ប្រញាប់បញ្ឈប់ជាបន្ទាន់! ភេសជ្ជៈ ៤ ប្រភេទដែលបណ្តាលឱ្យឆាប់ចាស់មុនអាយុ

• 2021-09-21

ភេសជ្ជៈខាងក្រោមនេះបង្កគ្រោះថ្នាក់ដល់សុខភាពណាស់ ហើយក៏ងាយនឹងបណ្តាលឱ្យដំណើរការនៃភាពចាស់លឿនផងដែរ ដូច្នេះ គួរតែប្រញាប់បញ្ឈប់ជាបន្ទាន់ ជាពិសេសស្រីៗ កុំសូវញុំាពេក បើមិនចង់ឱ្យឆាប់ចាស់។

១. ភេសជ្ជៈកាបូន

ភេសជ្ជៈមានជាតិកាបូនមានជាតិស្ករច្រើន និងមានសារធាតុចិញ្ចឹមតិចតួច ឬគ្មានទាល់តែសោះ ហើយប្រសិនបើទទួលទានក្នុងបរិមាណច្រើន អាចនាំឱ្យឡើងទម្ងន់តាមពេលវេលា។

យោងតាមអនុសាសន៍របស់រដ្ឋបាលចំណីអាហារ និងឱសថអាមេរិកបានឱ្យដឹងថា ប្រសិនបើអ្នកទទួលទានជាតិស្ករជារៀងរាល់ថ្ងៃ វានឹងពន្លឿនដំណើរការនៃភាពចាស់។ ទន្ទឹមនឹងនេះ ជាមធ្យមនៃភេសជ្ជៈកំប៉ុង ៣៥០ មីលីលីត្រ មានជាតិស្ករ ៣៩ ក្រាម។ ដូច្នេះអ្នកគួរតែកំណត់ការទទួលទានភេសជ្ជៈដែលមានជាតិផ្អែម ហើយផ្ទុយទៅវិញ ត្រូវបន្ថែមទឹកដែលច្រោះឱ្យបានច្រើនដល់រាងកាយរបស់អ្នក។

២. ទឹកផ្លែឈើដប ឬកំប៉ុង

នៅក្នុងសមាសភាពនៃទឹកផ្លែឈើ សុទ្ធមានអត្ថប្រយោជន៍យ៉ាងច្រើនចំពោះសុខភាព ផ្ទុយទៅវិញទឹកផ្លែឈើមានផ្ទុកជាតិស្ករច្រើន ហើយអាចធ្វើឱ្យយើងឆាប់ចាស់។

ឧទាហរណ៍ក្នុងទឹកផ្លែឈើសំយោគចំណុះ ២៣៦ មីល្លីលីត្រ អ្នកនឹងទទួលទានជាតិស្ករ ២២ ក្រាម និងស៊ីរ៉ូហ្វ្រូតូសខ្ពស់។ ដូច្នេះអ្នកមិនគួរប្រើភេសជ្ជៈដែលមានជាតិកំប៉ុងឡើយ ក្រែងលោភាពចាស់មុនអាយុប៉ះពាល់ដល់សុខភាព និងសម្រស់របស់អ្នក។

៣. គ្រឿងស្រវឹង

ថ្វីដ្បិតតែជាតិអាល់កុលមិនមានជាតិស្ករច្រើនក៏ដោយ ប៉ុន្តែវានៅតែអាចធ្វើឱ្យអ្នកឆាប់ចាស់តាមវិធីផ្សេងៗ។ យោងតាមអ្នកជំនាញ ប្រសិនបើអ្នកទទួលទានភេសជ្ជៈមានជាតិអាល់កុលច្រើននឹងធ្វើឱ្យស្បែករបស់អ្នកស្តើង និងស្ងួតនៅពេលអ្នកមានអាយុច្រើន និងកត្តាខាងក្រៅអាចជួយពន្លឿនដំណើរការនេះ។ មួយផ្នែកដោយសារឥទ្ធិពលខះជាតិអាល់កុលរបស់ជាតិអាល់កុល វាអាចបណ្តាលឱ្យស្បែកមានស្នាមជ្រីវជ្រួញ នៅពេលទទួលទានក្នុងបរិមាណច្រើនតាមពេលវេលា។

គ្រឿងស្រវឹងក៏អាចបណ្តាលឱ្យមានបញ្ហាថ្លើមខ្លះប៉ះពាល់ដល់សុខភាពរបស់អ្នក។ លើសពីនេះ ស្រាក៏ជួយកាត់បន្ថយគុណភាពនៃការគេងក្នុងរយៈពេលវែងធ្វើឱ្យប្រព័ន្ធការពាររាងកាយចុះខ្សោយ។

៤. តែគុជទឹកដោះគោ

ធ្លាប់មានការព្រមានជាច្រើន អំពីគ្រោះថ្នាក់នៃតែទឹកដោះគោចំពោះសុខភាព ប៉ុន្តែនេះនៅតែជាភេសជ្ជៈដែលពេញនិយមសម្រាប់យុវវ័យ។

ចំពោះស្ត្រី ការផឹកតែទឹកដោះគោច្រើន មិនត្រឹមតែបណ្តាលឱ្យធាត់កង្វះសារធាតុចិញ្ចឹមប៉ុណ្ណោះទេ ថែមទាំងបំផ្លាញស្បែកទៀតផង។ យោងតាម ​​Thedailymeal ធាតុផ្សំសំខាន់នៃតែទឹកដោះគោ គឺស្ករ ប្រសិនបើទទួលទានច្រើនពេក វានឹងធ្វើឱ្យរលាកស្បែក ហើយក្នុងពេលតែមួយកាត់បន្ថយបរិមាណអេឡាស្ទីន និងកូឡាជែននៅក្នុងខ្លួន។ ទន្ទឹមនឹងនេះ កូឡាជែន និងអេឡាស្ទីន គឺជាប្រូតេអ៊ីនសំខាន់ដែលទទួលខុសត្រូវចំពោះការថែរក្សាស្បែកទន់រលោង និងតឹងណែន៕

ប្រភព ៖ Phunutoday / Knongsrok