រប់គ្រាន់ដល់ស្បែក។
៣) សណ្តែកសៀង
សមាសធាតុសំខាន់ក្នុងសណ្តែកសៀង អាចជួយជំរុញការផលិតកូឡាជែន និងប្រឆាំងភាពចាស់នៃស្បែក ហើយដើរតួជារនាំងការពារប្រឆាំងកាំរស្មី UV ដែលបណ្តាលឲ្យស្បែកខូច។ អ្នកអាចលាយបញ្ចូលគ្នារវាងសណ្តែកសៀង និងតៅហ៊ូ ដែលវាល្អសម្រាប់ការថែរក្សាស្បែកពីខាងក្នុង។
២) អង្ករសម្រូប
អង្ករសម្រូបមានសារធាតុចិញ្ចឹមច្រើនដូចជា CoQ10, វីតាមីន E, B ដែលមានប្រសិទ្ធភាពជួយដល់ស្បែក ហើយបណ្តេញជាតិពុលចេញពីរាងកាយ។ វាល្អសម្រាប់អ្នកដែលធុញទ្រាន់នឹងការទទួលទានអង្ករ ឬបាយធម្មតា ដោយផ្លាស់ប្តូរមកជាអង្ករសម្រូប ក៏ជាឱជារសប្លែកមាត់មួយផងដែរ។
១) គ្រាប់ជី
វាត្រូវបានគេចាត់ទុកជាអាហារបំប៉នស្បែក ដែលសម្បូរទៅដោយវីតាមីន A, C និង E ក៏ដូចជាសារធាតុប្រឆាំងអុកស៊ីតកម្ម មានសមត្ថភាពការពារស្បែក។ លើសពីនេះវាក៏ផ្សំនៅខ្លាញ់ឆ្អែតអូមេហ្គា ៣ និង ORAC ដែលជួយលើកពណ៌ស្បែក និងប្រឆាំងស្នាមជាំ អាចម៍រុយផ្សេងៗបានយ៉ាងល្អទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
Recent News
