វិធីសាស្ត្រធម្មជាតិ ៧យ៉ាង ជួយបំបាត់ការស្ទះ និងតឹងច្រមុះ ពេលមានជម្ងឺផ្តាសាយ
ជួបបញ្ហាតឹងច្រមុះគឺជារោគសញ្ញាមួយក្នុងចំណោមរោគសញ្ញាដែលគួរឱ្យរំខានបំផុតពេលអ្នកមានជម្ងឺផ្តាសាយ។ យើងដឹងថាវានាំឱ្យអ្នកពិបាកដកដង្ហើម និងមានអារម្មណ៍ធុញថប់។ ដើម្បីដោះស្រាយសូមប្រើវិធីសាស្រ្តមួយចំនួនដូចជា ទទួលទានភេសជ្ជៈក្តៅ ឆ្ពង់ចំហាយទឹក -ល- ដែលអ្នកអាចធ្វើនៅផ្ទះដោយមិនចាំបាច់ងាកទៅប្រើថ្នាំពេទ្យ។
ថ្ងៃនេះ Kroupet Knongsrok សូមបង្ហាញវិធីធម្មជាតិចំនួន ៧ ដែលត្រូវបានបង្ហាញឱ្យឃើញតាមបែបវិទ្យាសាស្ត្រ ដើម្បីសម្អាតផ្លូវដង្ហើមឱ្យបានលឿន និងមានប្រសិទ្ធភាព។
1. គេងតាមគន្លងដែលធ្វើឱ្យអ្នកមិនតឹងច្រមុះ
ច្រមុះតឹង ឬស្ទះមានន័យថា មានទឹករំអិលជាច្រើនជាប់នៅក្នុងច្រមុះរបស់អ្នក ដែលរារាំងអ្នកមិនឱ្យដកដង្ហើមបានស្រួល។ ដូច្នេះ វាជារឿងសំខាន់ដែលអ្នករក្សាក្បាលរបស់អ្នកឱ្យខ្ពស់នៅពេលយប់ ដោយគេងលើខ្នើយរាងខ្ពស់ជាងធម្មតា។ វាក៏សំខាន់ផងដែរ ដែលអ្នកព្យាយាមគេងចំហៀងព្រោះវានឹងជួយបំបាត់ការតឹងច្រមុះ និងសម្រួលដល់ការដកដង្ហើម។ ច្រមុះរបស់អ្នកនឹងបានល្អប្រសើរឡើងក្នុងការ "បង្ហូរចេញ" ដោយខ្លួនវានៅពេលយប់ ជាជាងឱ្យមានការបញ្ចេញទឹករំអិលកាន់តែច្រើន។
2. ទទួលទានស៊ុបក្តៅ ឬតែក្តៅ
ការទទួលទានរបស់ក្តៅៗប្រហែលជាមិនជួយអ្នកព្យាបាលផ្តាសាយបានលឿនរហ័សនោះទេ ប៉ុន្តែវានឹងជួយសម្រាលអ្នកពីរោគសញ្ញាដែលរំខាន។ អ្នកស្រាវជ្រាវបានរកឃើញថាអ្នកដែលទទួលទានភេសជ្ជៈក្តៅៗនឹងធ្វើឱ្យមានអារម្មណ៍ប្រសើរជាងមុនទាក់ទងនឹងស្ថានភាពរបស់ពួកគេ។ របស់ក្ដៅដូចជាតែបៃតង ស៊ុបមាន់ និងទឹកក្តៅឧណ្ហៗជាមួយក្រូចឆ្មា និងទឹកឃ្មុំអាចជួយបណ្ធូរការតឹងច្រមុះរបស់អ្នកយ៉ាងមានប្រសិទ្ធភាព។ ឥទ្ធិពល placebo ដែលពួកវាបង្កើតគឺមានសារៈសំខាន់ខ្លាំងណាស់ ដើម្បីឱ្យអ្នកមានអារម្មណ៍ធូរស្រាល និងប្រសើរជាងមុន។
3. ស្អំកន្សែងក្តៅឧណ្ហៗ
ប្រើកន្សែងស្អំលើថ្ងាសគឺការកាត់បន្ថយការរលាកនៅក្នុងប្រហោងឆ្អឹងច្រមុះរបស់អ្នក និងធ្វើឱ្យផ្លូវដង្ហើមបានប្រសើរជាងមុន។ គ្រាន់តែយកកន្សែងស្អាតជ្រលក់ទឹកក្តៅឧណ្ហៗ រួចស្អំលើថ្ងាស។ ភាពកក់ក្តៅនឹងធ្វើឱ្យរន្ធច្រមុះរបស់អ្នកបើក ហើយផ្តល់ឱ្យអ្នកនូវសមត្ថភាពក្នុងការដកដង្ហើមបានកាន់តែងាយស្រួល។ ត្រូវប្រាកដថាអ្នកមិនស្អំយូរពេកទេ ព្រោះអាចនឹងធ្វើឱ្យរលាកស្បែក។
4. លាងសម្អាតច្រមុះរបស់អ្នក
នេះប្រហែលជាមិនមែនជារឿងដែលស្រួលធ្វើបំផុតនោះទេ ប៉ុន្តែវាត្រូវបានបង្ហាញថាមានប្រសិទ្ធភាពក្នុងការសម្អាតច្រមុះរបស់អ្នក។ គ្រាន់បាញ់ទឹកចូលក្នុងរន្ធច្រមុះទី១របស់អ្នក។ ទឹកនឹងចូលទៅក្នុងច្រមុះរបស់អ្នក ហើយវានឹងហូរចេញពីរន្ធច្រមុះទី២របស់អ្នក។ អ្នកអាចអនុវត្តន៍វិធីនេះរយៈពេល 1 នាទីនៅលើរន្ធច្រមុះនីមួយៗ។
សូមចងចាំថា អ្នកមិនអាចប្រើតែទឹកធម្មតាបានទេ។ FDA ណែនាំឲ្យអ្នកប្រើទឹកចម្រោះ ឬទឹកស្អាត ហើយមិនមែនទឹករ៉ូប៊ីណេដែលអាចពោរពេញដោយអំបិល និងធាតុបង្កគ្រោះថ្នាក់ផ្សេងទៀត។
5. ប្រើម៉ាស៊ីនចំហាយទឹក
ខ្យល់ត្រជាក់ និងស្ងួតដែលជាធម្មតាមាននៅក្នុងផ្ទះ ធ្វើឱ្យច្រមុះរបស់អ្នកតឹងកាន់តែខ្លាំង។ អ្នកជំនាញផ្តល់យោបល់ឱ្យប្រើម៉ាស៊ីនចំហាយទឹក ដោយសារវាបញ្ចេញសំណើមដែលត្រូវការច្រើននៅក្នុងបន្ទប់របស់អ្នក។ អ្នកអាចបើកវាទាំងថ្ងៃ និងពេលយប់ ប៉ុន្តែវាមានប្រយោជន៍ជាងនៅពេលអ្នកគេង ព្រោះវាជួយឱ្យអ្នកសម្រាក និងមានអារម្មណ៍ស្រួលជាងមុន។ អ្នកមិនចាំបាច់ព្រួយបារម្ភអំពីគ្រោះថ្នាក់ណាមួយឡើយ ហើយអ្នកនឹងសម្គាល់ឃើញពីភាពប្រសើរឡើងដ៏អស្ចារ្យរបស់វា ធ្វើឱ្យច្រមុះតឹង ឬស្ទះរបស់អ្នកយ៉ាងបានធូរស្រាលប្រសើរយ៉ាងឆាប់រហ័ស។
6. ឆ្ពង់ទឹកខ្ទឹមស
© Depositphotos.com © Depositphotos.com
ខ្ទឹមសមានលក្ខណៈសម្បត្តិប្រឆាំងនឹងរោគផ្សិត និងប្រឆាំងនឹងបាក់តេរី ហើយវាមានប្រសិទ្ធភាពជាច្រើននៅពេលដែលអ្នកមានជំងឺផ្តាសាយ។ អ្នកអាចញ៉ាំវា ឬស្ងោរវាក្នុងទឹក រួចឆ្ពង់ស្រូបយកចំហាយរបស់វា ហើយជៀសវាងក្លិនដង្ហើមមិនល្អ។ អ្នកអាចប្រើកន្សែងគ្របលើក្បាលរបស់អ្នក ដើម្បីរក្សាចំហាយទឹកឱ្យជាប់តាមដែលអាចធ្វើទៅបាន។ ទោះជាយ៉ាងណាក៏ដោយខ្ទឹមសមានក្លិនខ្លាំងដូច្នេះកុំនៅគៀកពេកទេ រក្សាចម្ងាយឱ្យឆ្ងាយបន្តិច។
7. ទទួលទានអាហារហឹរ
© Depositphotos.com © Depositphotos.com
អ្នកអាចកត់សម្គាល់ឃើញថា នៅពេលដែលអ្នកទទួលទានហឹរ នោះច្រមុះរបស់អ្នកនឹងធូរស្រួលដកដង្ហើម។ ដូច្នេះ នេះអាចជាដំណោះស្រាយបណ្ដោះអាសន្នដ៏ល្អមួយ។ អ្វីដែលអ្នកអាចធ្វើបានគឺចាប់ផ្តើមបន្ថែមគ្រឿងទេសទូទៅទៅក្នុងចាន រួមមានម្ទេសក្រហម ខ្ទឹមស ខ្ញី និងរមៀត។ រមៀតមានលក្ខណៈសម្បត្តិប្រឆាំងនឹងការរលាកដ៏សំខាន់ដែលនឹងជួយអ្នកពីជំងឺផ្តាសាយទូទៅ៕
ប្រែសម្រួល៖ វីរៈ
Recent News
