របបអាហារទាំង៥មុខ កាន់តែញុំា កាន់តែស្គម ទោះមិនហាត់ប្រាណក៏ដោយ

• 2021-11-20

របបអាហារដែលល្អ និងត្រឹមត្រូវ នឹងជួយឱ្យអ្នកគ្រប់គ្រងទម្ងន់បានកាន់តែល្អ រក្សារាងឱ្យស្លីម ដោយមិនចាំបាច់ចំណាយកម្លាំងច្រើនក្នុងការធ្វើលំហាត់ប្រាណនោះឡើយ។​ យ៉ាងណាមិញ ដូចអាហារទាំង៥មុខខាងក្រោមនេះ ពិតជាល្អសម្រាប់អ្នកដែលខ្ជិលហាត់ប្រាណ តែចង់ស្គម អ្នកគួរតែសាកល្បងមើល។

១. អង្ករ​សំរូប

បើប្រៀបធៀបជាមួយអង្ករស អង្ករសំរូបត្រូវបានគេចាត់ទុកថាមានជីវជាតិច្រើនជាង។ សម្បកអង្ករសំរូបមានសារធាតុចិញ្ចឹមជាច្រើនដូចជា វីតាមីន B1, B2, B3 រួមជាមួយនឹងបរិមាណដ៏ច្រើននៃវីតាមីន E និងសារធាតុរ៉ែ ជាតិសរសៃ និងប្រូតេអ៊ីន ដើម្បីជួយបង្កើតអារម្មណ៍ឆ្អែតបានយូរ កាត់បន្ថយការទទួលទានអាហារសម្រន់ដោយមិនធ្វើឱ្យអ្នកមានអារម្មណ៍ធ្ងន់ ឬឡើង​ទម្ងន់។

២. ខាត់ណាផា្ក

ផ្កាខាត់ណាខៀវ ១០០ ក្រាមមានត្រឹមតែ ២៥ kcal ប៉ុណ្ណោះ ហើយសម្បូរទៅដោយវីតាមីន C ជាតិសរសៃ និងសារធាតុប្រឆាំងអុកស៊ីតកម្ម ដើម្បីជួយឱ្យអ្នកមានអារម្មណ៍ឆ្អែតបានយូរ។ អ្នកអាចប្រើផ្កាខាត់ណាខៀវជាបន្លែធម្មតាក្នុងអាហារ ឬប្រើជំនួសបាយដើម្បីជួយកំណត់បរិមាណកាឡូរី ជួយសម្រកទម្ងន់កាន់តែមានប្រសិទ្ធភាព។

៣. ស្រូវសាលី

ស្រូវសាលី ផ្តល់សារធាតុចិញ្ចឹមសំខាន់ៗជាច្រើនសម្រាប់រាងកាយក្នុងរបបអាហារ។ ១០០ ក្រាមនៃស្រូវសាលី នឹងមានប្រហែល 389 កាឡូរី ទោះបីជាកម្រិតថាមពលនេះគឺខ្ពស់ក៏ពិតមែន បរិមាណនៃជាតិសរសៃ និងប្រូតេអ៊ីននៅក្នុង ស្រូវសាលី ក៏មានច្រើន ជួយបង្កើតអារម្មណ៍នៃការឆ្អែតបានយូរ ចៀសវាងការឃ្លាន។ អាហារ​មួយ​ពេល​ដែល​អ្នក​ត្រូវ​ញុំា ​តែស្រូវសាលី ប្រហែល ៥០g គឺ​គ្រប់គ្រាន់​ហើយ។ លើសពីនេះ អាហារនេះក៏មានផ្ទុកនូវជាតិកាល់ស្យូម ផូស្វ័រ ប៉ូតាស្យូមច្រើន ដែលល្អសម្រាប់សុខភាព។

៤. ដំឡូង

ដំឡូងជ្វា​ជា​អាហារ​ដែលមានតម្លៃថោក តែមាន​ឥទ្ធិពល​ល្អ​ដល់​ការ​សម្រក​ទម្ងន់។ យោងតាមការស្រាវជ្រាវ ដំឡូងជ្វា ១០០ ក្រាម អាចផ្តល់ ១២០kcal ជាមួយនឹងសារធាតុចិញ្ចឹមដូចជា វីតាមីន ជាតិដែក និងកាល់ស្យូម...។ ជាតិសរសៃនៅក្នុងដំឡូងជ្វាមិនតូចទេ ជួយដល់ប្រព័ន្ធរំលាយអាហារ បង្កើនការឆ្អែត និងល្អសម្រាប់រាងកាយ ជួយជម្រុញដល់ការសម្រកទម្ងន់។

៥. គ្រាប់សាគូ

គ្រាប់សាគូ ល្អខ្លាំងសម្រាប់ស្ត្រី ដែលចង់សម្រកទម្ងន់ ព្រោះវាមានកាឡូរីទាប គ្រាប់សាគូ ១០០g ផ្តល់តែប្រហែល ១០០kcal និងមានប្រូតេអ៊ីនពីរដងនៃអង្ករស។ លើសពីនេះ គ្រាប់នេះក៏មានសារធាតុរ៉ែជាច្រើនដែលល្អសម្រាប់សុខភាពផងដែរ។ ប្រូតេអ៊ីន និងជាតិសរសៃនៅក្នុងគ្រាប់សាគូ ជួយបង្កើតអារម្មណ៍ឆ្អែតបានយូរ កម្រិតអាហារសម្រន់ និងជម្រុញប្រព័ន្ធរំលាយអាហារឱ្យដំណើរការបានរលូន។

បន្ថែមពីលើការទទួលទានអាហារខាងលើ អ្នកត្រូវយកចិត្តទុកដាក់លើតុល្យភាពអាហារូបត្ថម្ភ កំណត់ការទទួលទានអាហារសម្បូរជាតិខ្លាញ់ និងជាតិស្ករ។ បរិភោគអាហារសំខាន់ៗចំនួន ៣ ៖

- កំណត់ការទទួលទានអាហារពេលយប់

- ផឹកទឹកឱ្យបានគ្រប់គ្រាន់ជារៀងរាល់ថ្ងៃ

-កុំអង្គុយមួយកន្លែងយូរពេក អ្នកគួរតែបង្កើនចលនាជាមួយនឹងលំហាត់សាមញ្ញៗនៅផ្ទះ ដើរ ឬរត់ជារៀងរាល់ថ្ងៃ៕

ប្រភព ៖ Phunutoday / Knongsrok