ភេសជ្ជៈទាំង ៥ ប្រភេទ ស្រីៗគួរតែទទួលទានក្នុងថ្ងៃមករដូវ ដើម្បីជួយកម្ចាត់ជាតិពុលក្នុងស្បូន កាត់បន្ថយការឈឺចុកចាប់
ខាងក្រោមនេះ ជាភេសជ្ជៈទាំង ៥ មុខ ល្អបំផុតសម្រាប់ស្ត្រី ក្នុងថ្ងៃមករដូវ ដែលអ្នកអាចទទួលទានដោយគ្មានការបារម្ភអ្វីឡើយ។ លើសពីនេះ ភេសជ្ជៈទាំងនេះ ក៏ជួយបណ្ដេញជាតិពុលក្នុងស្បូន កាត់បន្ថយការឈឺចុកចាប់ ថែមទាំងជួយឱ្យស្បែកមានភាពភ្លឺថ្លាទៀតផង។
១. ទឹកខ្ញី
ខ្ញី គឺជាគ្រឿងទេសដ៏ពេញនិយម ដែលតែងតែមាននៅក្នុងផ្ទះបាយគ្រប់ក្រុមគ្រួសារ។ យ៉ាងណា ខ្ញីពិតជាមានអត្ថប្រយោជន៍ជាច្រើនចំពោះសុខភាព។ នៅពេលមករដូវ អ្នកអាចប្រើខ្ញីក្នុងវិធីជាច្រើនដើម្បីចិញ្ចឹមរាងកាយ និងកាត់បន្ថយការអស់រដូវ បង្កើនសមត្ថភាពបន្សាបជាតិពុល។
អ្នកអាចផឹកទឹកខ្ញីក្តៅឧណ្ហៗ ប្រើខ្ញីត្រាំជើង ឬផ្សំខ្ញីជាមួយគ្រឿងផ្សំមួយចំនួនទៀត ដើម្បីទទួលបានលទ្ធផលល្អជាង។
វិធីសាមញ្ញបំផុតគឺ ផឹកទឹកខ្ញីស្ករ ក្នុងថ្ងៃមករដូវ។ ភេសជ្ជៈនេះជួយឱ្យស្បូនឡើងកម្ដៅ ជួយឱ្យដំណើរឈាមរត់បានស្រួល។ លើសពីនេះ វាក៏ជួយលើកកម្ពស់ការសម្អាតស្បូន ការពារការឆ្លងមេរោគផងដែរ។
ខ្ញីក្នុងការផ្សំជាមួយសណ្តែកក្រហម ក៏ជាជម្រើសដ៏ល្អផងដែរ។ ជួយសម្រួលដល់ការបញ្ចេញកាកសំណល់ក្នុងស្បូន ធ្វើឱ្យសរសៃប្រសាទស្ងប់ស្ងាត់ កាត់បន្ថយការគេងមិនលក់។
២. ទឹកក្ដៅឧណ្ហៗ
ការផឹកទឹកឱ្យបានគ្រប់គ្រាន់ គឺជារឿងដែលស្ត្រីគួរធ្វើ មិនត្រឹមតែនៅថ្ងៃមករដូវប៉ុណ្ណោះទេ។ ការផឹកទឹកចម្រោះជួយពង្រឹងចរន្តឈាម គ្រប់គ្រងការកន្ត្រាក់ស្បូន និងជួយសម្រួលដល់ការឈឺចុកចាប់ពេលមករដូវ។
ក្នុងអំឡុងពេលមករដូវ អ្នកគួរតែផឹកទឹកក្តៅ ឬទឹកឆ្អិន។ ទឹកត្រជាក់គួរចៀសវាង ព្រោះសីតុណ្ហភាពទឹកទាបពេក វានឹងធ្វើឱ្យសីតុណ្ហភាពរាងកាយមិនមានតុល្យភាព ធ្វើឱ្យឈឺពោះកាន់តែធ្ងន់ធ្ងរ ។
៣. តែ Chamomile
តែ Chamomile ត្រូវបានគេប្រើជាញឹកញាប់ ដើម្បីព្យាបាលការគេងមិនលក់ ភាពតានតឹងផ្នែកសរសៃប្រសាទ បង្កើនប្រព័ន្ធភាពស៊ាំ និងប្រឆាំងនឹងភាពចាស់។ ភេសជ្ជៈនេះក៏មានប្រសិទ្ធភាពខ្ពស់ ក្នុងការកាត់បន្ថយការឈឺចាប់ពេលមករដូវផងដែរ។
សមាសធាតុទាំងពីរ hipprat និង glycine នៅក្នុងតែ chamomile មានប្រសិទ្ធភាពកាត់បន្ថយការកន្ត្រាក់សាច់ដុំ ជួយឱ្យស្បូនសម្រាក។ លើសពីនេះ សារជាតិប្រឆាំងអុកស៊ីតកម្ម apigenin នៅក្នុងតែនេះមានសមត្ថភាពកាត់បន្ថយការរលាកនៅក្នុងខ្លួន។
៤. តែជីអង្កាម
តែជីអង្កាម មានផ្ទុកសារធាតុ menthol ដែលជួយព្យាបាលការឈឺបំពង់ក និងបំបាត់ការឈឺចាប់ពេលមានរដូវ។ លើសពីនេះ តែនេះក៏ជួយបន្ធូរសាច់ដុំក្រពះ កាត់បន្ថយកម្រិតនៃការកន្ត្រាក់ស្បូនអំឡុងពេលមករដូវ។
៥. តែបៃតង
តែបៃតង ជាភេសជ្ជៈផ្តល់អត្ថប្រយោជន៍ដល់សុខភាពជាច្រើន។ សារធាតុ Polyphenols នៅក្នុងស្លឹកតែមានប្រសិទ្ធភាពកាត់បន្ថយការរលាកស្បូនក្នុងថ្ងៃមករដូវ។ លើសពីនេះ ទឹកតែក៏មានផ្ទុកនូវវីតាមីន និងសារធាតុរ៉ែជាច្រើនដើម្បីជួយធ្វើឱ្យមានតុល្យភាពអេឡិចត្រូលីត គ្រប់គ្រងការកន្ត្រាក់ស្បូន និងជួយបន្ថយការឈឺចាប់។
លើសពីនេះ ភេសជ្ជៈនេះក៏មានសារធាតុប្រឆាំងអុកស៊ីតកម្មជាច្រើន ដែលជួយការពារភាពចាស់ពីខាងក្នុង។ ការផឹកតែបៃតងជាទៀងទាត់ក៏ជួយដល់ការសម្រកទម្ងន់ ការពារការប្រមូលផ្តុំជាតិខ្លាញ់ក្នុងរាងកាយ។
ទោះជាយ៉ាងណាក៏ដោយ អ្នកត្រូវដឹងថា ភេសជ្ជៈនេះអាចកាត់បន្ថយការស្រូបយកជាតិដែក និងអាហារូបត្ថម្ភ ប្រសិនបើទទួលទានលើស។ ដូច្នេះហើយ អ្នកគួរតែប្រើវាក្នុងបរិមាណល្មម កុំផឹកពេលពោះទទេ ហើយកុំផឹកភ្លាមក្រោយបាយ៕
ប្រភព ៖ Phunutoday / Knongsrok
Recent News
