ផ្លែឈើ ៧ មុខ ល្អបំផុត ជួយកាត់បន្ថយការព្រួយបារម្ភពីជំងឺខ្សោយតម្រងនោម
ផ្លែឈើ ៧ មុខខាងក្រោមនេះ មានប្រសិទិ្ធភាពក្នុងការកម្ចាត់ជាតិពុលក្នុងតម្រងនោម
ជំនួយតម្រងនោមឱ្យមានសុខភាពល្អ។
១. ទំពាំងបាយជូ
ទំពាំងបាយជូរមានផ្ទុកសារធាតុ Resveratrol ដែលជាសមាសធាតុប្រឆាំងនឹងការរលាកដែលការពារតម្រងនោមពីការខូចខាត។ អ្នកជំនាញ និងវេជ្ជបណ្ឌិតណែនាំឱ្យអ្នកញុំាផ្លែទំពាំងបាយជូរយ៉ាងហោចណាស់ ១៥ ផ្លែក្នុងមួយថ្ងៃ ដើម្បីកែលម្អមុខងារតម្រងនោម និងរក្សាតុល្យភាពអេឡិចត្រូលីត។
២. ឪឡឹក
ឪឡឹកដើរតួនាទីជា "ស៊ីវ" ដើម្បីជួយបន្សុទ្ធតម្រងនោមរបស់អ្នកពីជាតិពុលដែលកកកុញក្នុងរាងកាយពីកត្តាផ្សេងៗ។ នេះធ្វើឱ្យវាជាផ្លែឈើមួយប្រភេទដែលអ្នកត្រូវញុំាដើម្បីរក្សាតម្រងនោមឱ្យមានសុខភាពល្អ។
៣. ផ្លែប៉ោមពណ៌បៃតង
ផ្លែប៉ោមបៃតងសម្បូរទៅដោយសារធាតុប្រឆាំងអុកស៊ីតកម្ម សមាសធាតុប្រឆាំងនឹងការរលាក… ដើរតួនាទីយ៉ាងសំខាន់ក្នុងការធ្វើឱ្យមុខងារតម្រងនោមរបស់អ្នកប្រសើរឡើង។ ជាងនេះទៅទៀត សារជាតិ pectin ដែលមាននៅក្នុងផ្លែប៉ោម ក៏ជួយកាត់បន្ថយហានិភ័យនៃការខូចខាតក្រលៀនក្នុងរយៈពេលខ្លីផងដែរ។
៤. ផ្លែស្ត្របឺរី
ផ្លែស្ត្របឺរីមានផ្ទុកនូវសារធាតុប្រឆាំងអុកស៊ីតកម្មដែលហៅថា anthocyanins និង ellagitannins ដែលនឹងជួយការពារតម្រងនោមពីការកត់សុីដោយកម្ចាត់រ៉ាឌីកាល់សេរីដែលបង្កគ្រោះថ្នាក់ ដែលបណ្តាលឱ្យខូចតម្រងនោមពីការប៉ះពាល់ជាប្រចាំ។
៥. ផ្លែល្ហុង
ល្ហុងនេះជាផ្លែឈើដែលមានជាតិទឹកច្រើន ផ្អែមត្រជាក់ និងសម្បូរវីតាមីន និងប៉ូតាស្យូមទាប។ ផ្លែល្ហុងត្រូវបានណែនាំដោយអ្នកជំនាញអាហារូបត្ថម្ភ ព្រោះវាជួយធ្វើឱ្យត្រជាក់ និងចិញ្ចឹមតម្រងនោម។ អ្នកគួរញុំាផ្លែល្ហុងឆៅ ឬយកវាទៅធ្វើជាសម្លម្ជូរជារៀងរាល់ថ្ងៃ។
៦. ក្រូចថ្លុង
ដូចដែលយើងដឹងស្រាប់ហើយថា ក្រូចថ្លុងសម្បូរទៅដោយវីតាមីន C ការទទួលទានផ្លែក្រូចថ្លុងជាប្រចាំ នឹងជួយពង្រឹងភាពស៊ាំ កាត់បន្ថយជាតិខ្លាញ់ក្នុងឈាម និងរក្សាលំនឹងជាតិស្ករក្នុងឈាម។
មិនត្រឹមតែប៉ុណ្ណោះ ក្រូចថ្លុង ថែមទាំងមានប្រសិទ្ធភាពការពារជំងឺខ្សោយតម្រងនោម កាត់បន្ថយហានិភ័យគ្រួសក្នុងតម្រងនោម…។ អ្នកអាចញុំាវាដោយផ្ទាល់ ឬប្រើក្រូចថ្លុងដើម្បីធ្វើទឹក ឬកែច្នៃវាទៅក្នុងចានដែលអ្នកចូលចិត្ត។
៧. ម្នាស់
អ្នកដែលមានជំងឺខ្សោយតម្រងនោមគួរតែកំណត់អាហារសម្បូរប៉ូតាស្យូម សូដ្យូម ផូស្វ័រ និងកូលេស្តេរ៉ុល។ អនុសាសន៍ដ៏អស្ចារ្យមួយសម្រាប់អ្នកជំងឺគឺម្នាស់។ ម្នាស់សម្បូរទៅដោយទឹក សម្បូរទៅដោយសារធាតុរ៉ែ និងសារធាតុប្រឆាំងអុកស៊ីតកម្ម ប៉ូតាស្យូមទាប ដែលល្អសម្រាប់កែលម្អលក្ខខណ្ឌជំងឺ។
ម្នាស់ក៏មានសមត្ថភាពសម្អាតក្រលៀន ប្រឆាំងនឹងការរលាក ជួយដល់ការខូចខាតក្នុងរាងកាយឆាប់ជាសះស្បើយ។ ដូច្នេះហើយ អ្នកជំងឺគួរតែបន្ថែមអាហារនេះទៅក្នុងអាហារប្រចាំថ្ងៃរបស់ពួកគេ ដើម្បីការពារ និងគាំទ្រការព្យាបាលដ៏ល្អបំផុត៕
ប្រភព ៖ Phunutoday / Knongsrok
Recent News
