ស្រីៗត្រូវចាំ! ថ្ងៃមករដូវ កុំលូកអាហារ ២ កុំធ្វើរឿង ២ បើចង់ឲ្យស្បូនមានសុខភាពល្អ
អត្ថបទនេះសម្រាប់មនុស្សស្រីជាពិសេស ហើយគ្នាយើងមិនថាប្រុសស្រី សុំកុំខ្មាសអៀននឹងចែករំលែកទៅកាន់មនុស្សជាទីស្រលាញ់។ ក្នុងកំឡុងពេលថ្ងៃមករដូវ ត្រូវចាំថា កុំធ្វើរឿង ៤ យ៉ាងនេះឲ្យសោះ ព្រោះវាអាចប៉ះពាល់ដល់សុខភាពស្បូនទៅពេលខាងមុខបាន៖
៤) កុំទទួលទានអាហារត្រជាក់
ផ្នែកស្បូន ខ្លាចបំផុតគឺសីតុណ្ហភាពត្រជាក់ ដូច្នេះបើអ្នកទទួលទានអាហារឬភេសជ្ជៈដែលមានជាតិត្រជាក់ខ្លាំង គឺងាយនឹងបង្កការឈឺចុកចាប់បន្ថែមទៀតពេលមករដូវ ហើយក៏ប៉ះពាល់ដល់សមត្ថភាពរបស់ស្បូនក្នុងការបញ្ចេញឈាមរដូវផងដែរ។
ជំនួសពីការទទួលទានអាហារត្រជាក់ ស្រីៗគួរតែងាកមកទទួលទានស៊ុបក្តៅៗ និងផឹកទឹកក្តៅឧណ្ឌៗ ដោយវាមិនត្រូវរក្សាតុល្យភាពរាងកាយ ជួយបំបាត់ការឈឺចាប់ពេលមករដូវប៉ុណ្ណោះទេ វាថែមទាំងជួយរក្សាសុខភាពស្បូនឲ្យនៅល្អថែមទៀតផង។
៣) កុំទទួលទានអាហារហឹរ
អាហារដែលមានរសជាតិហឹរ ជាធម្មតាវាពិតជាជួយជំរុញឱជារសឲ្យឈ្ងុយឆ្ងាញ់ យ៉ាងណាសម្រាប់អ្នកមានបញ្ហាក្រពះ អ្នកមករដូវ មិនគួរទទួលទាននោះទេ។ លុះត្រាតែការមករដូវ ត្រូវបានបញ្ចប់ សឹមអ្នកគួរទៅទទួលទានវាបាន ព្រោះកំឡុងពេលមករដូវ អាចនាំឲ្យប៉ះពាល់ស្បូនធ្ងន់ធ្ងរណាស់។
២) កុំកក់សក់យូរពេក
ផ្នែកក្បាលមានសរសៃប្រសាទច្រើនណាស់ ដូច្នេះនៅថ្ងៃមករដូវ មិនត្រូវងូតទឹកត្រជាក់យូរពេកនោះទេ។ នៅពេលខ្យល់ត្រជាក់និងសើម ចូលមកក្នុងក្បាល នឹងងាយនឹងបង្កទៅជាជំងឺឈឺក្បាល ហើយប៉ះពាល់ដល់ស្បួនយ៉ាងឆាប់រហ័ស។
លើសពីនេះស្រ្តីដែលនៅជាមួយទឹកត្រជាក់យូរ ឬចំណាយពេលកក់សក់ វានឹងងាយប្រមូលផ្តុំកំណកឈាម ដែលបណ្តាលឲ្យកកកុញនៅក្នុងស្បួន ហើយអាចប៉ះពាល់ធ្ងន់ធ្ងរទៅពេលខាងមុខ។ ស្រ្តីគួរតែកំណត់ការកក់សក់ ក្រោយពេលបញ្ចប់ការមករដូវ ជាជម្រើសល្អបំផុត។
១) កុំដុសផ្នែកពោះ និងចង្កេះច្រើនពេក
នៅលើដងខ្លួនស្រ្តី ស្បួនគឺស្ថិតនៅផ្នែកខាងក្រោមពោះនិងចង្កេះ ហើយប្រសិនផ្នែកនោះវាមានសីតុណ្ហភាពត្រជាក់ពេក គឺងាយនឹងបណ្តាលឲ្យប៉ះពាល់ដល់វដ្ដរដូវដែលកំពុងបន្ត។ ជាតិពុល កំណកឈាម នឹងមិនត្រូវបានធ្លាក់ចេញពីខ្លួនអស់នោះទេ ដែលនាំឲ្យសុខភាពស្បូននឹងមានការធ្លាក់ចុះនៅពេលបន្ទាប់៕
ប្រភព៖ បរទេស | ប្រែសម្រួល៖ ក្នុងស្រុក
Recent News
